[رسام الغروب]

ياحظ كثر العنـا وشهـو علـى شانـه

ووش هو مصيري معك في وقتي التالي

من ضيقة الصدر كني وسـط زنزانـه

لي عام واكثر وانـا متغيـرٍ ن حالـي

نفسي على الخايـع الممطـور ولهانـه

وعن زحمة الناس ودي بالخلا الخالـي

تغيب عنـي همـوم القلـب واحزانـه

لاغاب عـن تغطيـة لرسـال جوالـي

وتوانـك الجيـب للمطـراش مليانـه

لكن وين الخـوي اللـي علـى بالـي

اللي آصول الصداقـه معـه منصانـه

ماهوب مـره رخيـص ومـرةٍ غالـي

بينـي وبينـه صـداقـة ود وميـانـه

وان ماتهيـا قطعـة الفرجـه اِلحالـي

مادام نفسـي علـى المنهـاج نشطانـه

بهدي لها جُل وقتي وارخـص ريالـي

واقطع فجوج الخـلا واشـوف حيانـه

واسج في كـل خبـتٍ مابـه ازوالـي

الخبـت عنـدي ولا السـوده وشيبانـه

خص ٍ لياجيـت روض نبتـه اشكالـي

وسمعت طير الحمام ايكوسـر الحانـه

وشمس العشي مالت وخالفني اضلالي

وارتاح لارخى ظـلام الليـل جنحانـه

وجريت جمر المناره تحـت معمالـي

اسج واسري بفكـري واطلـق اعنانـه

يحلالـي الليـل والتفكيـر يحـلالـي

افكـر بصنـع رب الكـون سبحـانـه

ويمضي بي الوقت وانـا دالـه سالـي

يومٍ ن بعـض الاوادم صخـر السانـه

لمجالس اهل الخنـا والقيـل والقالـي

زين له ابليس عرض افـلان وافلانـه

يبهت ويهتـك عسـى مافالـه ابفالـي

صحيح بعض المجالـس مالهـا خانـه

والبعد عنهـا بجـو الوحـده اشوالـي

تغيب عنـي همـوم القلـب واحزانـه

لاغاب عـن تغطيـة لرسـال جوالـي

الشاعر عبدالرحمن بديع

الموضوع الأصلي: كني وسط زنزانه | | الكاتب: رسام الغروب | | المصدر: شبكة بني عبس

[عبدالله معزي]

صح لسانك
تحياتي لك

[رسام الغروب]

حياك الله ابو ري اسعدني تواجدك ومرورك مشكوووووور والله يعطيك الف عافيه

[سحايب]

صح الســــــــان شاعرها
وصح ذوقك واختيار
قصيده رااائعه وذائقه متميزه

[رسام الغروب]

حياك الله دمعه شاكرلك على مرورك مشكوووووورة والله يعطيك الف عافيه

[الهوى الغائب]

يعطيك العافيه

[مرآهيش]

مآشآء الله قصيدة حلوه

صح لسآن شآعرهآ وسلمت يمينك ع النقل

[رسام الغروب]

حمودي ومراهيش
ومن قال سالم تحياتي لكم