[شاعر بني عبس]

اقتباس من مشاركة الجلاد البيوت اليا بغينا ماعسرتنا= نعسف الأبيات ونشد الشدادي وكان هاضت بالمعاني قارحتنا=ترقص الابيات في داخل فوادي وترسخ بحور الشعر في ذاكرتنا=من فضل رب الفلك رب العبادي وياجزيل المد تحسن خاتمتنا=وتهدانا يالولي درب الرشادي

الجلاد
بيض الله وجهك ولاهنت
ابيات قمه على قمه
افتخار بالشاعريه الفذه ويحق لك ذلك :)
شاعر مميز واعجبت بمشاركتك :)
الله لا يهينك وبيض الله وجهك
صور جميله مثل نعسف الأبيات
ترسخ بحور الشعر
ترقص الأبيات
كلمات قد تكون بسيطه لكنها بقمة الجمال
الله لا يهينك

[شاعر بني عبس]

اقتباس من مشاركة الاكـحــل السلام عليكم ورحمة الله وبركاته اعتذر عن التاخير بسبب انشغالي وابتعادي عن الشبكه وهذي مشاركتي المتواضعه على امل ان تحوز على رضاكم الليالي من طغاها لوعتنا = لين صرت البس بعد فرحي حدادي لعنبو دنيا ً بميلتها اشحنتنا =والسبب فرقا الذي مالك فؤادي والتجارب ياصحيبي علمتنا = نحذر الصاحب دبل حذر المعادي والقوافي يالبناخي هيضتنا = وجيت اسوق الشعر ياذرب المبادي

اخوي الأكحل
الله لا يهينك وبيض الله وجهك
ابيات جميله جدا ً
لين صرت البس بعد فرحي حدادي
رووعه بعد موت الفرح اصبح الحزن هو ثيابك
ونحذر الصاحب دبل حذرى المعادي
بيت رائع جدا ً وهو تجسيد للحكمه التي تقول
احذر عدوك مره واحذر صاحبك ألف مره
مشاركه جميله ورائعه منك اخي الكريم
لاهنت

[شاعر بني عبس]

اقتباس من مشاركة فلسفة ذهن السسسسسسسسلام عليكم ورحمـة اللـه ااسف على التـاخير واللـه مو بيـدي يالـربع وهـذي مشـاركتي : دام مرطان الـشـوارب عـانـدتـنـا ** غـنّ يـاشـعـري وانـا بـاجـيـك شـادي عادي لـو كـل الـخـلايـق حـاربـتـنـا ** دامـنـا ياشـعـر جـزلـيـن الايـادي خـلّـهـم يـاشـعـر فـي ظـل شـجـرتـنـا ** يقـطـفـون احـلـى الـقـصـايـد من فـؤادي قـرّبـتـنـا اقـدارنــا والا ابـعـدتـنـا ** شامخينٍ كاالجبل رغم العنادي

وعليكم السلام والرحمه والأكرام
هلا وغلا بفلسفة ذهن :)
ابيات رائعه جدا ً مخاطبه للشاعريه الفذه
خلهم ياشعر في ظل شجرتنا 0 يقطفون احلى القصايد من فؤادي
جمال هذا البيت محبوك حبكه عاليه :)
ابداع اخي الكريم
مازلت اراهن عليك :)
لأن هناك بصمات للفلسفه تتواجد بالأبيات
اشكرك جزيل الشكر
ولا هنت

[شاعر بني عبس]

اقتباس من مشاركة @مروَض الشرَد@ دامِ مرطان الشوارب... خالفتنا = جيت أسوق الشعر .. من فرحي وأنادي مرحبا بحروف شعرك 000لالفتنا=عد ما تُرفع00 لرب البيت أيادي دام مرطان الشوارب 000خالفتنا=جيت أجرالصوت00 مع صوت المنادي بالفرح سقنا القوافي 000ماالتفتنا=لكل من ضيع00 دروبه وصارغادي والعلوم الطيبه هـي 000سالفتنا=من خلقنا الله00 لنا مشرب وزادي

مروض الشرد
صح لسانك ولاهنت
ابيات رائعه وجميله
وبدايه موفقه جدا ً
تسلسل رائع ومميز
واتقان للوزن والقافيه والمعنى
لك مجمل الود والتقدير
والله لا يهينك يالأمير

[ذيبان الرشيدي]

عافاك الله
ياشاعرنا
شاعر بني عبس

محص مشاركاتهم ... وان اترقب وأنظر بعيني
لجمال تمحيصك
حتى النهاية

[شاعر بني عبس]

اقتباس من مشاركة خيال شاعرها بأبيات الشعر نبتدي مصافحتنا=وبكلماتها تعانقت فيها الأيادي ولمست همـومنا ثم إحضنتنا=وتلاشى ليلها بحزن السوادي هلت علينا البسمات ثم إرحبتنا =والمباسم بالشفايف شي غادي حوينا تباشير الخير وماحوتنا=بفضل الله خالقي رب العبادي كلبوها أبيات إلتقت و جمعتنا =والخير فيها من بيض المبادي إعذروني للإطالهـ . .

خيال شاعرها
ابيات جميله التصوير والفكر
والمفردات وسلاسه كبيره بين البيت والأخر
لكنها للأسف لم تواكب الوزن المطلوب :(
اعتذر منج سيدتي
لكنك استطعتي ان تكثفي الشاعريه ظمن الأبيات
بشكل جميل جدا ً
اشكرج على هذه المشاركه
وصح لسانج
وبأنتظار مشاركتج بالدرس القادم :)
لاهنتي

[شاعر بني عبس]

ذيبان الله لا يهينك ياتاج راسي :)
حياك شاركني بالرأي :)
اذا اخطأت ارجو منك تنبيهي فكل انسان يخطئ

[شاعر بني عبس]

اقتباس من مشاركة جميل مساعد ياعزيز القوم ثبت معرفتنا =من جديدالفكر والعزه مبادي دام عصمان الشوارب وافقتنا = جيت أسوق الشعر من علم(ن) وكادي البيوت القرح اللي ماأخذلتنا = والليالي السود تبشر بالرقادي الدروب اللي مشينا غربلتنا = من قديم الوقت في حرب وجهادي والمعادي بالمغازي ما أكسرتنا = نحمدلله من فضل رب العبادي ... وهذه الرديه على البيتين السابقين ودمتم بخير والف عافيه.

اخوي جميل مساعد
صح الله لسانك ولاهنت
ابيات جميله ورائعه
تسلسل رائع جدا ً
وابيات محبوكه حبكه كبيره
لكن لي ملاحظه واحده فقط
المعادي بالمغازي ما اكسرتنا ؟
المعادي هي مفرده
المغازي وكسرتنا جمع :)
هذا ماوجب
لك مجمل الشكر والتقدير على المشاركه
لاهنت