[فضي البراك]

من جديد ثامر شبيب

صديت عني على شانك مخاصمني=ماتدري ان العمر لحظات وتفوتك ..
من شوفتك ماكفاك الوقت حارمني=والحين ودك بعد تحرمني من صوتك ..
حبك ملكني من الداخل وقسمني=هذي ديارك بصدري وهذي بيوتك
مافيه غيرك بقلبي ليه تظلمني ؟=ارجع ورد الغلا لايطول سكوتك ..
ماهو بكيفك تنام ولا تكلمني=وانا احبك واعيشك عمر واموتك ..
مانمت أنا البارحه ناطر تنومني=(عودتني ما أنام الا على صوتك) ..

[فضي البراك]

ياعل تالي سهرك اليوم=ياعين واللي مضى كافي
ماشفت جرحٍعليه هدوم؟=هذا اناالبيّين الخافي

[فضي البراك]

كل قلب لاعه البين جرب واستفاد=وش لقيت من التجاريب ياقلب العنا؟!

يازمان مارسا بي على شط الوكاد=كذب الساري موانيه وشطوط الهنا

يارفيق ماهداني على الراي السداد=بين ذنب ماجنيته وذنب ماجنا

لو سقينا وردة الحلم ترياق السواد=ما نبت في مرتع الشوف برق ولا سنا

[فضي البراك]

..
انا اول احــلام عــمرك / وآخـر احــلامك !!

مهما تغيّرت / مـــا تقدر عـــلى فـــراقـي ..

ثامر شبيب ..

[فضي البراك]

جديد وحصري للسلسبيل ثامر شبيب

يالله تسترني بسترك وانا حي !!
الـقل يـــاكلني ونـفسي غـــنيّه ..
استقبل المحتاج من عادةٍ بـي !!
واعـطيه كل اللي تـطوله يـديّه ..
مير المصيبه الوقت لا كتف ايدي !!
وحد الزمن طلاب فزعه عـــليّه ..
اخاف ينخاني وانا مامعي شي !!
ويروح من بيتي بليا عـــطيٌه ..
هذا الغريب اللي ماهو من بني خي
اشـيل هـمه كــن مــافيه فــيّه ..
المشكله لا صار له هـقوةٍ في !
ويعدني ذخـر الليال وخــويّه ..
انا رفيقي لو شكى حالته لي !!
يمكن يوردني حياض المنيّه ..
كلمة (نعم) ماهي مثل (ماهي بهي) !!
(الطيّبه) مـــاتـستــوي (بالرديّه) ..
سلم على اللي عز نفسه من شوي !!
"فـــقرٍ يـــعز ولا غــــناةٍ دنـــيّه" ..
يالله تسترني بسترك وانا حي !!
وان مت ترحمني وتعطف عــليّه ..

[فضي البراك]

..


لـي مــنك .. ثــلـثـيـنـك ، وبــاقيـك للـناس

واللـي بـعد للـناس .. لـي مــنه ، كــلـه !!!!


ثامر شبيب ..

[فضي البراك]

طيبتي ۆدمۆع عينّــي ۆ الحنييـــن=ٱحقِر ثلاثھُہ شفتھَم فيُ حيآتيَ

[فضي البراك]

ياقطعة السكروذرات الاحساس=في نكهتك حسيت باهلى وناسي
اخفيت كاسي عنك..نادى لك الكاس= حتى قدرت تصبني وسط كاسي
طعمك جرى بالدم ياعطرالأنفاس=الغيت خوفي..حيطتي .. واحتراسي
وشكّلت من عمري حبايب وجلاس=حتى غديت الهامشي والأساسي
ياقطعة السكروياقطعة الماس= شفني أمل واحلام..شفني مآسي
ياقطعة السكر انا مثل هالناس= احيان الين وبعض الأحيان قاسي
((من جيت للدنيا وانا رافع الراس=حتى عرفتك وارتفع زود راسي))
كل ماتذوب شوي المح شبح ياس=معك انتهى خوفي ولامات ياسي
تذوب اكثريشتعل برق واعراس= تذوب واذكر بعض ماكنت ناسي
تذوب..تصغرالمح جيوش واجراس=تذوب تهتز الجبال الرواسي
تذوب يذبل حلم وتزيد حراس=كل ماتذوب شوي يضعف حماسي
ياقطعة السكر ترى الموت الأفلاس=ذبتي وانا اللي صرت بعدك اقاسي