[بدر حيي]

بسم الله الرحمن الرحيم

حبيت اقدم لكم جميع قصائد الشاعر المبدع

(( الشاعراحمد سليمان الرشيدي))

وهذا الديوان مما يحتويه ارشيفي الخاص ...

ارجو لكم الاستمتاع وارجو ان يحوز علي ذائقتكم الشعريه ...


(( لا تسئليني ))

بيني وبين الجرح ماضي وعنوان
ولا تسئليني وش سبب سبت الجرح ...؟
ذكرى على طول الليالي والأزمان
تبقالي التاريخ والضرب والطرح
أعيشها صمت(ن) على كف الأحزان
وأعيدها حزن(ن) على طلت الفرح
ومافيه داعي نشرح أحوال ماكان
تتعبني الكلمه ويتعبني الشرح
ولا تسئليني وش ورى جرح الأنسان
خلي عزيز الجرح يضغط على الجرح


..!!( الماضي الحاضر )!!...

خذتني طواري حاضر الوقت للماضي
.............................ولقيت أعذب جروحك على القلب مازالت
بعد ما خذاك الحظ في حكمت القاضي
.......................................تذكرت عينك يومها بحزنها قالت
حروف الوداع بناظرك زادت أمراضي
.....................................وليال الرحيل بخطوة دروبنا مالت
تفاجأة في واقع حياتي مع أعراضي
.....................................تجنبت غلطه لاكن الصدمه أنهالت
خطاي أعترافي كنت بالحيل متغاضي
...........................عن أهداف ناس(ن) تصنع الهرج وأحتالت
خسرت الطموح وطاح حيلي بمركاضي
.................................وتهقويت لاكن مدري النفس وش نالت
بكيت بضمير(ن) جازف وصارع وخاضي
.................................وضحكت إبعيونن دمعها الزرق ماسالت
حبيبي ترى ماني على الوضع مغتاضي
.....................................معي عزم ماتهزه ظروفي ولو طالت
مليتك قصيد بدفتر(ن) من ردى فاضي
.................................ورسمتك حروفن من بقى عطرك أشتالت
أعيشك وأحبك في خيالي وأنا راضي
....................................لو ان العيون لزولك السمح ماخالت
تنفستك بحاضر حياتي كما الماضي
................................ولقيت أعذب جروحك على القلب مازالت

..!!( عرش المدينه )!!...

السموحه ياذخر من حدته غبرى سنينه
ما نويت أبعد ولاكن خلها تمشي عشاني
لو تقول ولو أقول الحق و أعذاري سمينه
والله إنها لو تجي فم غيرك علم ثاني
تجري رياح العواصف عكس شهواة السفينه
لين ربان السفينه ضاع عن بر الأماني
من يجاهد في سبيل السلم ياربي تعينه
تنصره ياناصر الأسلام في هذا الزماني
ماسعيت الا عشان أرضيك والدنيا نتينه
والبلا أني خنت غيرك لين فيك الظن خاني
يكفي أن همي كبير وصرخة جروحي دفينه
ماشكيت ومابكيت ولا كن اني حيل اعاني
اجبر التمويه لظروفي ولا اكشف اي بينه
واتضاهر بالسعاده والبلا بين المحاني
لو يبوح الصمت فيني يرتبش عرش المدينه
ولو يخص الوقت حالي كان ماعد الثواني
وأنت غالي لو طعنت القلب أو ودك تهينه
اطعن وهين الضمير إفداك دام العمر فاني
دمعتك تذبح وتجرح والبلا واكبر غبينه
شيء مايسوى دموعك ليه تبكيه العياني
اطلب آمر احمد سليمان من عينه لعينه
ينحني لك انحناء العبد لأسياد المكاني
والله انك تسوى من يجذب وفا قلبي حنينه
والله انك فوق ماتتصور أفكار المعاني
والله ان غيرك ترى ماله مثل مالك طبينه
انت عشقك عشق حد الموت فيه الله بلاني
لا تظن احمد نوى هالبعد بأنهم مالكينه
أن بعض الظن أثم ويجرح أحيانا كياني
وانت عارف كان هذا الراي ياويني ووينه
اتخذته بس قبله قلت لك هدي تراني
لين حد القلب جرح وصرت اول من يدينه
كيف يرضى شخص واعي قدم من يرأس يداني
والحقيقه ذا خطاكم ليه منتم خابرينه
عيدو الذكرى وشوفو وش سبب كانا وكاني
عقب ماكان الطعام الخبز من نفس العجينه
صار كلن له عجينه تضبط الخبز الأيراني
أيه ببعد ياعروقي عرقي الله لا يهينه
في شتاته مالقيت الا فقط جرح وبراني
جرح واحد والله انه طاغي وديني ودينه
مادريت انه وطاني لين ما أحسه وطاني
من يدين الصمت جبت الشعر يامصافح يدينه
مل قلبي ياوجودي يابري حالي او زواني
شاعرن حده خطا غيره ولا بيح كنينه
ماشكاه ومابكاه ولاكن انه قد يعاني
والسموحه ياذخر من حدته غبرى سنينه
لا تبالي انت غالي خلها تمشي عشاني

