[الغريبة]

اتمنى انها تعجبكم اخواتي الفراشات -- مني فراشتكم - جمال الطبيعة الخلاب 00

هلا بالخاطر اللي ليخطر يرتاح معه البال
هلا باللي إلى جاني يروق لجيته بالي
جفولٍ ليحضرني وانحرج من زحمة الأزوال
أقوم لخاطره من مجلسي واروح بلحالي
أشبه جيته مثل الحبيب اللي فراقه طال
نطحني وابتسم عقب الزعل في مدهل خالي
الي رد السلام وقال وشلونك وكيف الحال
حسبت أن السعادة كلها ما خلقت إلا لي
أرحبه تراحيب الثرى للصيب الهمال
ألى هل وهطل واجزل وبارك غيثه الوالي
يجيني والحمول ثقال لاتترك ولاتنشال
ويسري والخفوق المبتلى من همها سالي
وانا لولا الخواطر والقلم والشعر والترحال
تسليني عن همومي تلقيت الخلى الخالي
انا شاعر ولا احب المشاعر في الضمير تغال
وراعي الذوق ما يخفى عليه المر والحالي
أفاضلها وأميز بين مايترك وماينقال
واعرف ان السكوت احيان والصدات اجدالي
تمهل يانديمي طالبك لا تجرح الآمال
ترى بعض الهموم الغاليه محذور تنقالي
تحملها لعلي بالحوادث والزمان احتال
ترى صرختك في جوفي سببها صاحبٍ غالي
وانا لولا الغلا واخشى ياراعي يسحر العذال
حراام إني لا ألبي طلبتك واطف مكيالي
وانا اشوف القوافي شرفت مع هايل منهال
وقفلتها على ذا البيت اولى له واولى لي
---------------------------------------------
للشاعر الامير / خالد بن سعود الكبير
-------------------------------------------

الموضوع الأصلي: قصيــــــده للشاعر الامير...خالد بن سعود الكبير.. | | الكاتب: الغريبة | | المصدر: شبكة بني عبس

[مروان الرشيدي]

صح لسان شاعرها


لاهنتي الغريبه ع النقل
"
"
"
تحياتي

[بنت الكويت]

قصيده جميله يعطيج ألف عآآآآفيه ع آلنقله آلعسل ,,,

[الغريبة]

مشكوووووووووووووووووووووورين على المروووور

[البااارونه]

تسلم يمينك اختي الغريبه على القصيده الرائعه

[حب الغموض]

مشكوره من القلب وتقبلي مروري

[بدر بن محمد]

صح اللساااااااااااااااااان شاعرها
ومشكوررره الغريبه على النقل
ودمتي بصحه وعاااااااافيه....

[الغريبة]

مشكوووووووووووووورين لا هنتوووووووووووووووووووووووووو