ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
جــو للمـوظـف قـالـوا الـيـوم تـخـتـار
جـاك التقاعـد بكـره ياصلـك الاشعـار وكانـك تبـي تكمّـل بـعـد زود مـشـوار راجـع امـورك نمهلـك حـول شهريـن قــال انــا طـالـع مــا ابــي هالوظيـفـه مـحـركـاتـي كـــــل ابــوهـــا نـظـيـفــه بعيـش بـاقـي العـمـر عيـشـه مريـفـه بقـابـل الحـرمـه وشـــوف الـبـزاريـن طـلـع تـقـاعـد وسـتـلـم كـــل حـقـوقـه وخـيـط مــن الملـيـون بـاقـي فـتـوقـه وعــاش بـطـواري كــل يــومٍ تسـوقـه وفكـار تظهـر لـه مـن يـسـار ويمـيـن اول قـــــرارٍ قـــــال بـفــتــح تــجـــاره وفـكــر وقـــال ان الـتـجـاره خـســاره وقــرر بـعـد شهـريـن يـبـنـي عـمــاره وعــجــز يقـلـبـهـا بــكــل الـمـوازيــن قـابـل صـديـقٍ مـــن ايـــام الـدراســه هـرجـه كثـيـر وبالـحـكـي دار راســـه لّـبـسـه ثــــوبٍ مــــا يــقــده مـقـاســه وصــدق خـويـة هالفقـيـر المسيكـيـن قــال انــت فـاضــي مـرنــا بالـعـدامـه فــي مكتـبـي لا جـيـت تلـقـى اسـامــه عنـدي لـك اسـهـم تنصـفـط للنشـامـه واربـاحـهـا ودي تـحــوش القـريـبـيـن خــذ لــه ثــلاث أيـــام ثـــم راح يـمــه لـقــا اســامــه كــنــه الــــوز وامــــه جـالـس عـلـى مـكـتـب وكـنــه بـقـمـه قـاعــد يـسـنــن لـلـزبـايـن سـكـاكـيـن شرالـه اسـهـم وانتـشـب قــص فيـهـا كـل مـا عرضهـا بسـوق ماحـد يبيـهـا نـــص الـسـعــر يبـيـعـهـا مشـتـريـهـا الـلــي بثلاثـمـيـة بـمـيــة وخـمـسـيـن بـطّـل مـــن الاسـهــم وقـابــل عـيـالـه ودايـــم بـعــد لعـصـيـر يـقـعـد لـحـالـه وان طــرو الاسـهـم وجـابــو مـجـالـه قال انحش انحش عن جحور الثعابين بالليـل يسـهـر ويتـفـرج عـلـى الــدش لا جـت جميلـه قـال أهــلا يابـورمـش وان جت الشينه قـال لابـوش وهلـش مـا غـيـر يبحـلـق بالبـنـات المزايـيـن وان جت الحرمه جابت البن والشاي سواله صيحه ليـش مـا جبتـي المـاي انـتـي مقـصـره فــي تعامـلـش ويــاي وانــا متحـمـل صـارلـي عــدة سـنـيـن يزعل على الحرمه بـلا ذنـب وسبـاب قــوّم مـعـارك سـبـة شـمــاغ وثـيــاب كنـه مـراهـق يصـفـق الـبـاب بالـبـاب يطلـع عـن عيالـه ويرجـع بعـد حـيـن قابـل عبيـد وقـال لــه جــرب الـعـرس اصبغ شعرك وبـدّل النـاب والضـرس انشد مجرب ومتمـرس علـى الـدرس كـثـيــر مـثـلــي بــالــزواج مـتـهـنـيـن الـديــك مـــا يـــذن وهـــذي مـصـيـبـه بالشـهـر مـــره.. الـمــره وش تبـيـبـه روح عـلـى الـدكـتـور يـنـشـد طبـيـبـه يمـكـن يـلاقـي لــه عــلاج المسـنـيـن كـتــب لـــه وصـفــه راح للصـيـدلـيـة سـلـم وقــال شـفـيـك تـضـحـك عـلـيـه وش كـاتــب الـدكـتـور فـــي هالبـلـيـة عجّـل خفوقـي صـار بيـن المصـاريـن قال انـت نصرفلـك تـرى حبـوب زرقـا