...!!( يــابــــــوي دامـكـ ولي الأمر من قـــدكـ )!!...

شكرا على إخلاصك وشكرا على جهدك
وشكرا على كل ماقلته وماقلته
أنت أعتبرني حسب ودك وماودك
يعني أنا شخص للعازات وكلته
لا يابعد من طلبته شيء ثم ردك
ولا يافدى اللي ليا من ضقت حصلته
أنا سدودك ليا من بحت من سدك
لو كشر الوقت نابه معك عدلته
يابوي دامك ولي الأمر من قدك
ثابت مكانك مناصيبه ومنزلته
أنت أول الناس لا قبلك ولا بعدك
لو كان غيرك على ماقيل جاملته !!
قطفت من حقل بستانك حلا وردك
بالشعر لين الشعر صغته وجملته
من بحر شعرك عبرت لجزرك ومدك
واليوم شفني طلعت الشاعر الفلته
لا لا تضايق مدام تشوفني عندك
ضلعن يضلل من ضلالك وضللته
وقارك الشيب وسنين العمر مجدك
وتواضعك هو شبابك لو تجاهلته
لا ياوجودي وجود يشابهه وجدك
وجدن لو اني مكانك ماتخيلته
بس أعتبرني حسب ودك وماودك
وماغيره الله على مبداي وكلته
أشكرك بخلاصك وعطفك وفي جهدك
لو أنك أعظم من اللي كل ماقلته

.. الحب بيدك هدمتيه ..

روحي على كيفك وأنا عنك با روح
دام أن ساس الحب بيدك هدمتيه
يكفيني أني بالهوى صرت مجروح
وأنتي سبايب جرح فيني رسمتيه
كنتي لي البسمه وصرتي لي النوح
وكنتي لي الحب الذي ما وفيتيه
وكنتي لي الشفقه وكنتي لي طموح
وكنت الحبيب الي بحبك ملكتيه
وأنا الذي في زلتك قلت مدموح
وأنا الذي مذخر بشين طلبتيه
خليت لك باب الثقه دوم مفتوح
لين أنهدم بنيان حب(ن) بنيتيه
من عقب ماكنتي من الروح للروح
اليوم ماكني حبيب(ن) عشقتيه
قصة غرامك عشتها صدق ومزوح
ماينسي حبك لو أنك نسيتيه
أخذي القصايد وآخر مصافق البوح
خلاص أبرحل منك لمعانق التيه
روحي بكيفك بس ( لو روحي تروح ) -- ؟!
ماني بناسي حب بيدك هدمتيه -- !!

..( علم اليقين )..

