[ابو موسى]

اقتباس من مشاركة الشايب يا مرحبا فيك يا ابو موسى شرف لنا متابعتك لاهنت

الله يرفع شانك ويعلي مقدارك ولا عليك زود

[فتى عبس]

دامك حضرت بساع اعرف ما نسجل لك غياب= والشعر قبه من بحر والله يعز اشنابها

أنته مجاهد مير لا تنسى مخلف لك زهاب= مدري متى المهدي يبين للعرب واعرابها

[الشايب]

الله الله صح السانك يا فتى عبس

[فتى عبس]

أبو نوح,, الشايب, ابو موسى, , دمعه,



حياكم الله شرفتونا

[الشايب]

لقيت في ساقى النخل حيه تبيض وفرخ داب=والعقرب ام ذنيب مدري لو تخدر دابها
ام الكباير من صطرها ما تذل ولاتهاب=وخل السهال الجرد يا العبسي وعد هضابها

[فتى عبس]

باب السماء لا من فتح فيه المشاكل والعذاب= الله يعين المستحين اللي سترها اثيابها

شفنا الذلول ولا وردت العد وفيها الجراب = تدحم حياض الموت بالطرقه تعو ج ارقابها

[الشايب]

الشاعر القدير فتى عبس

صح الساانك وشاعر جزل الله لايظرك

وستاذنك لني في الدوام والله ونعوضك في مقبلات اليالي

وشكرا للجميع ع المتاابعه

[فتى عبس]

اقتباس من مشاركة الشايب الشاعر القدير فتى عبس صح الساانك وشاعر جزل الله لايظرك وستاذنك لني في الدوام والله ونعوضك في مقبلات اليالي وشكرا للجميع ع المتاابعه

صح بدنك ولا هنت ياالشايب شاعر كبير


انا اللي على دوام بدري وانتم الظاهر متقاعدين هههه


للملتقاء ان شاء الله