قبيلة بني رشيد - غيــــــــــــــــمه ^ حزن

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - غيــــــــــــــــمه ^ حزن (http://ban3abs.com/aa/showthread.php?t=8332)

غيــــــــــــــــمه ^ حزن

وشلون انام وغيمة الحزن سادت=واضفت على الفرحه سوادٍ كساها
وشلون انام ونفحة الجرح فاحت=وتعطرت عوج الحنايا بشذاها
وشلون انام وشمسها يوم غابت=ضيع سواد الليل باقي ضياها
الفاتن اللي عذبت واستباحت=عيونٍ سهرها من شقاها وعناها
ماهمها ورقاَ على الغصن ناحت=ولاهمها عرقٍ عطش في ضماها
تجاهلت كل المشاعر وراحت=والمشكله مابررتلي جفاها
مدري تبي درب الغلا وفيه تاهت=ومشت دروبٍ ضايعٍ من مشاها
مدري لقت درب الجفا واستراحت=مدري مغصوبه فيه والا برضاها
كانت بقلبي وين ماروح كانت=وكانت همومي تروح حزة لقاها
واليوم لون الدار مظلم وباهت=ماعادبه قمرى ً تنور سماها
وشلون حالي عقبها كيف صارت=عزاه لوتدري وش اليوم جاها
قولولها احلامي من الياس ماتت=ويبقى الامل شمعه بيدها ضياها
قولولها نفسي من البعد عانت=قولوا حياتي معلقه في رجاها
قولولها الفرقاء على القلب طالت=ومجنون ليلىهايم في غلاها
والا اسألوها عيونها كيف نامت=كيف نعست ونومها كيف جاها
آخر خبر غيمة حزن يوم سادت=اضفت على الفرحه سوادٍ كساها