[فضي البراك]

اقتباس من مشاركة هيون ابدااااااااااااااااااااااااااااااااااااااع صح السانك تقبل مروري متابعه >>>>>> q_q

الأبداع لا يكتمل إلا بمرورك ..

تربت يداك ..

[فضي البراك]

الشرهه اللي تهز القلب وتحزه=كنيتها في خفوقي علي انساها
الرجل لاجاك لاتقفيه وتكزه=وان جيت عند الرجال تعز مركاها
الجرح جرح .. الرجال اللي لها فزه=ماهو بجرح (الهنوف) ان ساقت خطاها
الاوله : قلت انا اغليه واعزه=والثانيه : قلت بابلعها وبارضاها
الثالثه : ثابته والرابعه جزه=ماتحرق الا من يجيها ويطاها
والخامسه : مثل قتل الناس في (غزه)=في ذمتي مقدر امحيها ولا انساها

[عادل بن هون]

رائع دائما يافضي

[فضي البراك]

اقتباس من مشاركة عادل بن هون رائع دائما يافضي

والله لو لم أكسب إلا هالمرور لكفاني ..

عادل شكرا .. مدد .. بلا عدد ..

[فضي البراك]

أنا خلي .. خذا له من عطر (سيد جنيد) أطباع=خذا سحره وخلاله مبيعاته وتوزيعه
أصوت له .. أدور له .. أبي فيه .. آتلفت .. ضاع=فقدته من (ثلاث سنين) والضيعة هي الضيعة
فلامني .. سمعت (ايوه أنا قلبي عليك ألتاع)=دريت أن الهوى ضيعاته أكثر من منافيعه

[البعيد الهادي]

كان قصدك عذابي لاتوصي حريص = الزمن مايقصر وانت فيك ابركه

مر من هنا وسجل بصفحة الاستاذ والشاعر/ فضي البراك
بيت حريص عليه

[فضي البراك]

اقتباس من مشاركة البعيد الهادي كان قصدك عذابي لاتوصي حريص = الزمن مايقصر وانت فيك ابركه مر من هنا وسجل بصفحة الاستاذ والشاعر/ فضي البراك بيت حريص عليه

مرور غالي من قريب غالي ..



هي في القلب لك ..

أعلم أنها بدون .. رائحة .. ولكنها على الأقل .. لا تذبل ..

[المر العذب]