[أبو نوح]

بسم الله الرحمن الرحيم

أيها الأعزاء
السلام عليكم ورحمة الله وبركاته وبعد ؛؛؛

يسرني أن أقدم لكم هذه المساجلة بيني وبين الشاعر العلم / سهل نافع المهيمزي الرشيدي

آمل أن تحوز على رضاكم

قال من ماحركه كل موالي=ولاعشق بالنايفة كود نايفها
مارقا الا مرقبٍ ساميٍ عالي=راس عيطاً شامخٍ عن طوارفها
ياسلام الله ماهل همالي=من مزونٍ مايوقف تكاشفها
سيلها من ساعته بالوطا سالي=ضيّق الوديان والطلح ينسفها
ياسلام الله على طيب الفالي=شاعرٍ يعطي الحقايق وينصفها
شاعرٍ له في سما الطيب منزالي=راس من روسٍ تشّرف مواقفها
ابن نافع كان تحتاج حلالي=حكمته تصعب على اللي يوصفها
مايكود الكود ياكود رجالي=مثل ابن نافع بحاضر وسالفها
في قصيده مايجي غثّ وهزالي=صارفه صرف الجواهر بمصرفها
ان مدحته ما انقص لغيره أفعالي=العوارف عارفه مانعرّفها
ياسهل لو قلت ماهي على بالي=صرت مثل مسيلمه يوم أسولفها
يوم قيل الذاهبة مالها والي=واستوت لضعيّف النفس يلهفها
دار حول الذاهبة قدح وجدالي=وانتهت في نكبة اللي مزيّفها
ورِّدت عد الروا ماهو حثالي=واعنا راسٍ مراده يحرّفها
ماتطيح الدّرّة وسعرها غالي=لو خبيثين النوايا تلقّفها
أعنف الصفقات مع مر الأجيالي=لا قطع بوجيه الأعراف مصلفها
والتحية مسكها بأول وتالي=قبل مبداها ليا بعد منكفها

أبو نوح
مضيان عواد الشويلعي الرشيدي

وإليكم الرد

يا كريم الجود يا محص الاعمالي=يامثبتها و مجري عواصفها
استعينك في حلولي وترحالي=واطلبك نفسي بحبك تشرفها
جعلي في طاعتك قدر وجلالي=ابصط الرحمه لحالي ولحفها
ولاتخلي لاهل القيل والقالي=العفون اللي مخمه شراشفها
جعل ما يبقا لهم بالبقا والي=من غثاهم تربة الارض نظفها
وعقبها يا خاطرة بدع الامثالي=في فصول الشعر وأجمل مصايفها
يو م جا للشعر قامه و مرحالي=وقام هاجس بدع الامثال يجرفها
مرحبا فبيو ت سمحين الاقبالي=الرجال اللي تكاشف صحايفها
الرجال اهل الوفا عقل وعقالي=اهل اللزمه مرايا عوارفها
صدقهم باقوالهم كنه هلالي=لا طلع في ليلةٍ صم شايفها
من شوارد راس فارس وخيالي=يثني رقاب الصعايب ويعسفها
ما تحيل في قصيده ولا احتالي=ولا استعان بغير عرفه يولفها
في بيوته وجه حذقات الاشكالي=كن جنحان الشياهين توحفها
ما لهن في موطن الهون مدهالي=في وكور اللي تعلت مشارفها
من رشاقة يقظة الحر تختالي=فوق صطح الريح مدت رفايفها
وانجمت لين الفضا دونها حالي=وردّت الجنحان وأرخت شلايفها
في صواب الطيبة ما لهن تالي=تنقطع منهن رجاوي حسايفها
كن منهن بالجزيلات تمثالي=من مواميها الهيبة عكايفها
صدقهن من صدق كرمين الاسبالي=الرجال اللي تشرف مضايفها
في مثانيهن عزاوي هوبالي=ناوةٍ صبت على الأرض واكفها
في حماهن ينطفي حامي الصالي=تبطن العزه رواها وترعفها
ومن نزاهة طيب العم والخالي=ميركة طيب الخلف من سلايفها
ساقهن يمي مضيان بالحالي=رهن اشارة فكرته ما تخالفها
درهمن قدم ابن عواد زرفالي=حيبو فكرٍ عن النقص حايفها
والختام اطلبك يامحص الاعمالي=تستر الامه بستر ك وتلحفها

الشاعر

سهل نافع المهيمزي الرشيدي

الموضوع الأصلي: مساجلة بين مضيان عواد وسهل نافع | | الكاتب: أبو نوح | | المصدر: شبكة بني عبس

[مبارك الشويلع]

صوت وصدى

ولا اروع

صح الله ألسنتكم

حــجـــز 1

ولي عوه ... بإذن الله

[بدر نوران]

.
.


أبو نورح



صح لسانكـ ... وصح لسان ابو سامي



وبيض الله وجيهكم ... على هالجزلات



لاهنتم




تقبل اعجابي



اخوك الوافي





بدر

[عيد بن عبيد]

استمتعت بالاطلاع عليها

وكانت من كبير الي كبير

وننتظر كل ما هو جديد

ولكن لي عتب عليك ابو نوج

سعدنا بوجود اسمك في احتفالات
بني رشيد لعيد الفطر الماضي ...
انتظرنا بشوق ولكن للاسف لم تتم سعدتنا
ولم يصل شاعرنا...

0
0
كانت في خاطري واعذرني عن البوح


تحياتي لك

[ابوعبدالله الشويلعي]

أخوي أبو نوح صراحه مساجله بين شاعرين كبيرين
من شعراء القبيله
صح لسانكما يا الشاعر مضيان عواد الشويلعي الرشيدي
والشاعر سهل نافع المهيمزي الرشيدي










تقبلوا تحياتي أبو عبدالله الشويلعي

[عبدالله عوجان]

الله الله
روائع في روائع

صح لسانك
صح لسانه
كل الشكر لك اخي ابو نوح

[أبو نوح]

اقتباس من مشاركة ابوعبدالله صوت وصدى ولا اروع صح الله ألسنتكم حــجـــز 1 ولي عوه ... بإذن الله

أخي أبو عبدالله
صح بدنك

وسعدت بمرورك

أهلاً بك وبعودتك

[بندر الذيابي]

مساجله جميله ورائعه


وصح السانكم والله يعطيكم العافيه



تحياتي


بندر الذيابي