[عقيد المدرهمات]

مرثيه في شيخ شمل قبيلة الشوالعه

الشيخ / سعد بن علي بن شويلع الرشيدي

رحمه الله رحمة واسعه ، واسكنه فسيح جناته

----------------------------

مرحوم ياللي مات في يوم عاشور=عشره محرم من ثلاث وثلاثين
أمرن قضى والعبد منهي ومامور=وحنا بقضا ربي وقدرته راضين
رحل بعد ما عمر سنين وشهور=متبعن السنة بدنياه والدين
شيخن على العز وعلى الطيب مذكور=لا حل ذكره قيل والله ونعمين
بالمرجله ياما مضت له من عصور=من قوه باسه جرب العسر واللين
يسعى لها لو دونها سبعة بحور=عزوم لا منه مشى دربه يمين
شيخن من شيوخ القبيلة ومشهور=شيوخ عبس مرجحين الموازين
تاريخهم من ماض الأزمان مخبور=أهل القنا واليسف سقم المعادين
عالي مقامه ما بها شك وقصور=سعد بن شويلع سعوط المجانين
شيخن حكيم الرأي لا حّكّم الشور=رايه بعقل وحكمه ومنطقٍ زين
شيخن تجيه بّهم وتروح مسرور=شهم وكريم ونسل قومن كريمين
وجعل السحاب اللي مع الجو طابور=يسقى ثرى قبرن ترابه من الطين
ويالله يا مخرج ضلامه من النور=يالخالق اللي كون الكون تكوين
يا جاعل القرآن منهج ودستور=للمسلمين الصايمين المصلين
يا منزل العمران والكهف والطور=ياللي عبادك لك فقارى مساكين
تجعله بالفردوس والذنب مغفور=يقطف ما بين اثمارها والبساتين
يأكل ويشرب ويتزوج من الحور=ويسعد برؤيت رب السلاطين
وما جور يا قلبي من الحزن ماجور=وياللي سمعتم بالدعاء قولوا آمين
صلات ربي عّد ما طارت طيور=على رسولن خاتمن للنبيين

للشاعر / منصور بن مساعد بن علي بن شويلع

.

الموضوع الأصلي: مرثيه في الشيخ سعد بن شويلع | | الكاتب: عقيد المدرهمات | | المصدر: شبكة بني عبس

[فضي البراك]

الله يرحمه ويسكنه فسيح جناته

والعزاء موصول لك أخي عقيد المدرهمات

[عويض بن شامان بن خلف]

الله يرحم العم سعد
وصح لسانك يامنصور
ولاهنت يابونواف

[طلال محمد ناهس]

الله يرحمه ويسكنه فسيح جناته

والعزاء موصول لك أخي عقيد المدرهمات

[البعيد الهادي]

الله يرحمه ويرحم اموات المسلمين
وصح السان الشاعر
وسلمت ودمت ياعقيد

[خلف العايضي]

الله يرحمه ويسكنه فسيح جناته



وصح السان شاعر القصيده


وبيض الله وجهك على نقلها يابو نواف

[ذابحه النوم]

الله يرحمممه
تسلم عقيد

[أبو عيسى]

الله يرحمه ويسكنه فسيح جناته
وصح لسان شاعرها وتسلم يانايف على النقل..