تـخـلــي الـشــايــب يــحـــوّل ويــرقـــا مفعـولـهـا مـــا يـبـغـي بـعــدٍ وفــرقــا أعظـم مــن الـلـي ينتجـونـه بقـزويـن هـذي الحبـوب ترجعـك عــدت عــوام وتعـيـشـك ويــــا مــدامــك بــالاحــلام وارفـق تراهـي تفتـق الخيـط والـخـام وتفـتـح جمـيـع مسـكـرات الشرايـيـن خـذ الحـبـوب وشــب يبـقـي عـروسـه ركــب لــه اسـنـانٍ وحـشـا ضـروسـه مــعــزم الــرجــال جــهـــز فـلــوســه لقـا عروسـه بــس مــا تمـلـي العـيـن اعــرس وطلقـهـا بـعـد سـتـة شـهـور يسـب ويلعـن راعـي الـراي والشـور وعـود علـى الاولــى ذلـيـلٍ ومقـهـور يــقـــول مـافـيـنــي نــشـــاطٍ لـثـنـتـيـن حسبي على اللـي ظهـر الشيـب فينـي خـلا مـن الحسـرات تـركـض سنيـنـي مــن النـدامـه تــذرف الـدمـع عـيـنـي هـمـلـت بـيـتـي والـمــره والـبـزاريـن كـلــه سـبـايـب شـوفـتــي للـمـحـطـات الـلــي يـجـيـبـن الـبـنــات الـجـمـيـلات لا شفتهن زادن على القلـب حسـرات قلـبـي خـضـر ومعـرضـه للشيـاطـيـن اببتـعـد واتــرك هـــل الـقـيـل والـقــال مـا تنـفـع الدنـيـا بــلا زيــن الاعـمـال مـــا ينـفـعـك لا مـــت عـــمٍ ولا خـــال ولا يـنـفـك لـــو لـبـســوك النـيـاشـيـن ابــتــفـــرغ لــلـــصـــلاة والــعـــبـــاده بفضـل مـن الله هــي تجـيـب السـعـاده الـلــي تـركـهـا عـايــشٍ فـــي نــكــاده لا ضقت فـي دنيـاك عـود علـى الديـن هـنــي مـــن حـبـلـه مـتـيـنٍ مــــع الله الـلــي يـقــوم الـلـيـل يـقــرأ وصــلــى مــرطــب لـسـانــه بــذكـــرٍ مـــــن الله وجـهـه مـنـوّر بــه سـمـاة المصلـيـن مماراق لي
|
|
|
قال انـت نصرفلـك تـرى حبـوب زرقـا
تـخـلــي الـشــايــب يــحـــوّل ويــرقـــا خوووش نصيحه ههههههههههههه ابوتوتو دايم اختياراتك شائكه ههههههههههه |
|
|
|
|
|
ياسبحان الله ماعجبك غير هالبيت هههههههه
وبعدين الظاهر انك تقرض منهن هههههههه الله يسعد ايامك ولياليك ويخليك لدوانيتنا المنهدمه
|
|
|
|
|
|
|
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
| خيارات الموضوع | ابحث بهذا الموضوع |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| جِـدآرَ قلعة المجد | الوآآفي | منتدى الشـــعــــر | 764 | 31-08-2019 06:40 AM |
| ما بقى في قلعة المجد حزب ولا فريق | عميان | منتدى المحــــــــــــــاوره | 23 | 13-03-2013 08:21 PM |
| المطار قلعة المجد | الكابتن | منتدى المحــــــــــــــاوره | 45 | 04-02-2012 11:15 AM |
| حتى تعرفون من هي قلعة المجد والتاريخ | سعد عبدالله | منتدى ملتقى الاعضاء | 27 | 08-12-2009 06:15 AM |
| في قلعة المجد والتاريخ | مشاري عواد | منتدى الضيافــــــــة | 11 | 21-11-2008 09:13 PM |
الساعة الآن +4: 03:06 AM.
جميع الحقوق محفوظة شبكة بني عبس
