[ولد الجزيرة]

نفضت الناس عن وجهي وطاحو اقنعه وغبار
يصوغ الهم في جوفي قصايد حبرها من نار ~ !!

ورقها من جروحي والقوافي حبري المنثور
بسبتها لبست الليل ستره والنجوم ازرار ~ !!

وعفت الصبح من دونك ولو فيه الضيا والنور
وأنا من حشمتك ساكن وقاضب داخلي اعصار ~ !!

أذوق الويل من جرحي وقلبي بالوجع مهمور
اساير جرحي الخافي وظلمة وقتنا الغدار ~ !!

وأشيل الحلم في كفي وابذر للفرح ببذور
عسى باكر غروس الحب تنهي وحشة المشوار ~ !!

تنسيني جروح الوقت وتجبر خاطري المكسور
واشوف الجرح يا هيفا على رف الزمن تذكار ~ !!

وتاخذني صباحاتك على وجه الامل مسرور
وأنا لولا الامل يزرع بساتيني شذى وأزهار ~ !!

تذوبني ليالي الضيم في كاس الردى والزور
نفضت الناس عن وجهي وطاحو اقنعه وغبار ~ !!

عرفت ان ابتسامات البشر مهما صفت ديكور
اغيبهم عن ايامي ولو بأجسادهم حضار ~ !!

واعيشك داخلي بسمه ولا يبقى لغيرك دور
تعالي واسكني عيني وأبرسل هاجسي اشعار ~ !!

وأصوغ الهم في ليلي واردد يا صباح النور ~ !!

الموضوع الأصلي: عرفت ان ابتسامات البشر مهما صفت ديــــــكور | | الكاتب: ولد الجزيرة | | المصدر: شبكة بني عبس

[• طہَإلً انتہَظہَ‘ـٍَ_ـاريَ•]

رووووووووووووووووعة
مشكور
دايم متميز
تقبل مروري