[ابو بيان]

هذه محاوره بين الشاعرين رجالله الحربي وراضي الرشيدي




راضـــــــــــــــــــــي

هلا يا مرحبا في حفل ربعي وأبـرك الحـزات=على فراش الكرامة والرجـال إلهـا مكارمهـا
تباطينا رجاء الله علمنا بـه فـي زمـانٍ iiفـات =يقولون المدينـة بالشتـاء والصيـف موسمهـا

رجــــــــــــــــــــاء لله

عساكم للبقاء ياهل الفخـر والجـود والعـادات=وقـومٍ مـا تغيـر سلمهـا ربــي يسلمـهـا
رجاء الله جاك طرقي يوم قمت تولـع اللمبات=وخلق الله تجي وتـروح مثلـه فـي لوازمهـا

راضــــــــــــــــــــي :

رفيقك يارجاء الله عـام الأول حـي ولا مـات =أشوفـك تالـي الأيـام مـع نجـد وخرايمهـا
صحيح أولع اللمبـات وانـت تشوفهـا بالـذات =لا يولعتهـا مــاودي الضلـعـان تصدمها

رجــــــــــــــــــــاءلله

رفيقي حي والنيران حيـه وأخفـظ لأصـوات=ترانا لـو نحـرك روسكـم طـارت عمايمهـا
وألا ياليت راضي يدفـع السيـات بالحسنـات = أنـا ودي يمـوت وطيـب أعمالـه خواتمهـا

راضــــــــــــــــــــي:

أحاديث النبـي قالـت لـك الأعمـال بالنيـات = ترانـا مانخـاف نجيـك بالبنـدق ومحزمـهـا
لو انه طـال عمـرك مقتفينـا هـادم اللـذات =وأنـا مانـي محلـل لقمـة ربـي محرمـهـا

رجـــــــــــــــــــاء الله :

يابو راس وخشم وش يحتمل راسك من الصكات=ترى الساعـة قريبـة ميـر دوبـك لا تقومها
ذلولك يالعماني مثل ماراحت بخرجـك جـات = ولا كن البلاء مقطـوع واحـد مـن براطمهـا

راضــــــــــــــــــــي :

ليامنه نزل عيسى بـن مريـم ترفـع الرايـات =ورجلـك لا توخرهـا شــوي ولا تقدمها
أنا عارف رجـاء الله مايغيـر عادتـه هيهـات = يدربيـه اليصـيـب ونعـمـة الله مايكرمـهـا

رجـــــــــــــــــــاء الله :

ليا منه نزل عيسى نزل لـك يالعـور بالـذات =لحيث انـك تحـرث الأرض وتغيـر معالمهـا

الموضوع الأصلي: محاورة الشاعر راضي الرشيدي والشاعر رجالله الحربي رحمة الله علية | | الكاتب: ابو بيان | | المصدر: شبكة بني عبس

[راعي الشلفا]

ياسلام عليك علي المحاوره الممتعه وبيض الله وجهك ولا هنت

ليا منه نزل عيسى نزل لـك يالعـور iiبالـذات //// لحيث انـك تحـرث الأرض وتغيـر iiمعالمهـا

[سعد الشقل]

ابو بيان بيض الله وجهكـ على المحاوره الرائعه :eek:

[عبدالعزيز الخياري]

محاوره قوية بين شعراء غنيين عن التعريف

الشاعر رجالله الحربي ((رحمه الله))

والشاعر راضي غالي

وانا لااستغرب قوة المحاوره من شعراء كبار


ماقول الا الله يبيض وجهك يابو بيان

وتقبل صادق تحياتي

[أبونواف]

ابو بيان بيض الله وجهكـ على المحاوره الرائعه




اخوك/ابـــــــــــــو نــــــــــواف

[سعد الفلاح]

ابو بيان بيض الله وجهكـ على المحاوره الرائعه

[سلمان]

محاوره قوية بين شعراء غنيين عن التعريف

الشاعر رجالله الحربي ((رحمه الله))

والشاعر راضي غالي

وانا لااستغرب قوة المحاوره من شعراء كبار


ماقول الا الله يبيض وجهك يابو بيان

وتقبل صادق تحياتي

[ابو براك الرياض]

الله يعطيك العافيه