[ادري طيبتي غلطه]

سويت لكم حلا يا هو لذيذ بشكل مو طبيعي



وقلت ما يغلا على حبيباتي بنات منتداي العزيزات




وصورته لكم بالكامل




وهذي الطريقه والمقادير




اول شيء المقادير





1- كرتون كيك اليمامه بالشوكولا والا الفانيلا
2 - علبة قشطه
3-علبة بسكوت شاي
4-ظرفين كريمه
5- ملعقة نسكافيه
6-كاسه ونص ماء
7- ملاعق حليب بودر
8- مسحوق كاكاو حلو للتزيين (نسكويك ) اهم شيء مايكون مر

الطريقه
1-نجيب صينيه الباريكس ونفتح طبقات الكيك عن بعض ونرصه بها واذا نبيه في اكواب نقطع الكيك الى مكبعات من بعد ما نفتح طبقاته عن بعض ونحطه بالاكواب

2- نحط المويه والحليب والكريمه على النار ونحركها لحد ما تغلي واذا غلت نصبها في كأس الخلاط ونضيف لها النسكافيه و القشطه و بسكوت الشاي من بعد ما نكسره و نشغل الخلاط ونخليهم شويات لحد ما يندمجوا مع بعض

3- نصب الخليط على الكيك اللي رصيناه بالصينيه او بالاكواب اذا كنا مسوينه بالاكواب
ونزينه في مسحوق الكاكاو ونحطه بالثلاجه لحد ما يبرد وبالهناء والشفاء







ونقطعه الى معينات حلوات ونقدمه مع القهوه

















والى اللقاء في دخولي للمطبخ مجدداَ

على فكره هذا سويته قبل امس اللي اليوم سويته بالصفحه اللي قبل >>>>

[الهنوف]

طووووبة

الله يعطيك العافية يالغلا وتسلم أياااديك
عاد أنا غرااامي حلا وكاكاو ا مممم بس ههههههههه

.
.
.

[ادري طيبتي غلطه]

هنوووفه ربي يعافيك غلاتي وتستاهلن كل خير وخيرات

اووووووووووووووووص

يابنااااااااااااااااااات سويت لكم حركات شيء شيء

بث الدي سي ال عندي عطلان >> داخله من بيت خالتها

ومن يعتدل راح انزل لكم اللي سويته

[نوارة عبس]

حنونه + زهور الايام + خجل انثى
يعطيكم العافيه و لكم كل الشكر على هالفكره الرائعه و ما ننحرم منكم
والله شكلكم تبوني انتفخ على هالاكلات ههههههههههه بس علعموم
تسلم اياديكن

[حنان الرشيدي]

المقادير /




زي ما أنتم شايفين بالصورة /
كيس توست
زبده حجم 200غرام
واحد حليب مركز
ملعقتين نشا
2 فنجان سكر
علبة قشطه
كوب ماء .
و شيره .
/
الطريقة :
· تقطعي أطراف التوست و تطحنيه و تعجنيه بالزبده.
· نخلط كلٍ من الحليب و الماء و السكر و النشا
و نحطهم بقدر و نقلبهم مع بعض على نار هادئه
و بعد ما يصير الخليط متماسك نرفعه عن النار
و نضيف له القشطه و نخلطهم مع بعض و يصير
شكل الخليط مثل ما أنتم شايفين بالصوره .



· تقسم عجينة التوست إلى نصفين النصف الأول
ترصيه بالصينه و تصبي فوقه الخليط و بعد كذا
تحطي الباقي من العجينه فوقها .



· تدخليها الفرن على أن تشغلي الشوايه
السفلى أولاً و إذا شفتي أطرافها صار لونها بني
فاتح تطفيها و تشغلي الشواية العليا..
إلينا ما يصير لونها بني فاتح و تطلعيها و تضيفي لها
الشيره .





و بالعافيه ^_^

[حنان الرشيدي]

هنوفتي + طب طب :
الله يعطيك العافيه و تسلم دياتكم
و إن شاء الله بجرب وصفاتكم ^_^
/
نوارتي + دنياك أنا :
هلا وغلا حبيباتي ..
و يلا ما نبغى هرج نزلوا لنا طبخات
نبغى نشوف إبداعاتكم ..
>> مشرفه تتأمر هههههههههه

[ادري طيبتي غلطه]

>>>>>>>>>>>>تفكر تنزل شيء والا لا خخخخخخخخخخخخخخخخخخ


والا اقووول خلوه بعدين >>عجازه مابها حيل

[ادري طيبتي غلطه]

رجــــ ع ـــــــــت لكم مجدداً في طبخهـ جديده من إيديا الحلوين




إن أعجبتكن زينوا زيها وان ما اعجبتكم الله الله في اقرب جدار




الموهم عاد وبلا كثرة حكي فاضي




اليوم جبت لكم فطائر وبيتزا على طريقتي الخاصهـ
صراحه وبدون مبالغه وتميدح مآآآآرآآآ روووووووعهـ


والطريقه سهله لابعد الحدود


مـــــــقادير العجينه

1- ثلاث اكواب دقيق منخول
2- ملعقة خميره فوريه
3- ثلاث حبات جبن مثلث
4-3 ملاعق حليب
5- نص كوب زيت
6-شوية ملح
7- شوية سكر


مقادير الحشوات

1- جبن ابيض سهل الدهن
2- بقدونس +وجبنة السعوديه
3- جبن اصفر
4-زعتر +زيت زيتون
5- حبة البركه وسقماق




مقادير صلصة البيتزا
1- بصله
2- شوية زيت
3- فلفل رومي وفلفل حار
4- معجنون طماطم
5- لب البندوره بدون القشر يعني نقشرها
6- ملح وفلفل اسود وبهار
7- شرائح زيون
8- جبن كرافت شيدر مبشور او موزيللا

\\\\

طريقة العمل
نضع كل مقادير العجينه في كأس الخلاط ما عدا الدقيق
وبعدين نصب الخليط على الدقيق المنخول ونبدأ بالعجن لحد ما تتماسك العجينه
ونغطيها ونخمرها لمدة 45 دقيقه
بعد كذا نقسم العجينه الى قسمين قسم للبيتزا وقسم للفطاير
نأخذ عجينة الفطاير ونشكلها ونحشوها بالحشوات المنوعه
ونغطيها ونخمرها لمدة نص ساعه ومن ثم ندهن وجهها في صفار البيض ونرش عليها سماق او حبة البركه
وندخلها الفرن ونسويها من تحت وبعدين نحمر الوجه

اما بالنسبه للبيتزا

ناخذ العجينه بعد تخميرها للمره الاولى ونفردها بالصينيه ذات الجوانب القافله للفتح
ونغطيها نص ساعه وبعدين
نعمل الصلصله كالعاده >>مافيها تشرحها بس بالمقادير اللي قلتها لكم فوق
ونحط الصلصه على العجينه ونرش عليها الزيتون ونسويها من تحت واذا استوت
نرش الجبنه عليها ونحمرها من فوق



وبالعافيه عليكم






والى اللقاء في طبخه جديده من يديني الحلوه >>>فديتني بث