ناصر خنيفر ( العمدة ) للأهمية ..!!
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


الطيب بين في وجيه الطاطيح = والا الردي من كل خير امحرومي

ناس تعيش الذل من دون تصريح = تطرب على النمه وحذف السهومي

شرابة الذلة وشرابة القيح = مثل الزخم في كاسيات اللحومي
جنس(ن) مع العالم ومحتاج تصحيح = حتى يميز فالقمر والنجومي

وانا احمد الله ما طردت المشافيح = ولا لي مع وجيه الفقارى لزومي

انصى الذي في مجلسه هبة الريح = ناصر خنيفر ذخر كل القرومي

سلام تسليم(ن) كما نفحة الشيح = يا صل مقامك يا قوي العزومي

يابو خنيفر وضعنا صاير(ن) ميح = وأنت الذي تعرف طباع وسلومي
لا صار طيرك ما يعرف الملاويح = يجفل ليا من شاف نسر(ن) يحومي

خله وزانك لا يكثر مراويح = ولا تتعبه في عاليات الرجومي

ما يتعب الرجلين كثر المساريح = ونفسي تعشق الكايدات وترومي

ولا تنقص الكيله بوسط المفاويح = وراسي يشم من الهواء كل يومي
نفسي معليها ولا يمكن أتطيح = (( ومن لا تعلم ما تسر العلومي ))

هذا كلامي ما يبي زود تشريح = واقبل تحياتي وخيرك يدومي[/poem]

صح الساااااااانك ............... ومن نخاابو تركي مخااب