[شاعر الصعاليك]

يا العود صندوق الضماير يبا يبيح = باللي يكنه والحقايق تدومي
في حضرتك يا العود ليل التباريح = قفى وصبح العيد ما فيه صومي
ما تنقص الكيلة بوسط المفاويح = وأنته مقامك مايبي له ختومي
أنت الذي حطيت للمجد توضيح = وأنته تقول السالفة لمهزومي
أنا جبل ثابت ولا يمكن أطيح = وأنته جبل يا شيخ فوق الغيومي
الطيب في يدين النشاما مصابيح = وهبه من اللي للخلايق رحومي
طهر القلوب الصافيه ما بها قيح = بيض الوجيه اللي تعرف العلومي
أبيوتهم تبنى على هبة الريح = وأنفوسهم تاسع لكل النجومي
فالعز والنوماس كل واحد يميح = دلوه عن دلي العرب بالزحومي
وأنا أحمد الله ما طردت المشافيح = ولا لي مع وجية الفقارى لزومي
اليا مشيت الدرب فالليل ما أطيح = أسري وقلبي بالعقال محكومي
مالي خوي غير الوجيه المفاليح = اللي تنومسني وترفع سهومي
الله شهوده فالبسيطة سوابيح = وأنا ما أغط الحق داخل هدومي
الطيب بيّن في وجيه الطحاطيح = والا الردي من كل خير محرومي

[شاعر الصعاليك]

الظاهر أنه حرف الميم ههههههههه

[صعصعة]

صح لــسانك يالصعلووك

[شاعر الصعاليك]

طيب هو حي اللحين والا ميت ههههههه

[صعصعة]

لالا ابشرك حي هههه

[شاعر الصعاليك]

عاصفة رملية قوووويه بأتجاه الشمال ، الآن بالقرب من المجمعه

[شاعر الصعاليك]

وكذلك جنوب الرس ، تحذير لمنطقة القصيم
باتجاه الشمال

[صعصعة]

والله اشوف عندنا غيم ولا يوجد اي اتربه
ولــكن انا حضوري قد انتهى وسأخرج الان
لان اتـتـني حــالة الـتـنبله
ولا أوصيكم هذا هذاك أيه عرفتوو واللي مايعرفه
ينزل تحت يقراء وصاتي
والله ..الله
ولاتفشلونا نبي أسئله دسمه