[(ابوعواض)]

تمشـي بنـا الاقـدام والمـوت قـدام
وميعادنـا يامفـرق اثنيـن بعـديـن

ياعيـن لا تبكيـن وعيـونـه تـنـام
عادش الى ما خاب ظنـي بترضيـن

لـو الدمـوع اتفيـد فـادن الايـتـام
ولـو الكـلام يفيـد عـادت فلسطيـن

ولـو النبـاات يطّلعـه دمعـة هيـام؟
شفتوا علـى وجهـي ورود وبساتيـن

الحب سجن..وبعد الاحبـاب الاعـدام
وقلوبنـا السجّـان مـدري مساجيـن

الحب نومن عمـره اشهـور واعـوام
وان قمت ففهمها فراق وسهـر عيـن

وانا تـراي انعسـت مـن مـدة ايـام
لحدن يصحينـي يالاقـدار ..تكفييـن


بن فطيس المري

[(ابوعواض)]

من غبت عني وخاطري دوم مكسور

في غربتي أحياك ذكرى وتذكار

أحيان أقول إنك على حق معذور

وأحيان أحس إن الجفا ماله أعذار

وكانك تحسب الجفا ذنب مغفور

غلطان ماتعرف للأشواق مقدار !

[(ابوعواض)]

عزاه ليت الصبر يشرى والله اني لشتريه
،،،،،،،،،،،،،،،،،،،،،،،،،،،،، وياطي حالي من غرابيل الزمان وطيته


اثر الهوى يخلي الرجال ينسى امه وابيه
،،،،،،،،،،،،،،،،،،،،،،،،،،،،، الا بري حاله وعزيله وممحق نيته


يصد عن بعض الوجيه ويشكي لبعض الوجيه
،،،،،،،،،،،،،،،،،،،،،،،،،،،،، لاهل دمعه عند خلق الله وربي بيته


ياليتهم يدرون باللي في فوادي كلبيه
،،،،،،،،،،،،،،،،،،،،،،،،،،،،، كان اعذروني واتركو قلبي على سجيته
( مجنون خلقه ) وابتلاني واحد حسبي عليه
،،،،،،،،،،،،،،،،،،،،،،،،،،،،، جنيتي من يوم شفته عانقت جنيته


شرع بقلبي من يسار وقام يسحب مايليه
،،،،،،،،،،،،،،،،،،،،،،،،،،،،، لرتحت من شلفاه شفت الموت من جنبيته


الله مسخرني كذا والقلب في راحة يديه
،،،،،،،،،،،،،،،،،،،،،،،،،،،،، قلبي معه بشهود ومعرف على ملكيته


ماغير اراقب طلعته واقول يالله تهديه
،،،،،،،،،،،،،،،،،،،،،،،،،،،،، عساه ياقع في محابيل الغرام وخيته


امشي معه كني سفيه وارجع معه كني سفيه
،،،،،،،،،،،،،،،،،،،،،،،،،،،،، ( الله معنيني معه من بيته لكليته ) !!


لاشفت زوله من بعيد وكل شبحي لد فيه
،،،،،،،،،،،،،،،،،،،،،،،،،،،،، كنه يقول اني باموت ولا عبر محميته


انشهد انه فالحلا والملح مامثله شبيه !
،،،،،،،،،،،،،،،،،،،،،،،،،،،،، كن الحلا في معصمه والملح في كفيته


ابيه من قلبي ابيه وكل مافيني يبيه
،،،،،،،،،،،،،،،،،،،،،،،،،،،،، لخطيت من حسناه راضي لو تجيني سيته


لو المطالب بالتمني دون كيف ودون ليه
،،،،،،،،،،،،،،،،،،،،،،،،،،،،، كم واحدٍ لامن طلب تحققت امنيته


ياليت له "اخٍ صغير" واتعذربه واجيه
،،،،،،،،،،،،،،،،،،،،،،،،،،،،، لاقال / وش عندك هنا طلعت له عيديته


والله لعزه وان تعثر قلت بسم الله عليه
،،،،،،،،،،،،،،،،،،،،،،،،،،،،، ماهو لجل عين الصبي لجل عيون اخيته


ذبحت نفسي ، من غلاه الله يرحم والديه
،،،،،،،،،،،،،،،،،،،،،،،،،،،،، واللي ذبح نفسه بنفسه كيف تدفع ديته !!
،،،،،،،،،،،،،،،،،،،،،،،،،،،،، واللي ذبح نفسه بنفسه كيف تدفع ديته !!



لـ/ شاعرهاً !
. . . . . . . . . . . سالم بن جخير العْجِميَ !


