[ذبحني غروركـ]

يلـي علـى درب المفـارق تولـم
بانت على درب المفـارق ملامحـك

من يـوم قمـت تمرنـي ماتسلـم
ماعاد يهم اخسرك أو انـي أربحـك

مـادام مانـي ظالـمـك لاتظـلـم
ولا تذمني بظهري وانا بظهرك أمدحك

عرفـت بأنـي كنـت فيـك أتحلـم
وعرفت ذنبي .. ذنبي اني أصارحـك

ألــي بقلـبـك طلـعـه لاتـألـم
أذبـح كـلامٍ حافظـه قبـل يذبحـك

عجـزت فيـك اعلـمـك ماتعـلـم
أنصحك واعلمـك ماكنـي أنصحـك

يا اخي ليـا منـى جرحتـك تكلـم
لاتشيلها بقلبك وانا ما اقصد أجرحك

[مرزوق العجوني]

حاولي مره تحسّـين الجروح
كل جرح ٍ عانق أحساسك شفى
إيـه دام أنتي الهوى بأنفاس روح
أشتكيك البرد وينك يالدفـى

[نايف ابن عليثه]

حلاوة عمري يوم في دنيتك ضعت
يازين لحظة ضيعتني وسط كونك

ان هل صوتك في شتاتي تجمعت
وانسى ظماي ان ظللتني مزونك

يفداك قلب في عذابه تمتعت
يخون قلبي نبضته قبل اخونك

نام وتطمن لو شكيت توجعت
ماعاد تغري سكة العمر دونك

[رشيديه و أفتخر*]

وين إنت يـاللي كل مآ قلت وين إنت؟
أقـول لـك لبيـه سـم وفديـتـك
كل الكـلآم العـذب قلتـه ولآ لنـت
قآسي علي يآصآحبـي مآهقيتـك !!

[الرشـ بنت ـايده]

هزتني الذكرى وجيتك من اقصاي
ما كان ودي يوم جيت ونخيتك

جيتك من الغربة معي جرح فرقاي
حنيني اللي هزني يوم جيتك

ما أبيك تعذرني وتدمح خطاياي
ابيك تحس بدمعتي لا بكيتك

[ولد الشرقية]

والله مادور واحد وكن مايبيني ..لو ان حبه مزع القلب تمزيع
وهمٍ يصدر بي وهمٍ يجيني .. يكفي عذابك للقلوب المواجيع .

[ذبحني غروركـ]

كل ما قلت ابسلى عنك وانسى الغرام
ذكرتني طيوفك مامضى وابتديت
اكتب القاف واجاوب لطيور الحمام
لا شكى الورق همه هم بعدك شكيت

[مرزوق العجوني]

خذني على قد قلبي وافهـم احساسي
ومن بعدها لا تفكر وانطق بـ قلبك

لو تسمع النبض بين سطور كراسي
تلقــاه يملا مداك أحبـك أحبـك
شفني زفرت الوله مع دافي انفاسي
شفني شهقت الغلا يوم الهوا قربك