[نواف العوض]

اقتباس من مشاركة المغرم اليائس قصيدة ابحر معها فكري وشدت مليكتي وهيجت قلمي لله درك على هذه الجوهرة . . ولكن لي ملاحظة فهنالك بيت صاحبه خطأ إملائي وش انت يالمسكين لو طشيت في يدين العنيـد اهون عليه من السياحه والتقنـص والظفـر . . وفقك الله

انت لحالك تستاهل جائزه بصراحه هو خطأ املائي مانتبهتله وانت الله يسعدك كشفته لي على العموم بيتم تعديله
شكرا لك اخوي

[نواف العوض]

كبرت براسي ليلـة لبـارح وجنـدت القصيـد
الين ميلت البريهـة فـوق تاجـي والمقـص


وايقنت بأني لوبغيت اضرب بكف(ن)من حديـد
ماشوف غير ان الجبال الشامخه كبر المفـص


ابوك يالمسطور لا حديـت فـي ليـل المكيـد
تطلعك يمناك لـو شـح اكسجينـك بالقفـص


ادري بقـوه داخليـة بيـن اعماقـي تـزيـد
لو تندفع اصغر حقوقي لو رخصته مارخـص


لاتحسبنـي لا عطيتـك علـم ابكـرر واعيـد
اضحك على نفسك وخلك من طبولك للرقـص


صاحبك لوابليس شيطانه ابـو باس(ن)شديـد
يمديه حفظه الصمد والقارعه قبـل القصـص


وش انت يالمسكين لو طشيت في يدين العنيـد
اهون عليه من السياحه والتظفر والقنص


اقول لاتكبـر واجيـب العيـد وهلالـه بعيـد
تحمد الله واترك اللـي فـات والدنيـا فـرص


تغانم ايامـك وعيـد فـي نهـار الله السعيـد
ومالك عن اللي كاتبه ربي مناص ولامفـص


(وان كان تبغاها تصلي فـوق جثتـك العبيـد
زعل سلايل عبس ويكوك باسنـان الخـوص)


والله لولا مخافة المسلم مـن الـرب المجيـد
يمديه موضوعلك ووضعك من بداياته خلـص


لو عشت في لبنان والا عشت في وسط الصعيد
والاتنكرت بملابس بنـت فـي بلـدة حمـص


لتأصلك ذيـك السبـاع اللـي لياهـدت تبيـد
منهم يشيب شعر راسك قبل يكسيـك البـرص


فيهم رموز اهل الشجاعة للعـرب يالمستفيـد
ومنهم تعلمنا الغرام العف نصا(ن)فوق نـص


ومنهم عرفنا للخوي حقـوق عنهـا مانحيـد
وفيهم تواضع زادهم رفعه ومنهـم مانقـص


اهل الكرامـه والشجاعـه والفرايـد للفريـد
ماتحصى افعال الرشيدي لو تدرس بالحصـص


ومايبخص افعال القبايل فخـري بنـي رشيـد
كل القبايل تاج راسي بينهـم مانـي مخـص


ياكم شخص(ن)ينحسب ميه وهو شخص(ن)وحيد
وياكم اشخاص(ن) تجمع ماتساوي ربع شخص



نواف العوض

[مرزوق العجوني]

صح لسااانك اخوي ولا هنت وتقبل مروري

[نواف العوض]

الله لايهينك اخوي مرزوق
مشكور على المرور

[الـفتى الـرشيدي]

صح لسانك


قصيدة رائعه اخوي نواف العوض


والقبيله تستاهل قبيلة المجد والعز


بس بسألك يانواف اسئله


من اي الرشايدة انت لانك شاعر قوي لازم نعرفك ؟

[نواف العوض]

اقتباس من مشاركة الـفتى الـرشيدي صح لسانك قصيدة رائعه اخوي نواف العوض والقبيله تستاهل قبيلة المجد والعز بس بسألك يانواف اسئله من اي الرشايدة انت لانك شاعر قوي لازم نعرفك ؟

اسف جدا على التأخير الفتى الرشيدي
وشكرا على مرورك
بالنسبة لسؤالك نواف العوض الوهيداني

[فهد المويسه]

صح لسانك

وقصيده رائعه

وتقبل سلامي