[بدر حيي]

صابر عليك وعلتي وسط الضمير
وكل ماسرى طيفك سرى ليلي سرى
كم لي أعاني والبلا جرحي كبير
صامد لو أن الجرح منك مابرى
وسط المطار الطائره تبغى تطير
شاهدتها صدفه ولا أدري وش جرى
بالأنتظار ومدري وش قاعد يصير
قلبي معاها لا يبيع ولا أشترى
يابنت والدنيا ردى ( واقع ) مرير
مافيه غيرك ياهوى بالي طرى
ليت المصير يحطني معك بمصير
وأجيك وأرمي حزني الطاغي ورى
(قلت) أسمحي (قالت) أحب أنسان غير
(قلت) أعشقيني معه وأبني لك ذرى
(قلت) الزمن ما طاع في حلم الفقير
راحت وبين (ليت) ؟ (يمكن) ؟ (هل ترى) ؟؟
تدري وش أكبر جرح يالخشف الصغير؟؟
أنك تحب (أنسان) عنك (مادرى)!!


’’’’’’’’’’’’’’’’’’’’’’’’’’’’
شعر/ أحمد سليمان الرشيدي

الموضوع الأصلي: الشاعر احمد سليمان الرشيدي وسط المطار الطائره تبغى تطير | | الكاتب: بدر حيي | | المصدر: شبكة بني عبس

[محمد2009]

صح الله لسانك

[ميلاس]

‏ ‏
روعه تسلممممم ع الطرح
.