[شرفان ناصر]

ارحب يا الاسود ولاهنت على مرورك الكريم

[خالد القلادي]

شرفان ناصر صح لسانك

شعار المنتدى ماصدقو انك قلت اتقبل النقد قامو يدورون العذاريب ههههههههه

اعتقد فيه منتدى خاص للنقد ؟؟ للي جيعان نقد هههههههه

تقبل مروري واطيب تحياتي

/
/

[أثير الشوق]

يعطيك العافيه .....تقبل مروري

[وسام عبس]

صح لسانك اخوي لاهنت

[معلا المظيبري]

مشكور أخوي على القصيده الرائعه

[شرفان ناصر]

اقتباس من مشاركة خالد القلادي شرفان ناصر صح لسانك شعار المنتدى ماصدقو انك قلت اتقبل النقد قامو يدورون العذاريب ههههههههه اعتقد فيه منتدى خاص للنقد ؟؟ للي جيعان نقد هههههههه تقبل مروري واطيب تحياتي / /

ارحب يا القلادي
لاهنت لا لا لاتخاف شعاركم كفو وانا داري ودك بصيدنا بس مالقيت درب
هههههههههههههههههههههههههههه

بيض الله وجهك ولاهنت

[خطاف الشعار]

بسم الله الرحمن الرحيم
مرحبا يابن الغلباء تشرفنا في وجودك في منتدانا
واقدم لك أعتذاري لتأخري عن النقد فذلك لضروف.

لي خمسة شهوراً مقطوعاً عن اخبـاره

أمشي مع الناس والأفكار مشغولـه

بيت جميل جداً فوق الخيال.والتنوين بالصدر زايد ويكسر البيت

أسابق الرجل وأهيّـف علـى داره

واشيل الابيات منقوضـه ومفتولـه

بيت لاينقص عن سابقه جمالاُ

ياطير قله ترانـي حافـظ اسـراره

مكتومتن في ضلوعي مالهـا جولـه

بيت رايع.

ياطير قله في بُعده النفـس منهـاره
الصدر مكسور

حلو زوله كتبتها للوصول للقافية فقط ، الافضل تغييرها

من يوم غيّب عن عيوني حلو زولـه

يرجدبي الشوق دايم يـم مشـواره

ويردني عن دروبه كثـرت القولـه

بيت جميل يوجد به مقابلة بين يرجدني ويردني
لكن القافية في العجز جأت غير مناسبة ،وأنا أدري انك تقول مايردني عن دروبه غير كثرة القول من الناس ، فالأفضل تغييرها.

أحيان انا اهيم واسير علـى ديـاره

واعاين السور واحسب عرضه وطوله

بيت جميل

ويهلِ دمعي علـى الخديـنِ انهـاره

والنفس تبني من ال ضيقات لي ولـه

كلمة أنهارة فيها همزة ، فالهمزة تسببب ثقل في البيت ،عليك أجتنابها بالمستقبل،وأفضل تغييرها

اشوف غيري مع خله على وجـاره

يسقى ويدفى وحظـه دايـمٍ حولـه

بيت الأفضل حذفه !

وانا اتقهوى مع حزني علـى نـاره

أقدع من الهم والاحـزان مدبولـه

بيت جميل.

الحظ دايم لغيـري فـرع استـاره

وعني تبرقع ياطيري قلـي وشولـه

العجز مكسور ،وضعيف.

يالله انا طالبـك تجمعنـي بانظـاره

وامشي مع الناس والاطباع معسوله

الصدر مكسور.



تقبل تحيات الخطاف

[شرفان ناصر]

ارحب ياخطاف ونص الاخطاء اللي تقولها وانااخوك من ولد عمك اللي كتبها عليه من الله مايستحق

لي خمسة شهوراً مقطوعاً عن اخبـاره

الصحيح شهور

أمشي مع الناس والأفكار مشغولـه

أسابق الرجل وأهيّـف علـى داره

واشيل الابيات منقوضـه ومفتولـه

ياطير قله ترانـي حافـظ اسـراره

مكتومتن في ضلوعي مالهـا جولـه

ياطير قله في بُعده النفـس منهـاره

الصحيح بدون في

من يوم غيّب عن عيوني حلو زولـه

لا ياخوك لا ارى به شي

يرجدبي الشوق دايم يـم مشـواره

ويردني عن دروبه كثـرت القولـه

وهذا بعد ياخوك اشوف مابه شي

أحيان انا اهيم واسير علـى ديـاره

واعاين السور واحسب عرضه وطوله

ويهلِ دمعي علـى الخديـنِ انهـاره
يعني مدراره احسن ؟؟

والنفس تبني من ال ضيقات لي ولـه

الصحيح دولة

اشوف غيري مع خله على وجـاره

يسقى ويدفى وحظـه دايـمٍ حولـه

وانا اتقهوى مع حزني علـى نـاره

أقدع من الهم والاحـزان مدبولـه

الحظ دايم لغيـري فـرع استـاره

وعني تبرقع ياطيري قلـي وشولـه

الصحيح وعني تبرقع ياطيري قول وشهوله
وارى ان البيت مافيه شي على حسب من استشرتهم

يالله انا طالبـك تجمعنـي بانظـاره

الصحيح ويالله

وامشي مع الناس والاطباع معسوله

خطاف وحدة منن ثنتين يا اما تتبرون من خويكم هذا ويطرد من القبيلة ويرسل للهند ولا انا ذباحة
.....