[برد الطويلين]

هههههههههههه
وراك ششت وزعلت يالشاعر الصعلوك .. ههههههههه
طيب طيب

يامن غديت وشعثرتني بقاياك = واستلكعت فيك الجروح الرعايف
ماجيت ادورلك وادوّر عطاياك = مير اترك هروج الزعل والحسايف

[برد الطويلين]

ابو توتو اقراء البيت ومعنى الكلمه عليك الله وأمان الله أنه... يبين

[ابوتوتو]

الصلااااااااااااااااااااااه

[برد الطويلين]

الله يجزاك خير
يابو توتو نبهتن جعل الله يثيبك انا بين هالأنجليز ولايصلون وعلى ذكر الله مايطروّن
مير الورايف جمع وارف والوارف الظل الممتد أو عاد عبرها كيف ما انته تبي
؟؟؟؟؟
......
شاعر الصعاليك
تشرفت باللعب معك ... وايشهد الله انك عزيز وغالي
ومن باب التنبيه تمعن بالبيت اللي مطلعه ناظر شروق الشمس وتفهم مابغيته ..
ويسعدلي مسسساك ومساء غاليك واستر ماواجهت والقفله عندك
نستأذنكم وصلوا قبل أن يصلى عليكم ............

[شاعر الصعاليك]

اقتباس من مشاركة برد الطويلين هههههههههههه وراك ششت وزعلت يالشاعر الصعلوك .. ههههههههه طيب طيب يامن غديت وشعثرتني بقاياك = واستلكعت فيك الجروح الرعايف ماجيت ادورلك وادوّر عطاياك = مير اترك هروج الزعل والحسايف

لا يغيرونك علي ابو توتو واخو جزعه
انا خويك اللي العام هههههه

وسط البحر يا برد لا ترمي ارشاك = اللولو ما يطلع بشيل الغرايف
مديت لك مسواك من شجرة الراك = في اتلا الزمن لكن مانته بشايف

[شاعر الصعاليك]

برد الطويلين صحت ابدانك يالامير
والله ما ابركها من ساعه يوم شرفتنا

وكلن ترى حول شروق الشمس ، لكن ابو توتو يبي يشبها
بيني وبينك هههههه

[شاعر الصعاليك]

سـلام تسليمـن تـرده شفايـاك=وتود ذكـره يابسـات الشفايـف
ياشاعرن صـدت وردت مطايـاك=وادلت على خضر الغصون اللفايف

يا مرحبا ترحيبتن طيبها اعفـاك=في قلب مغليهـا تـرد الكلايـف
ما احدن يسوي فالخلايق سواياك=ياللي علومك كلبوهـا طرايـف

دام البقا والذيب يحسب خطاياك=ويجمَّع شتات العرب والطوايف
هاك الخبر ضفه بمطرق عباياك=من قبل تجداك السنين العجايف

لكن ما ندري وشنهـي نوايـاك=ياللي مقامك في علـو النوايـف
عندي خبر سود الليالي تمنـاك=يا صاحبن قلبه من الشوق خايف

ياصاحبي وان دلدلولك ضحاياك=لياك ترخص طيبات الوصايف
وش عاد لاقفت وهدت ركاياك=واقفى زمانك والعنته الولايـف

ذوق الصبر ثم قول يارب رحماك=لا صارت اضلوعك قصار ونحايف
يا صاحبي انته على الهون ممشاك=تبغى الحفر وانته بحـد العطايـف

ناظر شروق الشمس واحسب زواياك=والعق غصون الملقحـات الورايـف
ياصاحبي وفـرّ وقصّـر وصايـاك=دامك جمعـت اسمانهـا بالضعايـف

حد النظر لا طال ما يتعب اخطاك=وقصر النظر يـوردك للحتايـف
كاس البطوله شايله ما يبي رضاك=ناوي على ذبحك بسكيـن نايـف

يامن غديت وشعثرتنـي بقايـاك=واستلكعت فيك الجروح الرعايـف
ماجيت ادورلـك وادوّر عطايـاك=مير اترك هروج الزعل والحسايف

وسط البحر يا برد لا ترمي ارشاك=اللولو ما يطلع بشيـل الغرايـف
مديت لك مسواك من شجرة الراك=في اتلا الزمن لكن مانته بشايـف

[بن مشيلح]

صح الله السنتكم=ياعما لقه