راقت لي

[(ابوعواض)]

هذ الشاعر الكبير في شعره وسنه وهمته عندما دخلت القوات الامريكية لبغداد اقسم
الا ينام على فراش او يمس طيبا او حتى يطأ ارض العراق مجاهدا هؤلاء الكفرة ثم صدق
قوله بأفعاله لكنه قبض عليه في المطار ثم اودع السجن ولا زال.
ليست هذه قصتنا فقصتنا تبدأ عندما
كان ماراً من أحد الممرات وفي ذلك الممر كانت ( ريم وأمها ) داخلين لزيارة سجينهم ، والشاعر سمع صوت الأطفال فتذكر أبنائه فدمعت عينيه
فرأته ( ريم ) فقالت ريم لأمها : ( يمّه الرجال يبكي !! ،، فقالت أمها زاجرة : ريم !!! )
عندها ،، كتب الشاعر هذه القصيدة ...










أبكـي وعينـي تسهـر الليـل يـا ريـم
مـدري بلاهـا الشـوق والا الظليـمـه
ياريم دمع العين مـدري علـى الريـم
والا عـلـى قلـبـن تـواكــل صمـيـمـه
تقـول لاطمنـي عـلـى نونـهـا سـيـم
أبكـي وعنـدي لأزرق الـدمـع قيـمـه
ويمكـن يكـون الدمـع للعـيـن تكـريـم
ويمكـن يكـون إلهـا عــذاب وحريـمـه
والله يــا لــولا دمعـتـن كنـهـا الـديـم
راحت ضلوعي مـن عذابـي حطيمـه
ودام البكـا يـا ريــم مــا فـيـه تحـريـم
يا عنـك والله لأرخـص الدمـع شيمـه
وابكي على حالي من الوجد وآهيم
ليـن الـزمـن يخـلـف علـيّـه نسيـمـه
أبكـي حياتـن صافيـه مــا بـهـا غـيـم
ويــن المحـبـة والقـلـوب السلـيـمـه
أبكي قهر وابكي من الغبن والضيـم
وابكـي مـن طعونـن بقلبـي قديـمـه
غدر الزمـن خلّـى بوجهـي مراسيـم
ومــا يـذبـح الـرجـال مـثـل الهـزيـمـه
بعض المصايـب شرهـا ياكـل الهيـم
وشـلـون بكـبـود الـرجــال الكـريـمـه
وبعـض المصايـب يخلفـن المفاهيـم
تبغـى علـى مـا قيـل صبـر وعزيـمـه
مظـلـوم بالـدنـيـا وغـيــري مظـالـيـم
من عـرض ناسـن لبسوهـم جريمـه
ما عاد أبـي مـن سـود الأيـام تعليـم
عقب العـذاب اللـي كلانـي جحيمـه
ولـو تصفـي الدنـيـا عـلـيّ المـلازيـم
مــا عــاد أدور مـــن وراهـــا غنـيـمـه


شاعر الثقلين / ممدوح بن عبد الله المرزوقي

[(ابوعواض)]

ست كلمات
إسمحوا لي يا محمد على ست اكلمات=ذا كلام فاضي واستحي لا طوّله
يا محمد ما الأناث بكفو معاملات=قولهن لا هوب يصمل ولا ينردله
راكب اللي في سما الجو تمشي بحركات=صوتها من سرعها من وراها تنقله
روحت وقت الضحي من محل الطايرات=وخطرت راع الهجن ما راح في منزله
وخطرت ركابة الدوج من دون ادموات=ومرت الصلب الحمر والفرّيق باسفله
دارب سواقها ما يحسب للممات=وغلقت خمس الدقايق على الطالب وهله

وهذه قصيدتها المشهوره حين تقضي العيد بعيد عن جماعتها بعد زواجها


يا جماعه وأن نويتوا على أنكم راحلين=غمضوني عن مظاهيركم لا شوفعا
كن في صدري سنا ضو ربع نازلين=ولعوها بالخلا والهبوب تلوفها
ولّ عودٍ لاش رحمه ولا قلب يلين=عل ذودك في نحر قوم وانت تشوفها
عيدوا بي بالخلا والفريق معيدين=وكل عذرا انقشت بالخضاب كفوفها
ما يقرب دارهم كود صنع الذاهبين=كود حمرا عزمها من صفاة بلوفها
كن حنين الويل يشبه لخفات القطين=لو نوله بالقدم مع طمان جروفها


بخوت المريه رحمها الله

[(ابوعواض)]

