[نوماس5]

يا من تعذبني وأنا فيك مفتون
.......................... ارفق بقلبٍ ما عرف غير حبّك

أنشهد أني في محبتك مرهون
....................... غريق ما يقدر على موج غبك

ما همني لو قالوا الناس مجنون
.....................ما دام أعشقك وأهتويك وأحبك

ما تدري أنك داخل الروح مكنون
.................... وإن ما تبي في نون عيني أخبك

إن دب ليلي أقطعه غصب بلحون
...................... أسهر على ذكراك وأرقب مهبك

أرسم على كفي تعابير وعيون
......................وأحس روحي تحترق في مشبك

وأرسل مع النسمه تناهيت وشجون
........................عسى تمرّك يا حبيبي بدربك

اذكر عهودك دام الأيام بالهون
..................... اذكر عهودك يوم أعانق ملبك

يوم أنت تجرحني بنظرات محزون
.......................وعن باقي القصه دموعك تنبك

وإن كان هانت عشرتي يالله العون
........................حلال فيني كل ذمك وسبك

يكفي أشوفك كل شي ٍ بهاالكون
.....................و الكون كله ما سوى شي عقبك

لو ينكشف قلبي على الناس يقرون
.................... مكتوب في عالي خفوقه أحبك

أربع حروفٍ لخّصن كل مضمون
....................... حلفت تنطقهن نشدتك بربك

الموضوع الأصلي: يا من تعذبني وأنا فيك مفتون | | الكاتب: نوماس5 | | المصدر: شبكة بني عبس

[راسبه بالحب]

رووعه الابيات


سلمت الايادي بما خطت


يكفي أشوفك كل شي ٍ بهاالكون
.....................و الكون كله ما سوى شي عقبك

[احمد منيف]

أرسم على كفي تعابير وعيون ......................وأحس روحي تحترق في مشبك

الله يعطيك العافيه قصيدة ممزيه لاهنت ع النقـــل :)

[ميلاس]

‎

‏ صح لسآن شآعرهآ .. وتسلم ع النقل الذوق..

[رسام الغروب]

صح السانك وعلى اختيارك الله يعطيك العافيه

[نوماس5]

منوورين لا عدمتكم

[بندر الشويلع]

صح لسانك اخوي نوماس5
والله يعطيك العافيه ع النقل الرائع
ولاهنت

[نوماس5]

منوور لا عدمتكــ