هذا أنا على رغم ماصار يا علم اليقين
.........................تبقى شموخي غصب عن كل البشر وإشموخها
ماهزني هرج القفى لو هز هالعالم ( خومين ) !!
...............................في قنبله ما رزت الرعيان عند شيوخها
يعني يميني وافيه لوقصرت دوني يمين
.............................والدوخه اللي تشرح الخاطر تجي وأدوخها
وألا أنت قلي وش بقالك بالضمير وباليدين
...........................وأعطيك كل اللي بقى من توتها أو خوخها
أما تعز النفس لا من جيت والخاطر حزين
...................................وألا ترى كل القواعد ينطلق صاروخها
حاول تخز الناس حتى تلتفت في نصف عين
.................................وتشوف صاحيها يشابه بالفعل مكموخها
شوف الغني من هيبة الدينار له جنبن متين
..................................يبني عمارات التجاره دون يبني كوخها
وشوف الفقير اللي كتم جور الليالي والسنين
...............................تطغى عليه إكبار صكات الزمن وفروخها
بعض الرجال تشوف له هيبه وبالشده يلين
..............................والبعض الآخر وين مالقى وجه مطنوخها
وترى الحظيظ اللي ترك لذات هالدنيا بدين
...............................ماغرته دنيا على ملبوسها ومفصوخها
ولا تحسبوني طحت كلي من كلام السافلين
............................والله أني ما أتزعزع من حكي مطبوخها
وأنا بعد من روس قومن لا أحتمى الموقف تبين
..............................لي عزوتن لا كشرت بقعى علي نافوخها
تاقف مثل وقفت جبل وتطعن مثل غزوة حنين
.........................من دون قاصر في جميع أهل البلد وشيوخها
أما أنا على رغم ماصار ياعلم اليقين
.............................تبقى شموخي غصب عن كل البشر وإشموخها

( الحاجه أم الأختراع ) ...

محتاج لك و ( الحاجه أم الأختراع ) ...
وأبخترع لي حاجتن تحتاجها ...
مادام هرجي في غموض الصمت ضاع ...
أبكتشف بيبانها وأدراجها ...
أن قلت لك في لهجت العاشق وداع ...
أخاف تركد بالبحور أمواجها ...
الضيق ماخلا على البال إتساع ...
مدخالها يشرح صعب مخراجها ...
يا أمراض جوف القلب يامسبب صداع ...
وياجروح عين اللي عشق وعلاجها ...
لا تجعل سنين الهوى فيني ضياع ...
دام أنت ضيقة خاطري وأفراجها ...
لا أحتجتني أجيك كلي بندفاع ...
من شان عينك بالغلا وأحراجها ...
محتاج لك والنار تنوي بندلاع ...
وسط الضمير المنتظر وهاجها ...
تبي الصراحه دون شك(ن) أو خداع ...
مافيه حاجه تخترع لحجاجها ...
الحاجه اللي مالها أم أختراع ...
تحتاج لك في حاجتن تحتاجها ...

...!!( الساعه ثمان )!!...

دقت الساعه ثمان وكل موعد له لقى ...
وأنت كنك ماحسبت حساب موعدك وسريت ... ؟؟
جيتلك كلي جروح ولا لقيت ألا الشقى ...
جيتلك مدري لقيت الحب وألا مالقيت ...؟.
دورت عيني حضورك بس قلبي مالقى ...
غير جرح(ن) من غيابك قاللي وشهو بغيت ...
وأرتبكت من الحضور الي على حالي إشفقى ...
وأستحت دمعة غرامك في عيوني وأستحيت ...
صاحبي ياأجمل وجودي في بيان وفي تقى ...
لا تدوس الجرح صدفه وأنت كنك مادريت ...
قوللي وشهو خذيت بواقعي وشهو بقى ...
ماأختفت لهفت غرامك ليه يوم أنت أختفيت ...

...!!( الهفــوات والنكــبـه )!!...

