[النمر1012]

قااالت نخيتك يا فتى قلت أرحبي ثم اقربي
ثم انتخي بي وازبني مزبن ضلوع بجْسدي


قالت كفو قلت إسلمي وهاتي يباسك واشربي
مشوار ضيمك ينتهي في بيت رجل ٍأجودي


قالت بساطك أحمدي ..؟ والا بقفّي بتعْبي
قلت انظريني واسردي كلّي بساط ٍ أحمدي


وارخت لثام ٍ لثّمه في خدّها قام يحْبي
ودّه يطيح ويرفعه خشم ٍ حسام مهتدي


ومن يوم شفت بشعرهااسود سواد يعربي
قلت الظفاير شابهت حظ ٍتمكّن بي ردي ..!!


هي ساكته وانا اقول اش هي تبي وش ماتبي ..!!
الله يستر لاطلْبت عشق ٍ وقلب ٍله ندي


وانا الحقيقه منتهي من منكبي لا منكبي
ماني على خبر البشرذيب ٍ يهرول ويعْدي


الحيل قفّى وانتحى ماجاب شفّي وطلْبي
من عقب ذيك الغاليه اشرب سوادي وسهْدي


وقبل تحدّر دمعتي نادت علامك يا صبي
قمت آآتظاهر بالأمل قلت ابرقي بي وارعدي


إلك السموحه سجّتي طبع ٍ توقّد بحْطبي
قالت وانا مثلك بعدأسهر واجافي مرقدي ..!!


ثم سلهمت ثم لمّحت قالت طلبتك مكسبي
ودي تهيم واعشقك وأعيش ابشر بسعْدي


قام وتنهّد خافقي آه ٍتسولف بلهْبي
ياضيق درب ٍ جابني انخاه يبعد ويغْدي


وإن كانها قصة عشق تبين منّي اعذبي
والله ماهي في يدي والله ماهي في يدي


يابنت أهون اجرحك والا يخوونك مذهبي ؟!!
ولو هي تجي من نخوتك قلت اخلدي قلت اخلدي


قالت اجل يحرم علي لااحرق خضاري وعنْبي
وراااحت وخلّت جرحهافي بيت رجل ٍ أجودي ..!!

ماراق اللي من قصيد

الموضوع الأصلي: يابنت أهون اجرحك والا يخوونك مذهبي ؟!! | | الكاتب: النمر1012 | | المصدر: شبكة بني عبس

[هيون]

صح الساانك ابدااااااااااااااع
قصيده رووووعه اخووي
انتظر جديدك :)

[فهيد الشويلعي]

يابنت أهون اجرحك والا يخوونك مذهبي ؟!!
ولو هي تجي من نخوتك قلت اخلدي قلت اخلدي

صح اللسانك

[النمر1012]

صح بدنكم والله يسلمكم وعافيكم ومشكورين علي المرورررررررررررررررررررررر

[الله يقرب لبعيد]

مشكووور نمر على كل بيت استهليت به على الجميع

[سالم الرشيدي]

صح السأن شأعرها
جزله ووافيه
تسلم يأمدير

[النمر1012]

صح بدنكم والله يسلمكم وعافيكم تسلم ياالريس ويشرفني مروركم ومشكورين علي المرورررررررررررررر