[أنفاس الفجر]

آسف انا في جيتي لك تسرعت***ظنيت الاقي
فيك شيٍ فقدتـــــه

كنت احسبك مجروح مثلي تولعت ***جربت فرقى
شخص قلبك وهبتـــه

كنت احسبك من مر جرحك تجرعت***حبيت فيك
احساس طفلٍ لمحتــــه

لو...قلت...اه بوسط روحي توجعت ***ولو شفت
دمعاتك شعوري سكبتـــه

ولو تطلب اعيوني ابد ما تمنعت ***واعطيك
قلبي لو بعد ما طلبتــــه

وصلت بك..... اعلى مكان وتربعت***وفي قلب
غيري ياالغضي ما وصلتـه

واصبر على صدك واشوفك تدلعت ***واعطيك ود
وما اظنك حسبتــــه

اذهلتني بطباعك اللي ...تطبعت ***حتى قصيدي
فيك ابد ما فهمتـــه

لو كان غاياتك حروفي فانا بعت ***منك
الشعور اللي بنفسي كتبتــــه

خل القصايد تنفعك يوم ودعت ***وافرح بجرح
الشاعر الي جرحته

وأرجوك من صدك تراني تشبعت***خلك مع اللي
عاجبك او عجبتــه

يكفي قهر في جيتي لك تواضعت***تركت غيرك
لجل عينك وبعتــه

ياليتني عن حب مثلك... ترفعت ***ياليت قلبي
قبل اعرفك دفنتـــه

لكن اب ابعد دامني ماتولعت ***الله يرحم
حبنا اللي ذبحتـــــه

انا شريت الود والحين انا بعت***وانا
عطيتك قلبي اللي قهرتـــه

في يوم جيتك اطلبك ود واقنعت***نفسي بانك
شخص عادي عرفتـه

كمل حياتك مثل ما انا توقعت ***تبقى اسير
الماضي الي فرضتـه

ولا يحزنك اني جبان وتراجعت ***حولك بدالي
الف شخصٍ عجبتـه

اما انا لا يمكن اخضع ولا طعت ***يحرم على
اعطيك قلبٍ خذلتــه

باريّحك من شوفتي يوم قاطعت ***اسلوبك
اللي بة تجامل كرهتـــه

غلطان يا المقفي انا ماتتبعت ***غيري
يتابع خطوتي ما تبعتــه

ما ينحني راسي لو اني تقطعت ***وما هو بنا
من لا رميتة لقطتـه

وان كان غرك حكي عذالي وطعت***الله يعلم
كيف قلبي سكنتــــه

اللي ملا قلبك علي وتسمعت***خله يعوض شخص
مثلي خسرته

انا بما فية الكفاية تولعـت ***واللي بقى
من قلب فيني حرقتـه

وان شفتني صدفة بعينك تطلعت ***ذكرتني با
نسان غالي فقدتـــه

باول لقا سلمتة احساسي وضعت ***غلطت حياتي
يوم قلبي سلبتـــه

واستسمحك في البعد كاني تراجعت ***ما عاد
ابلقى فيك شي نزفتــه

:

الموضوع الأصلي: آسف انا في جيتي لك تسرعت ظنيت الاقي | | الكاتب: أنفاس الفجر | | المصدر: شبكة بني عبس

[المشعل]

رااائعه
وصح السان شاعرها ..
وصح ذوقك واختيارك
لاهنتِ..

[ولد حايل]

الله مبدعه حتى في انتقائك
وذائقتك

كل الشكر لك غفوه وننتظر جديدك

[أمـ الشوق ـير]

الله ذائقه شعريه عاليه

صح ذوقكٍ و لسان شاعرها

[أنفاس الفجر]

اقتباس من مشاركة المشعل رااائعه وصح السان شاعرها .. وصح ذوقك واختيارك لاهنتِ..

مرورك الاروع مشكور

[ناصر الرشيدي]

روعه هالقصيده
تسلمين ع الاختيار

[ابن اخزيم]

ابيات رااائعه جدااا

[تعبت منك]

كل الشكر لك غفوه وننتظر جديدك