[راشد الراشد]

السلام عليكم ورحمة الله وبركاته

تحيه طيبه واما بعد

اقدم لكم قصيدة الشاعر الكبير : خليف نحيطر الصليلي العنزي

وهي في عنوان : ياعبيد

يقول

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياعبيد قلبي من هوى الزين ملتاع=عزاه ياقلبٍ هوى الزين لاعه
طبيت في حبه ولامنه مطلاع=وعذلت انا قلبي ولامنه طاعه
وفز الخفوق مصوبٍ بين الأظلاع=يشكي من الغرو المدلل طباعه
يسوقني حبه كما سوق طماع=يريد من بعض التجاره طماعه
عجزت لا اقعد يافتى الجود بالقاع=ألوج كاللي ضايعٍ له وداعه
يخاف يتهم بالأمانات ويشاع=وتطيح قيمة سمعته بالجماعه
والجادل اللي حبها كمل الصاع=اشفق لشوفه ساعةٍ بعد ساعه
سودٍ عيونه كالدرابيل ووساع=تزيد من نار المولع ولاعه
والله اكبر ياحلا الزين واطباع=سبحان ربٍ جمله في طباعه
وأظن مالي من هواء الزين منفاع=دونه خبيثٍ رابين بالقطاعه
عودٍ سبق له للمحبين مناع=عن نية المعروف طاون شراعه
[/poem]


وسلامتكم

الموضوع الأصلي: قصيدة للشاعر الكبير : خليف نحيطر الصليلي العنزي | | الكاتب: راشد الراشد | | المصدر: شبكة بني عبس

[أثير الشوق]

قصيده رائعه صح لسان الشاعر وشكرا لك

[كاتب الرشيدي]

شكراً لك على النقل وصح لسان الشاعر العنزي

ولكن المنقول مكانه منتدى عيون الشعر

اسمح لي بنقلها هناك

[سحايب]

صح الســـان شاعرها
وسلمت يمناك على النقل
قصيده جميله لاهنت