[مرزوق العجوني]

انته اتحرّى من كتاباتي اشراق =و انا اتحرّى كلّ لحظة شروقك ! !

[مرزوق العجوني]

يا بحر ما شدّني موجك و لا عفت المراسي=دام موجك ينحني لـ أهل الطموحات الدّنيه


شف على طول السنين الممحله لازلت راسي=و افتخر في موقفي لو تشره احلامي عليه


لا تساومني على نبل الشعور و طيب ساسي=دونهم مالي خيار و لا حياه و لا هويه !

[مرزوق العجوني]

و الحياه اكبر من هموم الدراهم و الكراسي=و الرجال تموت مير افعالها فالوقت حيّه

[مرزوق العجوني]

يا فاتنة شعري على الشعر تطغين=محال عذبات القصايد تطوفك
تخيّري من نزفي اللي توّدين=الفكر فكرك .. و القصايد حروفك
ما فيه داعي أكتب الشعر للحين=ان كان ما قدّر حلاك .. و وصوفك
شاعرك مبدع .. رغم بعدك من سنين=وشلون لو كل يوم يقدر يشوفك
شوفي ملامح وجه عمري و تدرين=شكثر انا محتاج لمسة كفوفك
تتثاقل الخطوه .. و اقول : المدى وين ؟=و يقول حلمي : لا يطوّل وقوفك
يالله تعالي نجعل الحلم حلمين=نشعل ليالينا .. و نطفي ظروفك
و ننهي مشاوير المعاناة و البين=و نكون انا و الحبّ أغلى ضيوفك
كلّ الهدايا في غيابك ( سكاكين )=تطعن عيوني .. و انقتل في طيوفك !
إلى متى هذي الهدايا من سنين=أشوف فيها طيفك .. و لا أشوفك ؟

[مرزوق العجوني]

يميل غصن الشعر .. ليدين غرّاسه=واقطف ورود الفرايد .. من ثمر غرسي



والله لولا شعور القلب .. واحساسه=ما كان حبري .. سكبته في صدر طرسي

[مرزوق العجوني]

والغالي اللي ف صدري شع نبراسه=اصدق شعور الغلا له ترجمه همسي



قصايدي في وصوفه تحبس انفاسه=فدوته شعري وعمري حاضري وأمسي

[مرزوق العجوني]

يتصفح الموضوع حالياً : 4 (2 عضو و 2 ضيف)

‏مرزوق العجوني, ‏دنياك أنا


ياهلا والله بدنياك منوره الركن شكلك غايبه اليوم والعجايز فالاتها بالمدرسه

[مرزوق العجوني]

اليا حضر .. غاب حزني وانجلى باسه
و لا غاب .. تحضر هموم ٍ بعضها منسي

دام المحبه طريقه .. و الوفا ساسه
ما احسب لدورات وقتي لو تجي عكسي