[عبد العزيز]

مساء النور حياك منورتنا


فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

[عنقود البدو]

تسلم .. عبدالعزيز

إن كان بعدي بطول الدرب مجبرني ... والله لبقى وفـي الحـب ماخونـك

[عبد العزيز]

الله يسلمك

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

[عنقود البدو]

كلن لعن حظه لاخاب مره
وش حيلة اللي عايش كل عمره بليا حظ

:

[مرزوق العجوني]

عاندت بك دنيا التعب خليت راسي موضعك=وليا خانني حظي معك يكفيني أشوفك سعيد
بس العفو إن قلت لي أنساك ما اقدر أسمعك=قلبٍ يضمه هالجسد من دم ماهو من حديد

[حنان الرشيدي]

لا تحسب اني عقبك في ندامه
ماني على حب المقفين ندمان

من باعنا بالرخص نرخص مقامه
نشطب عليه ونتركه دون عنوان

[عبد العزيز]

حاول وحاول يصير أفراقنا هادي

...الله عطانا العقـل حتـى يعنينـا

خل المقادير تمشي مشيها العادي

.....في عمرنا يفعل الله مانوى فينـا

[مرزوق العجوني]

إعترف في غلطتك خلك صريح =لا تكابر بـ الخطا دامك جرحت
كان ودِّك في فراقي تستريح =بسمَع الموضوع كامل لو سمحت
خنتني وشلون علِّمني الصحيح =رحت عنِّي وين عنِّي وين رحت
كنت أظنِّك من عيوني ما تطيح=لين في عيني إرتفَع غيرك وطحت