[سعد الشقل]

احمد البويدي

ياسلام الله سلام من بحور الشعـر قمـه=نبتديه بمنتدى عبس الوفاء واهل الزعامه
من هجوس الشاعر اللي لا بدا محد يهمه=شاعرٍ لو طول المشوار مايرخص مقامه

وضاح اليمن

مرحبا ترحيبتن مثل السحابـه مدلهمـه=نبتديبه من نهار اليـوم لايـوم القيامـه
ياطلعنا من مطمه طحت في ثاني مطمـه=كل واحد من بني عدنان يكرب لي حزامه

احمد البويدي

أعرف إن اللي يطح امع المسافه مانزمه=إحتزم يا صاحبي وضاح في ذيل العمامه
فاالمعارك لا يتعذر كل شاعر ببن عمـه=واحد منا يموت ا واحد يطلـع سلامـه

وضاح اليمن

راس وضاح اليمن عنكم تعلا فـوق قمـه=ذي من الله وانت مسلم مايجي راسك ملامه
ماتوصلنا عذر يالله عسـا النعمـه تتمـه=وكان ابه ميت تراه احمد وفي وجهه علامه

احمد البويدي

مسرعك تا كل حلال الناس ياالشيخ وتخمه=تونا باالدرب ياوضـا ح خيـال الجهامـه
ان كسبتوا شي طيـب والله انـا مانذمـه=وان تردا علم صاحبنا نقول الوقت ضامه

وضاح اليمن

ماكلينا حق ناس وكل بيرن مـن مجمـه=وكان غار الماء ببير القوم غيرت المقامه
لو تفور دمي عبس ابو يمن مافار دمـه=والبعيراللي بغاني ماسكن ذروت سنامـه

احمد البويدي

انت ما تدري عن البارود لين انك تشمـه=مشكلة وضاح ما يعرف حلا له من حرامـه
ابنا عبس اكبر من الزيدي ابو خنجر وعمه=لو يشابه لاعبٍ سر الدراهم فـي عظامـه

الموضوع الأصلي: احمد البويدي × وضاح اليمن | | الكاتب: سعد الشقل | | المصدر: شبكة بني عبس

[بتاال]

صح لسان الشعار

ولاهنت يالشقل