قبيلة بني رشيد - متى على الوقت اشعر اني تفوقت

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - متى على الوقت اشعر اني تفوقت (http://ban3abs.com/aa/showthread.php?t=8009)

متى على الوقت اشعر اني تفوقت

متى على الوقت اشعر اني تفوقت
-------------------------------------
وبــــــــــــران آل كليــــــــــــــــــــــــب

يانـوف من جور الزمن ضـاق بالي
*** وانا معلق كل الآمال عـ .. الوقـت

من عـادتي طفـل وانا راس مالي
*** قولة بينصفني الزمن كل ما اخفقت

واكبر ويكبر وسط صدري سـؤالي
*** متى على الصبر اشعر اني تفوقت

واليـوم هـذا انا وهــذا عـقـالــي
*** الى لبسته ضقت وان ما البسه ضقـت

لونـه يذكـرني بسـود الـلـيــالـي
*** اللي وراها باندفاع الشقا انسقت

تبـعـتـهـا حلمي على قد حالـي
*** واقصاه اسلي خاطـري لا تضايقت

ويوم افترق دربي جنوب وشمالي
*** وانشل تفـكـيري وضعت وتـفـرقت

عاندتها بصبر يهز الجبالي
*** صبر توهق بي وانا به توهقت

لا هو قتل حلمي ولا هو صفا ... لي
*** مابين آماله وياسي تعـلقت

لا افلست من الاول ولا جيت تالي
*** ولا بوجه اقدار الايام دنقت

عايش حزني واقول يانوف سالي
*** والمشله لا قلت يانوف صدقت

ماقد ذكرت بخير عصر مضا ... لي
*** ولا اذكر اني فيه لحظات روقت

مدري غبا الايام او هو هبالي
*** او القدر .. واقفى العمر ماتوفقت

او هو حنين داخلي ما يبالي
*** او غربة تجـتاحني كل مـا اشتـقت

او واقعي يرفض يصافح خيالي
*** واطـيـح واقـف كنـنـي ما تسلقـت

يــانـوف هذا انـا وهـذا سـؤالي
*** متى على الوقت اشعر اني تفوقت