[فضي البراك]

يا صاحبي لو على دنياك ما دامت=لو تملك الأرض مغربها ومشرقها




لا تلتفت في كلام العاذل الشامت=شف اللي باقي من أحلامك وحققها


لو تدري الناس وش موزيك ما لامت=تسابقت للعذل واللوم سابقها



لا ارتاحت الناس في شفك ولا قامت=ما يدري بأسرار نفسك كود خالقها




تقول عيني لها يومين ما نامت=وأقول شاللي معنيها ومرهقها


عمر الغلا ما يجي بإحراق ومعامت=معامتٍ نفسك بنفسك ومحرقها


(بعض المحبه) طيورٍ كل ما حامت=ما مرها من الهبوب الا مفرقها


(وبعض المحبه) طيورٍ كل ما شامت=عن دارها كن جفا (المربى) يوثقها


إن طعتني خل (جوالك على الصامت)=وخذ قاعدة طنش العالم وطبقها


(البنت) مهما أعشقت وأشتاقت وهامت=لو قالت أني (أحبك لا تصدقها)


(( إلا )) اللي من حبها لرضاك ما سامت=لو أنذرت عمرها من دون عاشقها


ذي اللي في حبها لا تفرح الشامت=يا تحبها صدق والا لا تعلقها


وأغنم زمانك ترا الأيام ما دامت=تغااانم اللي بقى دامك مفارقها

منقووول

الموضوع الأصلي: يا تحبها صدق والا لا تعلقها | | الكاتب: فضي البراك | | المصدر: شبكة بني عبس

[سحايب]

(البنت) مهما أعشقت وأشتاقت وهامـت

لـو قالـت أنـي (أحبـك لا تصدقهـا)

الله الله صح الســان شاعرها

وسلمت يمناك قصيد بكاملها رائعه

ولكن اعجبني هالبيت واخترته

[راسبه بالحب]

إن طعتني خل (جوالك علـى الصامـت)

وخـذ قاعـدة طنـش العالـم وطبقهـا

يعطيك العافيه .. قمه الابيات ..

لاهنت ع النقل المميز ..

[فضي البراك]

اقتباس من مشاركة دمعه (البنت) مهما أعشقت وأشتاقت وهامـت لـو قالـت أنـي (أحبـك لا تصدقهـا) الله الله صح الســان شاعرها وسلمت يمناك قصيد بكاملها رائعه ولكن اعجبني هالبيت واخترته

دمعه الروعه مرورك ،،

سلمتي ،،

[سـلطآن]

يآنآس وين هشآعر

صح اللسآنـه قصيدهـ والله جزلـه وعذبـه ومنقآآهـ

ويآعل من طرحهآ مآتمس يدينـه النآس

[فضي البراك]

اقتباس من مشاركة راسبه بالحب إن طعتني خل (جوالك علـى الصامـت) وخـذ قاعـدة طنـش العالـم وطبقهـا يعطيك العافيه .. قمه الابيات .. لاهنت ع النقل المميز ..

مرورك ،، زاد القصيدة جمالاً

[بنساك]

ابيااات جداُ جميله بجماال طارحهاا

كل الشكر لك

فضي البراك


اختيار رائع كـ روعة حضورك


كل الاحترام لك



وبـأنتظار جديدك

[فضي البراك]

اقتباس من مشاركة «●سـلـطـاّטּ●» يآنآس وين هشآعر صح اللسآنـه قصيدهـ والله جزلـه وعذبـه ومنقآآهـ ويآعل من طرحهآ مآتمس يدينـه النآس

لا هنت ياسلطان ،،

وسلمك ربي ،،

ومرورك وسآم ،،