[حمد هديرس الرشيدي]

وشلون انام وغيمة الحزن سادت=واضفت على الفرحه سوادٍ كساها
وشلون انام ونفحة الجرح فاحت=وتعطرت عوج الحنايا بشذاها
وشلون انام وشمسها يوم غابت=ضيع سواد الليل باقي ضياها
الفاتن اللي عذبت واستباحت=عيونٍ سهرها من شقاها وعناها
ماهمها ورقاَ على الغصن ناحت=ولاهمها عرقٍ عطش في ضماها
تجاهلت كل المشاعر وراحت=والمشكله مابررتلي جفاها
مدري تبي درب الغلا وفيه تاهت=ومشت دروبٍ ضايعٍ من مشاها
مدري لقت درب الجفا واستراحت=مدري مغصوبه فيه والا برضاها
كانت بقلبي وين ماروح كانت=وكانت همومي تروح حزة لقاها
واليوم لون الدار مظلم وباهت=ماعادبه قمرى ً تنور سماها
وشلون حالي عقبها كيف صارت=عزاه لوتدري وش اليوم جاها
قولولها احلامي من الياس ماتت=ويبقى الامل شمعه بيدها ضياها
قولولها نفسي من البعد عانت=قولوا حياتي معلقه في رجاها
قولولها الفرقاء على القلب طالت=ومجنون ليلىهايم في غلاها
والا اسألوها عيونها كيف نامت=كيف نعست ونومها كيف جاها
آخر خبر غيمة حزن يوم سادت=اضفت على الفرحه سوادٍ كساها

الموضوع الأصلي: غيــــــــــــــــمه ^ حزن | | الكاتب: حمد هديرس الرشيدي | | المصدر: شبكة بني عبس

[بندر الذيابي]

صح الله لسانك


قصيده رائعه ومعاتبه جميله بهمس رقيق


نرحب بك بيننا وننتظر جديدك


تقبل اعجابي وشكري

[حمد هديرس الرشيدي]

صح بدنك وشاااااااكر للك مرورك وردك العذب اخوووووى بندر الذيابي

[رشيدي]

صح لسانك
عتاب رائع

[مسندالعويمري]

المبدع برقن لمع

الشاعر المعروف في فن الشعر والحكم وقوت التمعن في المعاني

قصيده رائعه وجميلة

صح اللسانك ولا تحرمنا من جديدك

اخوك مسند عبيدالله العويمري

[حمد هديرس الرشيدي]

مشكووووور اخوى مسند على المرووور
وصح بدنك

[شاعر الجن]

تقول يالذيب

عيونٍ سهرها من شقاها وعناها

وانا اقول العجز مكسور
ولو قلت عينٍ لاستقام الوزن

وتقول
وشلون انام وشمسها يوم غابت - ضيع سواد الليل باقي ضياها
وانا اقول
طالما الشمس غابت لاداعي لذكر الضياء لانها غابت ياعزيزي

وبالنسبه لقافية الصدر (سادت) انت تقيدت بحرف التاء وهذا خطاء
والصحيح التقيد بالاحرف الثلاثه الاخيره الالف والدال والتاء

ارجو ان تاخذ هذه المعلومات بعين الاعتبار

[حمد هديرس الرشيدي]

شاااااااعر الجن الكصيده زينه والله ذكرتنى بالدكتوووور غسااااااان

هههههههههههههههههههههههههههههههههههههههههههههههههه

على العموووم مشكووور على الرد الكصيده هههههههههههههه