[رشيدي وكلي فخر]

«شموخ العز»

لشاعر الكبير ...

عبدالله مبارك الردعان

«بني رشيد»

قصيدتي الاسبوع الماضي «شموخ العز» كانت اجابة عن سؤال لأحد القراء الكرام وكانت الاجابة والحمدلله شافية وكافية واثلجت صدره على حسب قوله.

وانا لست من دعاة «العنصرية» سواء عنصرية القبيلة.. الحزب.. المذهب وغيرها، بل احد الدعاة الى الوحدة الوطنية وعدم الخروج عن طاعة ولي الامر حاكم البلاد حفظه الله، كما كنا وما زلنا على العهد باقين.

ولكن لا يجوز التلاعب والطعن بتاريخ الانساب حسب اهواء المتطفلين والافاكين!!

وقد انهالت الردود الطيبة وغير المسبوقة بالعدد والحماس من المتابعين من كل الاتجاهات وهذا دليل على المحبة والتواصل بيننا ايها الاحباب وشكرا من القلب.

ومن ضمن الردود قصيدة الشاعر المعروف والمبدع سعود العبدلي المطيري وهو احد رموز شعر المحاورة (القلطة) واشكره جزيل الشكر نيابة عن «رشايدة عبس».

وسوف انشر القصيدة الرائعة والرد عليها واكتفي بهذه القصيدة وليعذرني الجميع.

***

سُولِفْ يا عبْدالله ترى ما بها عيب

في مُوقفٍ قَدِكْ وشرْواك قدّه

الحقْ حقْ ويبْعد الشكْ والريب

والظلْم ظِلْمه فالْوجيه المصدّه

«يا عَبسْ» ما فيكم عيوب وعذاريب

المرْجله في روسكم مِسْتعده

«بني رشيد» امْكملين المواجيب

حريبهُم يَمْشي على غير وده

نَخْوه وجيره والمخاوا على طيب

مَخوةٍ ما هي مخاواة جدّه

الْيا اسْألوا منْهم «خيار الاصاحيب»

هذا السؤال الكل يَعْرف مرده

«بني رشيد» امْكثرين التراحيب

خويّهم فالْوجه ما عَنْه صده

على الشرفْ ضيفان ولا معازيب

يفْداهم اللي لازمه ما يسده

اقولها وانا مضالي تجاريب

جيت الشمال وجيت مكه وجِده

عشْت الحياة وشِفِتْ فيها الاعاجيب

وما واجه الرجّال لازم يعده

* شعر: سعود العبدلي المطيري

***

لاهنتْ يا ذيبٍ بروس المراقيب

له في دروب الطيب هدّه ورده

ما فيه رجلٍ حي سميته «الذيب»

إلا انْت فِعْلك منْطق الحق حده

يا العبدلي للنّاس «حقْ» ومطاليب

ودي تجي «بالمعرفه» والموَده

ما هي بقوةْ حيل ضَرْب المشاعيب

الجهْل سَلْم ابْليس ملعون جدّه

اقْسم برب الكون علاّم بالغيب

«بيت الْجهل» منْ فوق راسه نهده

النّاس هذي تخْطي الرمي وتْصيب

منْ صاب يلْقى راحِتَه بالمْخده

بالراس يطْلع شيب ونْكافح الشيب

ولْيا ارْتَخا حبل الحقايق نشده

«الشكْ زايل» ما تِهِمْ الاكاذيب

لدْ النظر بالعين للنور لدّه

ما جَنِبَتْ ربْعك عن الزود تَجْنيب

مثْل البحر يصْفق على الجال مده

«لمْطير» في قلبي معزّه وتوْجيب

مشْكور يا اللي بيّح الحق سده

شعر: عبدالله مبارك الردعان

تاريخ النشر 15/11/2009

الموضوع الأصلي: الشاعر : عبدالله الردعان .. " بني رشيد " | | الكاتب: رشيدي وكلي فخر | | المصدر: شبكة بني عبس

[عبس نسل الاحرار]

لاهت يا اخوي على النقل الرائع

وليس غريب على شاعر الاحداث عبدالله الردعان هذا الابداع

وعبدالله رمز من رموز الشعر في الخليج

كتب فابدع لله دره

وصح لسان شاعر المحاورة الخطير سعود العبدلي ولاهي غريبه على مطير

وتقبل تحياتي

[كاتب الرشيدي]

لاهنت على النقل

ولي عوده

[SaRoOnA]

صح لسانه ..

: )

قواك الله رشيدي ع النقل

اختيار موفق

[شداد المظيبري]

صح لسانهـ
يعطيك العافية رسيدي ع الاختيار الرائع

[عدنان]

صح السانك

رااائع
يعطيك العااااافية

تقبل مروري

[ابوفادي]

مشكوووووور والله يعطيك الف عافيه