[قسورة الغاب]

اقتباس من مشاركة عبدالرحمن العويمري اخي قسورة الغاب على حسب معرفتي ان حلوق الطير كلمه دارجه ولا تستاهل ولا فيها شي بالعكس انت ما اخطيت

هلا والله ومسهلا

ياعبد الرحمن العويمري

وبيض الله وجهك وجهة نظرك محل اعتبار يالغالي

لاهنت

[قسورة الغاب]

اقتباس من مشاركة (ابوعواض) والعدود الي حلوق الطير منها ماتنبلي ماففيها شي وعربيه ونفس ماقال تاج عبس الطير تجي جمع وتجي مفرد والعدود اللي حلوق الناس منها ماتبلي كذا احسن من الطيور والنقاش الطوويل والسلام خير ختام

ارحب يابوو عواض

وبيض الله وجهك نعم الناس افضل من ناحية تركيب البيت

لونها تأثر علي المعني شوي وجهة نظرك محل اعتبار

ولاهنت

[قسورة الغاب]

اقتباس من مشاركة فتى عبس السلام عليكم ورحمة الله الطير جمع وقد ذكرت باالقرآن الكريم جمعا وحلق الطير مثل عند العرب دارج مابلت حلق الطير يعني ما أروته من الظما والله اعلم

وعليكم السلام ورحمة الله وبركاته

ارحب يافتي
نعم كلامك صحيح وردت في مواقع كثير منها علي سبيل المثال سوورة النمل

(وَحُشِرَ لِسُلَيْمَانَ جُنُودُهُ مِنَ الْجِنِّ وَالْإِنسِ وَالطَّيْرِ فَهُمْ يُوزَعُونَ) آية 17.
(وَتَفَقَّدَ الطَّيْرَ فَقَالَ مَا لِيَ لَا أَرَى الْهُدْهُدَ أَمْ كَانَ مِنَ الْغَائِبِينَ) آية 20.

بيض الله وجهك وجهت نظرك محل اعتبار
لاهنت

[(ابوعواض)]

اقتباس من مشاركة قسورة الغاب ارحب يابوو عواض وبيض الله وجهك نعم الناس افضل من ناحية تركيب البيت لونها تأثر علي المعني شوي وجهة نظرك محل اعتبار ولاهنت

ولكن الطير ابلغ بالمعني

القسوره انت استاذ كبير وتخرج ع ايدك شعار

صح لسسانك وصح لسسان السبع

[قسورة الغاب]

اقتباس من مشاركة ثاني العويمري السلام عليكم مافيها شي

ثاني العويمري

حياك الله ياطويل العمر

وجهت نظرك محل اعتبار بيض الله وجهك
ولاهنت

[(*العرعري*)]

لايوجد فيها اي شي وهي كلمة عربيه
الطير تجي جمع وتجي مفرد

[قسورة الغاب]

اقتباس من مشاركة السبع الضاري نعم تهمني يالقسوره واسمع العلم اسمعه لاصرت داري وفاهم كل الاوضاعي=ماضر عيني كلام الناقص التايه يالقسوره خابرك بالمجتمع واعي=تقلط مع الشيخ وانت اتمازح البايه لكن لاشفتني متعرف الاسناعي= ترفع شعار الخطر وتنكس الرايه هههههه اقول انا بالجبل..وتقول بالقاعي=تجحد وانا لو نزلت اصير بالطايه انشد خويك سقيم الحال عن باعي=وألا انشد العمده اللي ماختلف رايه اما انت حلمي معك يالقسوره ضاعي=كني عمى وانت كنك للعمى امرايه ههههههه

اما انت حلمي معك يالقسوره ضاعي=كني عمى وانت كنك للعمى امرايه ههههههه


صح الله اللسانك

مافيك حيله
قصدتك يابا الخلا تخليني
اعرض هالبيت للتحليل نبي نشووف كم واحد فهمه الله يعطيك المحنه ههههههه

انا لا شفتك اقعدت اطق باصباعي = وانته تباوع بمجلاسي ومركايه
ماني بمتهوول ولاني بمرتاعي = واقوول يالليل ياعيني ياعلايه ههههه
امازحك لا لقيتك مرتن ساعي = لو انت تكره علي الخريمه القايه
ولا ني ورا خطوت المقفين تباعي = ان كان مالله هدا ماعندي هدايه
هذا كيالي مع العرف وصواعي = ماوخر الحسنه ولا قدم السايه
افرق حقووق العرب ماني بخداعي = واثبت العلم بالبرهان والآيه
عرفي مع اهل العقووول النيّره شاعي = ماني بمن يشوي الوكري بشوايه هههه
لكن وش يزعلك يازين الاطباعي = لا هات الكتاب وهات محايه
هذا القلم والقلم يالسبع مطواعي = العلم ياسبع قالووو نوور وقرايه
لكن لاشفتني طيقت بصباعي = تعال يابا الخلا في جنب مركايه

[قسورة الغاب]

تعديل خطاء املائي

انا لا شفتك اقعدت اطق باصباعي = وانته تباوع بمجلاسي ومركايه
ماني بمتهوول ولاني بمرتاعي = واقوول يالليل ياعيني ياعلايه ههههه
امازحك لا لقيتك مرتن ساعي = لو انت تكره علي الخريمه القايه
ولا ني ورا خطوت المقفين تباعي = ان كان مالله هدا ماعندي هدايه
هذا كيالي مع اهل العرف وصواعي = ماوخر الحسنه ولا قدم السايه
افرق حقووق العرب ماني بخداعي = واثبّت العلم بالبرهان والآيه
عرفي مع اهل العقووول النيّره شاعي = ماني بمن يشوي الوكري بشوايه هههه
لكن وش يزعلك ياذرب الاطباعي = لا قلت هات الكتاب وهات محايه
هذا القلم والقلم للعلم مطواعي = العلم ياسبع قالووو نوور وقرايه
لكن لاشفتني طيقت بصباعي = تعال يابا الخلا في جنب مركايه

لكن وش يزعلك ياذرب الاطباعي = لا قلت هات الكتاب وهات محايه