[مرزوق العجوني]

احتياجي شي ماكان اختياري=من متى والغصن يختار الطيور

[مرآهيش]

ياليل عمّان أحسك مثل جرحي رحيب=لو اني احس جرحي غير عن كل الجروح
ياكثر ماهمت في داخلي ودمعي سكيب=ياكثر ماهو مهملني وصدري يفوح
من يوم بعده نشف غصن الكلام الرطيب=حتى طيور المشاعر في غيابه تنوح
ليته معلمني انه عقب وصله يغيب=عشان الملم بعض حزني واوادع واروح

[النمر1012]

تبسـمـي ودي اشــوف ابتسـامـه
من نور عينك يـا بعـد كـل هالنـاس
دامـه عطـاك القلـب كـل اهتمامـه
بضوي قناديـل الفـرح فيـك نبـراس
تدللـي يـا نبـض قلبـي و غرامـه
بهديك روح ٍ تلهمـك عطـر الانفـاس
قلب النـداوي ينعـرف مـن سلامـه
يستقبلـك بأحلـى تعابيـر الاحسـاس
مهمـا يطـول الـدرب عـام ٍ بعامـه
لا يطري بْبالك مخـاوف و هوجـاس
انتي جنـون القلـب و احلـى هيامـه
ما يبدلك قلبي و لـك بالحشـا سـاس
ليه الحـزن يفـرض عليـك احتدامـه
و الى متى و العين مع حرب الانعاس
ما ابي اشـوف الليـل ينعـي ظلامـه
و ما ودي اسمع طاري الخوف و الياس
و الشوق لـو يقبـل بستـر احتشامـه
يرضـى بْخفايـا لهفتـه فيـه تنـداس
صعبـه علـى المقفـي يبيّـن مرامـه
و ما تنبت ثْمار ٍ علـى غصْـن يبـاس
الحب فرصـه و الغـلا لـه علامـه
وانا عليّ اثبت لـك الشـوق مقيـاس
شفتك على سطح القمـر فـي تمامـه
وقيثارتك تعـزف ترانيـم الاحسـاس
من يومهـا قلبـي بـك اعلـن هيامـه
و الروح ذاقت في الهوى رشفة الكاس
كـل مطلبـي ياالزيـن بـس ابتسامـه
و اهديك روح ٍ تلهمك عذب الانفـاس

[فضي البراك]

من جزم نفسي يوم..صار الردى طيـب=حلمـي قبـل لايكسـرونـه كسـرتـه
ومن راح منـي قلـت يا(علـه مصيـب)=دورت لـه (عـذر كـريـم) و (عـذرتـه)
للـي (يبـي بعـدي) انـا مانـي قريـب=هو ما ربحـنـي والا انــا ماخسـرتـه
قلبـي خويـي مـا لقلبـي معـازيـب=اللـى حقرنـي مــن رداه احتقـرتـه
رغم الجـروح اللـى بقلبـي معاطيـب=حبيـت كفيـن الـزمـان (و شكـرتـه)

[نــ قباني ــزار]

يا ستَّ الدنيا يا بيروتْ...
مَنْ باعَ أسواركِ المشغولةَ بالياقوتْ؟
من صادَ خاتمكِ السّحريَّ،
وقصَّ ضفائركِ الذهبيّهْ؟
من ذبحَ الفرحَ النائمَ في عينيكِ الخضرواينْ؟
من شطبَ وجهكِ بالسّكّين،
وألقى ماءَ النارِ على شفتيكِ الرائعتينْ؟
من سمّمَ ماءَ البحرِ، ورشَّ الحقدَ على الشطآنِ الورديّهْ؟
ها نحنُ أتينا.. معتذرينَ.. ومعترفينْ
أنّا أطلقنا النارَ عليكِ بروحٍ قبليّهْ..
فقتلنا امرأة.. كانت تُدعى (الحريّهْ)...

[فضي البراك]

عزالله إني ما أطيح بسهوله=لكن معاك الطيحة أسرع من البرق
.
قلبي ونلته ما أحسب أحد ينوله=أنا.. وأنا راعيه جايز لي السرق
.
شفت العنا وياك على أصوله=وعرفت أنا هالحين وش نوحة الورق
.
سويت فيني شي لا.. من يقوله=موضوع عادي.. بس (صليت بي شرق)

[مرزوق العجوني]

قبلك ايامي وش ايامي جفاف=جابك الله وامتلى عمري مطر
صرت احبك صرت اشتاقك واخاف=من غيابك من ظروفك والقدر

[ناصر الرشيدي]

نيووووو

بالغولي طلّة الصبح والحب الجديد=عقب ماطاحت من العين ويش ايردها