[shoeely ma]

صح السـأنك ياشأعرنا
محمد الرأشـد
وعودتك مثل المطر علينا
وتسلم يابن براك على المبادره الجميله
ولاهنت

[الله يجازيك]

امسح غبار الغياب وذكريـات الغيـاب

ولا عاد يوجد مفارق غير فرقا الممات

ياصاحبي يافضي زيزوم كل الصعـاب

جدانك اهل الفعايل وانت جزل الصفات

ولا هي غريبه على من يتعبون الركاب

المجد ورث" لكم ماهوب ضمن الهبات

قدام لانسى يابن بـراك قـل للشبـاب

وعلم جميع العيون الي سرقها المبات

القافله ماشيه لـو زاد نبـح الكـلاب

والعنصريـه تـؤدي دايمـا" للشتـات

والشعر وهبه من الله والقصايد زهاب

والنجم لو غاب من فوق الثريا يبـات

محمد الراشد

ارج السموحه وبا اجار البيـوت العجـاب

نضمـن بدابـه محمـد حـي هالمفـردات

ذكرتنـي يامحمـد حـب جـال الـعـذاب

قـدام لايلـوح بالعـارض عـدو البنـات

وسترسل الفكر حتى صـار فيـه انسيـاب

وجاريت شاعر بيوتـه لابـداء مبهمـات

تعيش يالقرم ماهل المطـر مـن سحـاب

صدق خياله ونـاض البـرق بالمرزمـات

وماغنت الورق في ظل ٍ بخشـم الهضـاب

تلعي طرب في ظـلال كهوفهـا العاليـات

صحيـح ماقلـت مايبعـد عزيـز الغيـاب

البعد من حـط وسـط الحـد بالمظلمـات

مدحت رجل ٍ ربوعـه بالقـا مـا تهـاب

و هو تبع سيرة أجـداده بعـزم و ثبـات

و أزكى التحايا يا بن راشد و مسك الخطاب

عسـاك تسلـم وتبقـا بينـا الذكـريـات

العمده ناصر خنيفر ابو تركي

عاد القمر في مساره بعد ما قيل غـاب

وكن الكواكب تحرا جيتـه ليـن يـات

ماهي ذنوب وخطايا كان واليـوم تـاب

أمورصـارت نهايـه بيديـن الشتـات

ماء المطر لا وقع بلقاع يمـلا شـواب

ومهما تشوبه تروا منه كـل الـروات

أخير من ياخذ القربه ويـارد سـراب

يركض ورا صحصح الريعان يالين مات

ون كان للارض بهجه في قدوم السحاب

لناس فرحه وبهجه بعـد لـم الشتـات

وللآرض لا بد من غيم وعسام وضباب

وحنا مع الكون مانخـلا بليـا حتـات

مساء الاحبه ايها الشعراء
مشكور محمد الراشد على ماقدمت
والشكر ايضا لشاعر الكبير ابو تركي
والشكر موصول ايضا لشاعر العملاق مسند العويمري

بصراحه لكل شخص وجهة نظر وبالنسبه لشاعر محمد الراشد شاعر معروف بهذا الموقع ويحمل لقب شاعر وناقد
وعلى ذلك اريد نقد هذا الشاعر بقصيدته مع الاحترام
بصراحه اولاً قصيده مباشره تعبر عن شخصيه شخص وايضا عن الغياب الذي بدأ في اول القصيده
ولكن عندي ملاحظه لو غيرت القافيه في العجز افضل بكثير من هذه القافيه
لان كل القصيده اتت على وزن فعال باللغه العربيه ولايجوز لك استخدام هذه المفردات بكل الشطرين يجوز بالشطر الاول وتغيير الشعر الثاني عن القافيه لا نها تقلل من عذوبه القصيده ولا يستمتع القارئ بها
وهذا الذي يحذر منه شعراء العرب وقعت بهذا الخطأ واسمح لي بعد هذه القصيده الابتعاد عن هذا اللقب ولو انك ناقد لا بتعدت عن هذه المفردات
واما بالنسبه للقصيده بوجهه نظري لن تليق للمستمع بهذه القافيه ولا تحمس بما انها مدح والمدح دائما يحمس الممدوح وتثير المستمع وكثراً ما يستخدم المدح للحروب في معارك القتال ليزيد من المعنويه
اما بالنسبه للشعراء المجاراه فلو كنت بموقفهم لم اكتب على هذا السياق بما ان قصائدهم تحمل معاني جميله
ولو كانت افضل القصائد الذي وردت قصيده الشاعر مسند العويمري لانها تحمل معاني جزله واعجبني اخر بيتين من قصيدته وبشكل عام شعراء المجاراه افضل من قصيده الشاعر محمد
ولهذا حبيت اوضح للاخ محمد وهذه وجهة نظر فقط كل شخص له وجهة نظره
والمعذره اذا كان كلامي جارح للشعور او هضم لاحد الشعراء .
شكري وتقديري

[ناصر خنيفر]

	نقد في محله وهذا نقد بناء وصحيح مايصير وقفت الصدر والعجز على نمط واحد متقارب بالفض وانا حاس بالموضوع ولكن لايعيب الشاعر الخطا البسيط والكمال لله ومهما حصل من خطا اقول محمد الراشد شاعر شاعر وشكرا

[فضي البراك]

اقتباس من مشاركة الله يجازيك وزن فعال باللغه العربيه ولايجوز لك استخدام هذه المفردات بكل الشطرين

أهلا .. الله يجازيك ..

أخي ممكن توضح لنا أكثر عن وزن ( فعال ) ..

لأنه وحسب علمي البسيط أن اللغة العربية لا يقفى فيها صدر البيت إلا في حالة التصريع سواء كان للتكميل أو التشيطر ..

[عاشق المدينه]

أهـــــلآ وسهــــــلآ بحضور شاعرآ محمد الراشــــد
طبــــــعآ غيابـــــــــه أثر علينا كثـــــــــــــير,,,,,

شكرآ أخي:فضي البراك

[عادل العويمري]

صح اللسانك الشاعر المبدع والاخ الغالي

محمد الراشد ..

وكل الشكر للاخ ابو فيصل لطرح هذا الموضوع وليس غريبا عليه فعل الطيب ويستاهل كل شطر مدح بهذه القصيدة الرائعه ..

[عبدالسلام عارف]

وفقك الله محمد الراشد
للامام

[الله يجازيك]

نقد في محله وهذا نقد بناء وصحيح مايصير وقفت الصدر والعجز على نمط واحد متقارب بالفض وانا حاس بالموضوع ولكن لايعيب الشاعر الخطا البسيط والكمال لله ومهما حصل من خطا اقول محمد الراشد شاعر شاعر وشكرا


ناصر خنيفر انت شاعر كبير ومعروووف وتستاااهل لقب العمده يأابو تركي وبيض الله وجه من لقبك اللقب هذا وانت مدرسه شعري مااشكك
بشاعريتك ونتعلم منك الكثير وادري وواثق انك راح تقر بالخطا وانت قصيده مجاراه فقط وشهادتي فيك مجروووحه الله يسلمك ولكن يعلم الله لفت نظري لقب الشاعر محمد الراشد (شاعر وناقد)
ووجدت نقطه النقد من اول ماقراءة القصيده ولم استمتع بقراءتها وعلقت هذا التعليق ومشكور ابو تركي على تصريحك الهادف وماقصرت يالغالي
مع الشكر والتحيه