ليته يناديني وانا بس اناديه...... واجاوبه ياحسين ولو كان مـــــره
عليه قلبي يابسات عراويه...... اقفا ابقلبي من ضلوعي يجـــــــره
ذالي ليال قاعده في حراويه...... ليننها زادت على المضــــــــــره
قمت اتوجد وجد من مات غاليه ......قبوه اقباله كل يوم يمــــــــره
أو وجد من خاوه والليل ممسيه......ينخا ولا حد من هل الهجن مره
خلي طريح والضواري اتحاضيه...... بالمقطعه وامقابله ضلع حــره
على الذي ماشفت حي ايحاليه......شيخ على القوم المعادين شره


بخوت المريه رحمها الله

[(ابوعواض)]

ياصاحبي ليه تزعجني وأنا نايم
سمعت صوتك وطار النوم من عيني

وفزيت مذهول لانايم ولاقايم
كنت احسب فيه مخلوق يحاكيني

طيفك معي مايفارق نظرتي دايم
ان قمت وان نمت في جمبي يباريني


.جرحتني عقب كان الجرح متلايم
الله يجازيك مثل اللي تجازيني

ماتدري ان الجفا ياثر على الهايم
ويونس بالصدره مثل طعن السكاكيني

أدخلتني في ظروف جوها غايم
وخلتني جعل ربي مايخليني

اللقمه اللي يبي يفطر بها الصايم
جوها عرب لاصيام ولا مصليني

الطير قبل امس في جو السما حايم
واليوم مافيه لاريش ولاجناحيني

عزالله اني حزيني وضامني ضايم
ويفور صدري مثل فور البراكيني

والمشكله يوم تزعجني وانا نايم
سمعت صوتك وطار النوم من عيني


سعيد بن رحمه المري

[(ابوعواض)]

هذي قصيدة للشاعر محمد إبن فطيس أتمنى تنآل إعجابكم








ماهوب كفو الوقت حبك يمحّيه
ياللي تخاف صروف الايام تمحاه
ارتاح دام ان المواصل يقويه
انت . انت وانا . انا وقلبي هو إياه
حتى ولو بتغيب ذكراك تكفيه
ياواحدٍ تكفي عن الناس ذكراه
حُبك على رملة خفوقي مواطيه
ورياح عذلي عَنك ماتمسح خطاه
واللي يعذل القلب عن درب غاليه
( يالله عسى اللي يبلا المواليف يبلاه )
اخفيه يابلفيت والحال يبديه
ادناة واحد ينظر الحال يقراه
اخفيه فيه ومعتنيٍ به وحاميه
عن كل عينٍ ودها تنزل حماه
قلبٍ يحبك والهوى الذرب ماليِه
كانك مكذبني بعينك تحلاه
شرط . ان تشوفك فيه منت بحواليه
ويمكن تشوف ديار واماكن رعاه
وشوف به تمثال والوقت هاريه
وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه
راح ونسى السكين والجرح ينخاه
وبتشوف حصنٍ عجّ الاقدار سافيّه
وبتشوف باقي بيت . راعيه خلاه
لاتنزعج . هذا خفوقي وباقيه
ولاتضايق من تصّدع زواياه
قَد زلزله فرقا وهزة عراويه
والله ستر والحظ عانه وعافاه
كانه صلح لك واعجبك . زيد تبينه
ابنه وجهزّ للمقابيل مبناه
ابغيك بس من المفارق تداريه
وازهل من ايداري شعورك ويدراه
وحلل وحرّم فيه . ياأبرك بلاويه
وحله وراع ارضاي ورضاك وارضاه
جعلك بعد بعض الوجيه . امحق وجيه
ناسٍ مراتعها الرفيق بتقفاه
انواع . واخطر نوع مانيب ناسيه
نوعٍ على تفريق الاثنين مسعاه
تلقاه دوم . وكل يومٍ تلاقيه
واذا بغيت الصدق ماعاد تلاقه
وإلا انت . ردك كُل مادعيك لبيه
انشهدٍ منتوا بفي عيني اشباه
منت بمعى العالم . ولا تقولي ليه
انت ادرى مني وفي جوابي وفي احواه
كذيه ومن الله يازين وإليه
واغلى طروش القلب ودواه من داه
الحلم ياتيني بزولك واراعيه
وفي كل حلم اقوم قبل اتحفاه
واعشق سميك في البزارين وادعيه
واقبل خطاه الا اخطى واتلقاه
واسمك يروعني اذا مرّ طاريه
واحب ملقوفٍ يسولف وطراه
وامرّ بيتك من بعيدٍ ولا اجيه
وانا لو انه في يدي ماتعداه
حتى تواير موتري تلتفت فيه
تبغي تلفّ ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه
عشان اشوف اذا محبتك ترفيه
والله لاقفي عنك . استغفر الله