[مساعد الشويلع]

ياصاحبي من*شوفتك*صرت ممنوع.
........واللي*بقالي*منك*ذكرى*قديمه
حبل الرجاء في شوفتك صار مقطوع.......
.والحال من فرقاك ربي عليمه
صار الحزن في داخل القلب مزروع.......
.مصيبة الفرقا علينا عظيمه
كيف الصخر يبكي وتنزل له دموع.......
كيف الجبال الشم تبكي الهزيمه
وكيف إنكسر عظم من الكف للكوع.......
.وشلون راح العمر من دون قيمه
هذا زمان فيه طامع ومطموع.......
.حتى البشر تجهل دموع اليتيمه
الوقت يبقى والزمن فيه مشروع........
نفس المولع في زمنا سقيمه
مطبوع في صدور الرياجيل مطبوع.........
بصدورهم تلقى الطعون الجسيمه
الذيب يعوي من عنا الوقت والجوع........
.وأبا الحصيني يدوج في ظهر ريمه
الحكي ضاع ومابقى فيه منفوع........
.ماتت طموح الخلق رغم العزيمه
ياصاحبي من شوفتك صرت ممنوع........
.واللي بقالي منك ذكرى قديمه

الموضوع الأصلي: اللي بقالي منك ذكرى قديمه | | الكاتب: مساعد الشويلع | | المصدر: شبكة بني عبس

[سعد محمد]

نـص رآئع

صح لسان شاعرها


شكراًلك على الطرح .

[مساعد الشويلع]

لاهنت اخي سعد على المرور

ومشكورررررررررر

[الاجهر]

والي بقالي معك ذكرى اليمه
الله الله عليك قصيدة حركت دواليب الافكار
لاهنت