[عبدالرحمن العويمري]

بسم الله الرحمن الرحيم
السلام عليكم ورحمة الله وبركاته
اخواني اليوم انقل لكم قصيدة الشاعر الكبير ..شاعر الحره /معيتق عبدالرحمن العويمري الرشيدي .
في حفل العوامره بالحره وقد تكرر الطلب عليها واحببت نقلها لكم بعد اذن شاعرها

يامرحبا والقصايد من قرى الحره=مثل اشقر الريش يوم يفل جنحانه
يامرحبا مرار لامره ولا مره=اكثر من الغيث يوم يصب هتانه
واصفى من الجوهره واغلى من الدره=واحلى من الشهد ذوق بصيغة اوزانه
باللي لهم مع مناهيج الفخر جره=منازل الطيب واهل الطيب واركانه
جهينه اللي تجير الجار وتبره=وعتيبه اللي تقود المجد بعنانه
وعيال وايل تكيد اللي على شره=وحرب اهل المرجله والدين واعيانه
ومطير عوق الخصيم ليانوا الكره=وشمر شعار الكرم واحياه واقرانه
وقحطان ماهي لكثر المدح مضطره=ساس العرب كيد من غواه شيطانه
وهذيل لفعولها كل الملا مقره=وزهران للمجد رمز وشانها شانه
وسبيع خويهم يشوف مايسره=وقت الحرايب رحاة الحرب واسنانه
وايضا الدواسر لمدهال الظفر قره=وبني تميم الفخر سوره وبنيانه
والاحمري يوم حد السيف له صره=فرحة صديقه وشوك عيون عدوانه
ويشهد لتاريخ فيفا الضلع مع بره=وبني كثير النقا منشاه واوطانه
ولا اسقط لباقي القبايل وزنة الذره=كل(ن)من المجد يرجح كف ميزانه
اهل الجزيره بوقت الضر والسره=الكل منهم على دينه وعنوانه
رجالهم لويشين الوقت ماضره=وماغيره عن مناهيجه ومسكانه
قومً على منهج التوحيد ومصره=لديانةً مايدورغيرها ديانه
على منار الهدى ماهي بمغتره=ماتركع الا لرب البيت سبحانه
ذوب العسل للصديق وللعدو مره=رمز الشرف لوذة العاني ومزبانه
لاكبرو والثميدي يصطلي حره=والموت صوت على الارواح ميدانه
من فعلهم ضدهم ماينشفي ضره=ويبشر بكل السعد من كانو اعوانه
حياهم الله من الساحل ليا الحره=بسم المعازيب ربعي جهر واعلانه
بسم بني عبس لامره ولامره=اللي تقدم لطيب الفعل برهانه
تسقي الخصيم ان حربها علقم المره=وتجزي جزاء راعي الاحسان باحسانه

نقلتها لكم من شاعرها /معيتق عبدالرحمن العويمري

الموضوع الأصلي: القصيده التي ابهرت الجماهير ....نقلتها لكم بعد تكرار الطلب عليها | | الكاتب: عبدالرحمن العويمري | | المصدر: شبكة بني عبس

[ابن اخزيم]

صح لسان الشاعر
قصيده اكثر من راائعه تسلم عل النقل وبيض الله وجهك عبدالرحمن العويمري
عل القصيده
وافيه من جد من رجل وافي وكريم

[ثاري خ]

ماهي غريبه من الشاعر معيتق دايم مايقول الا الجزل

[البعيد الهادي]

صح السان الشاعر الكبير معيتق
جزله ومن شاعر جزل
ولاهنت ياعبد الرحمن

[الشاطئ المهجور]

صح الله لسانك وبيض الله وجهه

اشكرك على النقل

تحيتي لك

[هــدوء]

صـح الله لـسآنه

قصيده وآفـيه ..

[مسندالعويمري]

صح لسان الشاعر الكبير معيتق عبدالرحمن العويمري الرشيدي
صاحب النص الفاخر و صاحب الابيت التي تغنيها الركبان
‏عبدالرحمن العويمري شكرا على النقل

[المقبل]

بيض الله وجه شاعرها المبدع

والشكر لك ياخي مسند على النقل


تحياتي لكم