[الاجهر]

ثوبي الشتوي متاهه والحزن مااحد ٍ درابه=كيف ابسلى من همومي واكشخ بلبس البياض
كيف ابهناا في منامي واهجر دروب الكآآبه=والعرب واروه قبره في ثرى اقصى الرياض
ياوجودي وجد عود ٍ صاح ضيمه والتواا به=لاشكى لأصغر عياله صاح منّه واستغاض
في الخوالي كان قدره عالي ٍ والكل هابه=والزمن بدّل شواهق قدره العالي انخفاض
لا تلفّت في الليالي وانتعت من حر مابه=اتحدّر به همومه في طويلات ٍ عراض
قدّر العالي رحيله وانكتب داخل كتابه=ياوجودي ويش اسوي ما على الوالي اعتراض
ياعرب والموت قاسي لو تشوف العين نابه=لانهش بين الضلوع وبارق الانياب ناض
العرب دُلّه وكل ِ ماسك ٍ درب ٍ مشابه=لادروا بللي بجوفي ؟ والشجن بالقلب هاض
يضحك اللي شاف همّي لا ابتعد واقفى حكابه=كن غراب البين ضيفه في الصدرعشّش وباض
ياعرب واللي درى بي من رفاق ومن قرابه=صدّوا وقفّوا وقفّوا ياعرب قالو تُعاض
يا عساه الموت جاري واكتسي منه ثيابه=لا نسيت بيوم ذكره بأورده موتي حياض
وين قبره ليت يشرى بأشري القبر وترابه=واسقى الانصاب دمعي لا نسكب دمعي فياض
الحزن أمسى رفيقي نوّخ بصدري ركابه=والشعر جيته وحيد وبأتركه خالي الوفاض
خل ثوبي فوق متني واغلق من اللوم بابه=لا تَهَدّم مابنيته ويش اسوّي بالنقاض
ثوبي الشتوي متاهه والحزن مااحد ٍ درابه=كيف ابسلى من همومي واكشخ بلبس البياض

قصيدة رائعة اعجبتي وسلامتكم

الموضوع الأصلي: ياوجودي وجد عود ٍ صاح | | الكاتب: الاجهر | | المصدر: شبكة بني عبس

[سعد بن عادي]

احسنت النقل يا الاجهر وصح لسانك ولسان قائلها


دمتم كما تحبون

[عبدالعزيز الخياري]

صح لسانك ولسان شاعرها بس مادري ياليت تقول لي منهو شاعرها إذا تعرفه

تقبل ودي وتقديري

[الخرينج]

صح لسانك و لسان من قالها ...
مشكور على هالاختيار الطيب :)

[مسندالعويمري]

احسنت النقل يا الاجهر وصح لسانك ولسان قائلها

[مبارك الشويلع]

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري

[الاجهر]

سعد بن عادي اشكر مرورك تسلم
الاخ عبدالعزيز لاعلم لدي مرورك اسعدني

[الاجهر]

الاخ الخرينج مرورك اسعدني ويامرحبا فيك
الاخ ابو عبدالله سعيد بمرور