[سلووم]

مساء الخيـــــــــــــــــــــر على الجميع بمنتدانا الغالي ويسعدني طرح هذه القصيدة بالددسن القديمة موديل 79 اللون ابيض اللووحة أسر 8888 تغزلت بها وعاتبتها بصراحة فتجر صمت لم أحسب له حساب فبدأت



ياددسني جرتي علي والزمن جار && صبرك علي ياماتزين الليالي .

لاتطلبين أغيار الأسعار بالنار && ولا أنتي كفو للي جديد وغالي .

حسابي غدى باسباب تصليحك أصفار &&وراح المعاش لجامعين الريالي .

أدري كبيرة سن وأوجاعك إكثار && والخافي أعظم من كثير بدالي .

تمشين بالصحراء ولا مع القار &&لك قرقشة لك لعلعة وإرتعاشي .

الناس تفرح بالرعد قبل الأمطار && ومنك أتضايق لي لمحت الخيالي .

وكم مرة ظنيت ماأرجع إلى الدار && لولا النشاما مولمين الحبالي .

لابد من يوم نبدل بفكس آر && وأنتي بعد تلقين مفلس بدالي .

ولايقبلك غيري وعلام الأسرار && ياكون شخص حالته مثل حالي .

(((((((((((((((وسلامتكم بس وقفت ورددت لي الددسن وقالت :)))))))))))))))))

لا ياأسير بسواقتك ذقت الأمرار &&جرجرتني مابين طامن وعالي .

رجلك على الصاجة تقول رأس مسمار &&وحملتني شي يفوق أحتمالي .

مكينتي ورديتري ولعن نار && تبخل علينا بالقراح الزلالي .

كأنك تخيل حضرتك صرت طيار &&تفحط بنا ياأسير فوق الخيالي .

كسرتني تطمر بي أشجار وأحجار && وتنصى الشعيب اللي غزير وهيالي .

ماتستفيد إلا المطبات وغبار && ومحاسب الورشة بوقت العطالي .

أنا الوفية لو حكى كل ثرثار &&ولا كامل إلا وجه راعي الكمالي .

ماتشتري غيري وعلام الأسرار && إلا تخلي حالته مثل حالي .

((وسلامتك تقوله العراؤؤي قلت بالطلاق جاك طلبك وفصلي وانا البس ومستحيل اتنازل عنك لو بملايين وغيرت لها زيت وإطارات وغسلتها والحين واقفة لا احد يقرب منها بتاتا وهي حاضرة وصاحبها للطيبين أتمنى أن تحوووز على رضاكم وأستحسانكم ولا أحد يضحك أوكي ههههههههاي واللي تعجبه وضحك بشرط يقييم أنتظر مشاركاتكم حبايبي وأعدكم بالجديد والرايع من على الدركسوون للعراؤي
المصدر
وهي للشاعر عبدالمحسن حمود الضبعان
وانشدها منشد العرب المنشد حامد الضبعان في ألبومه حورنيات الأول

الموضوع الأصلي: رعي ددسن 79 عتاب مع معشوقته | | الكاتب: سلووم | | المصدر: شبكة بني عبس

[الكريمه]

الله الله
صح السانك القصيده جداااااااا رووووووووووعه
مشكوووووور والله يعطيك الف عافيه

[سلووم]

الله يعفيكــــــــــ

كلك
الذواق

تشترين 79
تره تراثــــــ
ههههههههههه
يسلموووووووو\
ع مروركــــــــــ

[سالم الرشيدي]

صح لســان شــاعرها
وتسلم يمينك يالغ ـلأأ
قصيده رااائعه وتشكر عليها

[سلووم]

اقتباس من مشاركة سالم الرشيدي صح لســان شــاعرها وتسلم يمينك يالغ ـلأأ قصيده رااائعه وتشكر عليها

يهلاءءءءءءءءء
ويمسهلاءءءءءءءءءءءءءء
فيكـــــــــــــــــــــ
يسالم يسلمووووووووووووو
ع مروركـــــــــ

[ساره الرشيدي]

الله روعه الله على الددسن
يعطيك العاافيه لاهنت
؟*****
ددسنى ياددسنى ماعليك من الجيوب ... الشبح والشاص والجمس خليهن وراك
مع فيافي نجد هفى وتلقين الدروب ... بارك الله فيك ياددسن وبارك الله بمن شراك
الغماره والبدى كنهن بيت محجوب.. تعجبين دريولك لامنه نخاك
واردى وابن الردى لويحطون العيوب ..عن سواليف الردى محتمن وجهك قفاك
كم وكم وكم وكم هب للددسن هبوب ..رائعه يمالجماايل نسى الله من نساك
الشااعره
ام نايف الرشيدي

[سلووم]

اقتباس من مشاركة ساره الرشيدي الله روعه الله على الددسن يعطيك العاافيه لاهنت ؟***** ددسنى ياددسنى ماعليك من الجيوب ... الشبح والشاص والجمس خليهن وراك مع فيافي نجد هفى وتلقين الدروب ... بارك الله فيك ياددسن وبارك الله بمن شراك الغماره والبدى كنهن بيت محجوب.. تعجبين دريولك لامنه نخاك واردى وابن الردى لويحطون العيوب ..عن سواليف الردى محتمن وجهك قفاك كم وكم وكم وكم هب للددسن هبوب ..رائعه يمالجماايل نسى الله من نساك الشااعره ام نايف الرشيدي

صح الله صح الله السان
ام نايفـــــــــــ
ددسنى ياددسنى ماعليك من الجيوب ... الشبح والشاص والجمس خليهن وراك

كفوووووووووووو يددسن رضعه مع البرش
هههههههههههههههههههههه
تسلمينـــــــــــــــــــ
ساره الاهنتي ع مروركــــــــــــ
الرائعـــــــــــــــــــ

[مشعل الخياري]

الله الله صح لسانك ولا قصرت فيك