ياالله دخيلك من الهفوات والنكبه
مدام تالي الزمان أنقلبت الدعوى
يالواحد اللي تزيل الهم والكربه
تجعل مقامي مع أهل البر والتقوى
ماني بشاحذ بشر أو أطلبه طلبه
أموت ما أنخى وليد آدم ولا حوى
البارحه يالشتى والنار مشتبه
بين اللحم والعظم بالظبط من جوى
كم واحدن بالردى ذنبه على جنبه
يجاهر إبذنب مقرف مامعه فتوى
والرجل ماهو على الرزات والسكبه
الرجل هو من مسك نفسه وماتهوى
واللي فعل معصيه ماخاف من ربه
بكره يعرف أن حيل الله هو الأقوى
منهو يخاف الظلام ويكسر اللمبه
ما يلحق الشمس شرهاته ولا شكوى
لو جيتني تعتذر بقول وش عقبه
البلوى أنك صديق وجبت لي بلوى
المشكله ماهي أحبه وما أحبه
المشكله طيبتي مع ناس ماتسوى

غـفـلـت بـشـر

الـوقت غـفـلـت بـشـر والـحـب شـرهـت سـؤال

والـدرب بـيـنـي وبـيـن الـنـفـس عـمـره طـويــل

والـجـرح صـحـوت آلـم والـحـلـم صـعـب الـمـنـال

والـلـيـل شـمـعـه طـفـت والـحـظ رجـلن بـخـيـل

أعـيـش فـي عـتـمـت الـواقـع غـمـوض الـخـيال

بـيـن الـطـمـوح الـذي فـي واقـعـي مـسـتـحـيـل

وبـيـنـي وبـيـن الـسـكـوت الـي غـمـرنـي جـدال

مـنـيـه ألد الـنـضـر مـنـيـه عـيـنـي تـخـيــــــــــل

تـعـبـت أجـامـل شـعـور الـحـب فـي كـل حــــال

وتـعـبـت أشـيـل الـهـوى أرجـع واحـطـه وأشـيـل

مـابـيـن لـحـضـت وداع وبـيـن هـمـسـت تــعــال

مـاتـت مـشـاعـر هـوانــه مـثـل مـوت الـنــخــيــل

الـصـمـت فـيـهـا طـغـى والـهـرج مـالـه مــجــال

ونـفـس الـشـعـور الـذي مـعـهـا عـلـيــه يـحــيـل

وداع يــــاخـــطــوتـن تــاهــت بـــوسـط الـلـيــال

وسـلام يـاخـطـوتـن تـجـبـر عـــلــي الــرحــيـــل

رضـيـت فـي واقــعـن حــطــم حـدود الـــخــيـال

وغـسـلت في دمـعـتـي قـصـت غـرامـن جمـيـل

يـاوقـت غـفـلـت بـشـر ؟؟ ويـاحب شرهت سـؤال ؟؟

ويـاجـرح بـيـنـي وبـيـن الـنـفـس عـمـرك طـويــل ؟؟

جندي وأساويلي شهاده ودبلوم

كلن تخرج في شهاده ودبلوم ~
.................................................. .....وأنا إمتخرج من جنود المعسكر ~
حظي خذلني بس لاشك مقسوم ~
.................................................. .......ولاهي غريبه لو مزاجي تعكر ~
يا لهفت الماضي ويا زحمت اليوم ~
.................................................. .......كم باب في وجهي تردى وسكر ~
كم لي أعدل بالتفاكير وأقوم ~
.................................................. .......ولا فادني فكري لو العقل فكر ~
وحتى الحبيب الي معي دايم الدوم ~
.................................................. .................اليوم كنه في غرامي تنكر ~
من فوق هذا صامد وعندي عزوم ~
.................................................. .........وأبطلب الله وأحمده وأتشكر ~
المستحيل أطيح وأقول مهزوم ~
.................................................. ...لو كل باب(ن) في طريقي تسكر ~
جندي وأساويلي شهاده ودبلوم ~
.................................................. ...........وأبفتخر بجنود كل المعسكر ~

(بعاتبك حيث العتب يبري الحال
)

