[النمر1012]

عذري من اعماق قلبي وانت وش يرضيك
وان فاح عطر المسافه لا يطول الصبر
تموت بين الحنايا .. والغلا يحييك ..!
والحب مثلك نزف بين الضلوع وكبر
رح كلم الذكريات وقلها , وش فيك
عشان ينبت على تراب المحبه شجر
وين انت عنّي عجز صوتي وهو يدعيك
العمر محسوب وفراق الحبايب كدر
لا صار صوتي دروبك والسهر طاريك
اكيد الاوهام تتعبها دروب السفر
ولو قلت عقب السنين اللي مضت مابيك
كان استحا الحلم من قلبي وطاح العمر

[النمر1012]

جر صوتك طرب يا حادي العيس
وألحق الصبح لا يطفي سراجه
الرسايل معي ,, حبر وقراطيس
وصاحبك بين ضيقه ,, وأنفراجه !
كل ما جيت وأحلامي محابيس
رحت , ! والقلب متغيّر مزاجه ؟
ياحبيبي ,, نزف جرح الكوابيس
وصار في داخل أعماقي لجاجه
لو تعّد المسافه ,, والمقاييس !
وش ورى لآهب الجرح وعجاجه ؟
لا يطول الجفا . عّوذ من أبليس
حاجتي للقى , ماهي بحاجه
شوف حتى المشاعر والاحاسيس
تنتظرنا ,, على شان أنتواجه
كلّم الخوف , يا صمت الوساويس ,
لين راع الهوا يضحك أحجاجه
صوتك الليل وعيونك نواعيس !
وكل دمعه من عيونك ,, سماجه

[النمر1012]

عسا ماحصل منا على الطيبين اقصور
وعسانا نجي قد المشاريه ونشره
وعسانا على ضن النشاما وساع اصدور
وعس ماحد ن مناس يكشف لنا غره
وعسا مايحل اليل لسود بدال النور
وعسا وقتنا خيره يجينى قبل شره
الا يارفيقي ودي انشدك يالمنعور
على ماحصل من صوبكم مره او مره
اطنش بعض لحيان وقولك معذور
لكن طالت المده وهذي لكم مره
وحنا صداقتنا على العز تلعب دور
على السلم لول ماعشقت عالم الذره
ولن كان شايف من طرفنا جفا وقصور
افشره علي ياصاحبي قبل ماشره

[النمر1012]

للحب وجهٍ مليح و لا نشوفه مليح
ما كانت أطيافنا عن قربنا مُغنيه
فيما مضى قد غمرتك بالغزل و المديح
و اليوم سالت من مزون العتب أوديه
لا تعتب ان جاك لومي قدّ كونك فسيح
من ضيق كوني عتقت اللوم و الأدعيه
ماابيك تبني على قلبك عشاني ضريح
نهج التصوّف غلو لو كان دون أبْنيه
أبغاك تحيي خفوقك كان تهوى صحيح
ما بعْد موت القلوب بخاطري توصيه

[النمر1012]

انا لاجيت افكر فيك اشوف الحزن طاويني
كأنه يرثي لحالي وينكر شيء حاصله
وانا ماني مثل غيري يروح الحظ ويجيني
انا لامن رحل حظي يروح بعييييد ما دله

[النمر1012]

وينه اللي تضايق من كلامي وقفى
.سلمولي عليه ولايطول غيابه..
لايزيد الهموم الوقت كفى ووفى
منه شيبت لو العمر باول شبابه

[النمر1012]

صحيح الوصل مانقدر نعوده
لكن الحب ماماتت وروده
لاتحسبني نسيتك في زماني
ترى قلبي مايخلف في وعوده
يمر القلب طيفك كل لحظه
واجدد ماضي الحب وعهوده
وحبن قد زرعته في حشايه
لايمكن تخفي الفرقا وجوده
تطمن لاتحاتي في وفايه
قصيد الحب من بعده شهوده
جريحك ماشكى للناس جرحه
يموت الجرح ماماتت جهوده
يااجمل كل لحظات السعاده
ياحلا حب عشنا في حدوده
يااعظم سر عايش في حياتي
يطول الوقت مابيح سدوده

[النمر1012]

سمع تعال وركز في كلامي ياصبي
ترى الغدر ماهو يقرب عند صلفين النوى
وانت غدرت وكون غدرك ماتطاول لشنبي
بسكت وبطويها مع اللي من زمانه انطوى
لكن احب اقول يؤسفني طموحك يالغبي
تو مامداك اتجيب راس اللي هواني وانهوى
اعرف ثقافة كورتي قبل احتلالك ملعبي
واعرف تراني لاعب رقص كبار المستوى
اتطيح من عيني قبل لا اتطيح من كثر الحبي
وليه اشتكي لك دام قلبي من علومك انكوى