[ذيبان الرشيدي]

يانور عيني .. والفرح والمسره = ياصبح فجري .. يابعد كل الأحباب
البارحه .. شفت العنا والمضره = واخفيت .. دمعات القهر بين الأهداب

.
.

[ذيبان الرشيدي]

عبود .. حبك مجلسه بين الأهداب = واختال حبك .. وانتحى واحتواني
واشتقتلك .. والشوق مضني وغلاب = حتى استهامت .. من غلاك المحاني

.
.

[ذيبان الرشيدي]

انتثر دمع المولع .. وارهصت فيه الثرى = واطلعت جدب الصحاري .. كلي ميالن ظليل
وش جراله من بعدها .. وش جراله وش جرى = وش جعل حدب المحاني .. تدهل الدرب الطويل

.
.

[ذيبان الرشيدي]

اليا عرضلك .. واعترض واعترضلي = همن تلاوح .. بّينت فيه الاتعاب
صب البياله .. يالغضي واعتذرلي = واشرب ... فناجيل الغلا قبل الأعجاب

.
.

[ذيبان الرشيدي]

يانور عيني .. ذبحني صدك الكافر = وأقفيت أردد .. قصايد عنتر العبسي
مليت .. اساير واجامل قلبك الناكر = واقول ليل الجفا .. مثل التعب منسي

.
.

[ذيبان الرشيدي]

ياطير تبكي .. من جردبك وخلاك = تطوى .. الديار الواسعه الجرهديه
قفى وليفك .. وانبرتبك خطاياك = واقفت عيونك .. تندف الهاشميه

.
.

[ذيبان الرشيدي]

كانت هُنا ...
ثُم مَضت ..
وباللحافِ الرَغيدِ ... تَدثرت ..
رُغم الخريف ..ألانت الأغصانَ و أزهَرت ...
وقَبلاً مِن ذَلِكَ أمطرت ..
فـ هل تُلام ..
إذ..
هيَ ..
على جُل الخلائقِ تَكَبرت ..

[ذيبان الرشيدي]

يا إلهي .. جرهدي البيد والعبد الضعيف =تشتكيلك .. من مناكيب المدابير العجاف
طالبك ردم السحايب .. من بعد فصل الخريف = تسقي عروقٍ تيابس .. ضكها وقت الجفاف

.
.