بعاتبك حيث العتب يبري الحال
.............................................لو كنت ماتسوى مبادي عتابي
عبرت لعيونك طويلات الأميال
..............................................خطاي شفته فيك أكبر صوابي
بحر الجفى غدار ومواصلك جال
.................................................وأبغتم وياك فرصت شبابي
يلي بنيتك حلم وطموح وأمال
.............................................كيف أدفنك ذكرة أسى في ترابي
أنتي ولا يوجد مثل حجمك امثال
............................................في ضامري سالب حنانك أيجابي
لو تعرفين أنك على قلب رجال
................................................أكبر عذابه منك أجمل عذابي
ماترحم الدنيا حزن دمع الأطفال
..............................................وشلون ترحم دمعتك في غيابي
جيتك وباقي بالغلا كثر مازال
.............................................ماجيت ألمح فيك مصدر إعجابي
لا والله ألا جيت والشوق همال
.............................................لين أرتوت صحرى رمالك سحابي
لكن حظي مال يوم الدهر مال
............................................ومالي حسايف لو غرامك غدابي
بس أعرفي أني أنا عال علعال
..................................................ماتنحني عزه لو الحظ خابي
ماحكاية ضبط بالشعر وإرسال
..............................................لا والله أعذب مفرده في كتابي
رسمتها لجلك من ألوان وأشكال
..................................................تشرح معاني غربتي وأغترابي
بس أفهميها قد ماتفهمي الحال
............................................دامك صوابي والخطى في صوابي
لو شرهتي تزعج لها جرح قتال
...............................................لا تسمعين اللي بقى من عتابي

(لا تهوجــــس )

لا تهوجــــس مــــــا أبـــي غــــيرك ولا ودي بــثـانـــي
ولا تــشـــك بــقـدر حــبـك لعنبو حـــزة هجوسك
لو سألت وقلت يا ( أحمد ) وين هي نقطة مكاني ؟؟
قلت لك وأنا صريح القلب ( وضعية جلوسك ) !!
ولــو زعـلت وصــرت أنــا مـخـطــي عـليك وشبه جــــاني ؟؟
أتــعـذر وأن رضيت أمسح على خــدك ( وأبــوســك )

لــنــك " أجــمـل " مــارأت" عــيـناي" في هذا الزماني

ولنك " أول " من جعل " ممشاي " من قوسك لقوسك
أســتـريـح وهــد نـفــسـك بـــرســـمــك رســم الــبـيانــي
فـي قـصـــيـــدة وأعــتـبرهـا جــزء دفـــتـر مـن دروســـك
شـــاعــــــرك لــمـا يــغــنـي فــــيــك يــــالـــيـل ويـــــــــدانـــي
مـــن جــنـونــــه ينضـمـك في بـيت والـثـاني يحـــوسك
وأن تـــغـزل يــالـوســاع وجـاب مــاكـــانا وكــــانــي
يبتسم ليلك شمـــوع وتصبح القـمــرى عـروسك
يعني عيونك بحر !! وشفاك شاطئ للأماني !!
كــم غـــرقت وحــد قـلبي للشواطئ حـد موسك
لأنحــنى راســك حـيا وأصبحــت مـن وقـتك تـــعاني ؟؟
لا ( تبالي ) فأعتبرني رأس صامد من رؤوسك
بس لا تسأل عن الماضي ترى ( جرح وكواني )
كم سألت ؟؟ وقلت مدري !! ورحت لاكن في نكوسك
تــرجع وتسأل وأنــا لا جــيت أبــكشـف عــن كــياني ؟؟
ردني صمتي أخاف الجرح لا قلته ( يدوسك )
ثــــق تمـامـاً يـالــوحـيــد الـلي ربى بــين المــحـــانـي
أنك لحـــــالك دخـــلت القلب وأرتــاح لجــلوسك

ووالله أني ما أبي غـــيرك ولا أفــكـر بـثــانـــــي
قد حلفت بقدر حبك لعنبو حزة هجوسك !!

..( وســـلامتكــــــم )..

تحياتي بدر حيي

الموضوع الأصلي: ديوان الشاعراحمد سليمان الرشيدي... | | الكاتب: بدر حيي | | المصدر: شبكة بني عبس

[هـآوي]

صح السسسسسسسسانك ولسان شاعرها بصراحه ديوان رائع ويستاهل التثبيت