[رشيد]

متى على الوقت اشعر اني تفوقت
-------------------------------------
وبــــــــــــران آل كليــــــــــــــــــــــــب


يانـوف من جور الزمن ضـاق بالي
*** وانا معلق كل الآمال عـ .. الوقـت

من عـادتي طفـل وانا راس مالي
*** قولة بينصفني الزمن كل ما اخفقت

واكبر ويكبر وسط صدري سـؤالي
*** متى على الصبر اشعر اني تفوقت

واليـوم هـذا انا وهــذا عـقـالــي
*** الى لبسته ضقت وان ما البسه ضقـت

لونـه يذكـرني بسـود الـلـيــالـي
*** اللي وراها باندفاع الشقا انسقت

تبـعـتـهـا حلمي على قد حالـي
*** واقصاه اسلي خاطـري لا تضايقت

ويوم افترق دربي جنوب وشمالي
*** وانشل تفـكـيري وضعت وتـفـرقت

عاندتها بصبر يهز الجبالي
*** صبر توهق بي وانا به توهقت

لا هو قتل حلمي ولا هو صفا ... لي
*** مابين آماله وياسي تعـلقت

لا افلست من الاول ولا جيت تالي
*** ولا بوجه اقدار الايام دنقت

عايش حزني واقول يانوف سالي
*** والمشله لا قلت يانوف صدقت

ماقد ذكرت بخير عصر مضا ... لي
*** ولا اذكر اني فيه لحظات روقت

مدري غبا الايام او هو هبالي
*** او القدر .. واقفى العمر ماتوفقت

او هو حنين داخلي ما يبالي
*** او غربة تجـتاحني كل مـا اشتـقت

او واقعي يرفض يصافح خيالي
*** واطـيـح واقـف كنـنـي ما تسلقـت

يــانـوف هذا انـا وهـذا سـؤالي
*** متى على الوقت اشعر اني تفوقت

الموضوع الأصلي: متى على الوقت اشعر اني تفوقت | | الكاتب: رشيد | | المصدر: شبكة بني عبس

[سعد بن عادي]

بيض الله وجهك يا رشيد على نقل هذا الابيات الرائعه ...,, وشاعرها ايضا له بصمه واضحه في الشعر ...,


وننتظر منك المزيد
دمتم كما تحبون

[ابن جحيل]

صح السانك ولاهنت

[رشيد]

بيض الله وجهك يا رشيد على نقل هذا الابيات الرائعه ...,, وشاعرها ايضا له بصمه واضحه في الشعر ..., وننتظر منك المزيد دمتم كما تحبون

وجهك ابيض ودمت سالم وغانم

[مسندالعويمري]

واليـوم هـذا انا وهــذا عـقـالــي


الى لبسته ضقت وان ما البسه ضقـت




صح السانك ومشكور على نقل هذا الابيات الرائعه

[رشيد]

ابن جحـيل

صح لسان شاعرها ولاهنت

[رشيد]

واليـوم هـذا انا وهــذا عـقـالــي الى لبسته ضقت وان ما البسه ضقـت صح السانك ومشكور على نقل هذا الابيات الرائعه

تسلم يالغالـــــــــــي