[أبوحرب]

هذي محاورة أوردتها لما فيها من النقض اللذي لايستطيعه إلا الشاعر الداهيه وهو الشاعر رجاالله المحمدي الحربي وهي بينه وبين الشاعر حبيب في عام1419هـ في حفل أقامه شاعرالخليج صياف الحربي رحمه الله







حبيب:
ســــــلام رده للحــضور مـن الرجـال وللزميـل = الوافـــــــي اللـي مايجيـب إلا العلـوم الوافيـة
وليا دعانا نستجيـــــب ولا علينـا مستحيـــل = حنـا عتيــــــــــبـة كالجبـل بالشـر ولا العافيـة

رجاالله:
يامرحبا بك في محل اهل الكرم وأهل الجميل = ترحيبــــــــة للمجتمـع وصـى بهـا صيافيـه
أنتم عتيبة لي بكم صاحب ولي فيكم عميـل = وأن شبت النيران قدمك نار ماهـــي طافيـه

حبيب:
يالغايب اللي غبت يوم الجدي يسبر له سهيل = مدري تجيـب البينـه ولاتجيـــــب الخافيـة
عميلك اللي من عتيبة لا قصيـر ولاطـــــويـل = أمرح وتصـــــــــبح بالمدينـة بالثيـاب الضافيـة

رجاالله:
ماني بغايب عن مواقف حرب والمولى وكيل = وأنته حبــــيب كيف تاصلني ورجلـك حافيـه
واللي تدور ياطويل العمر عنـدي مستحيـل = لا كـــن رواديكم بها تشويش ماهـي صافيـه

رجاالله:
الحمل عنكم شايله ريمـان ويشيلـه شعيـل = وانتم سوات النجدة اللي تطـرد الأسعافيـه
.............. يارجاء الله فيك عدل وفيـك ميـل = لفيــــــــت من جـدة وجـدة مـن منـول دافيـة

حبيب:
وانته ترى عنك العصـــيمي شايل الحمل الثقيل = مافوقـــــــك إلا زمزميـة روق والمغرافـيـة
أنا رجاءالله عارف العربان وأعرف الدلــــــيـل = وأنته تصافحـــــــنـي بجـدة واليديـن نظافيـة

رجاالله:

يالموتر اللي من مديـــــــــل ماورد غيره مديل = ماتمـــــــشي ألا دفدفه من قدم ولاخلافيه
أنته رجاالله عارف العــــــــربان وتشيل الصميل = لاكن لك جره .................... السافيه

هنا بالصوت لاكن الصوت مكتوم شوي من المصدر:

الموضوع الأصلي: ناررررريه رجالله الحربي وحبيب ناريه كتابيه وصوت | | الكاتب: أبوحرب | | المصدر: شبكة بني عبس

[(*العرعري*)]

الله يعافيك يابوحرب والله يرحمه والله اول مره اشوف صورته واما المحاورة بالصوت ماحصلتها

[(فارس الرشيدي)]

الله يعافيك يابوحرب والله يرحم رجاالله

[هاوي شعر]

شعراء مافيه كلام ولكن ياليت ياولد حرب ترتب المحاوره في ترتيبها الصحيح لان بعض الابيات لحبيب مكتوب رجاء الله والعكس صحيح
نتمنى الترتيب من المشرفين ولك الف تحيه
واقول رحمك الله يارجاء الله الحربي شاعر علم ومعرووف وله صوولاته وجولاته في ميدان المحاوره بالمملكه والخليج

[صقر ابن عبس]

الله يعافيك يابوحرب والله يرحم رجاالله

[أبوحرب]

الله يعافيك يالعرعري وهذي الصورة أنا مصورها من شريط الفيديو اللي عندي وياليتك ترتب المحاورة خلبطت في كتابتها وهذي صوت كان تبي تحفظها

http://www.turki2000.net/vb/uploaded...1244707028.mp3


(فارس الرشيدي) الله يعافيك


هاوي الشعر الله يعافيك وشكرا لك على التنبيه وأنا كتبتها وأنا مستعجل


صقر بن عبس الله يعافيك

[الرشيدي.]

صح لسان الشعراء وكالعاده حبيب قمه في كل شئ
ورحم الله رجاالله المحمدي كان من أفضل الشعراء في عصره

[منارة الذئاب]

لا هنت يا ابن حرب والله يعافيك دوم على المحاوره الرائعه فعلا