[المشعل]

قبل الرحيل وقبل تبعـد مطايـاك
بالله قلـي قبـل تقفـي ركـابـك

اللقاك ولا يفنـي العمـر ملقـاك
واشلون اعالج في غيابك صوابـك

وش ذنب مخلوق يحبك ويهـواك
حبك ودمـه بالوريـد امـتشابـك

ياليتني طفلن معك يتبـع اخظـاك
عمره سنه وأول طفل في شبابـك

اذا بكا تمسـح دموعـه بيمنـاك
وابعد مشاويـره جـدارك وبابـك

ولا بليد احساس يدلـه وينسـاك
يومين والثالـث سلـى مادرابـك

المشكلـه عطانـي الله واعطـاك
غيري وانا اعطاني شقاك اوعذابك

وانت البعيد وداخل اجفاني اللقـاك
طيفن يجيبك لي وطيفـن سرابـك

ليه الزمان الشيـن جابـك وداك
اوهمني بقربـك وعنـي غدابـك

امطرسحاب البين قربك وفرقـاك
ينهـل غديرالهـم قلـب ابتلابـك

البارحه بالحلـم جانـي محيـاك
ياليت حلـم اليـل ماكـان جابـك

فزيت انادي باعرف وين دنيـاك
وش قصة الفرقى وسر اغترابـك

صحيت في ليل غشاني وغطـاك
وسط الضـلام ولاترابـي ترابـك

الله يعين الصبر لاشفـت ذكـراك
اذا قريت بصبر شطـر بخطابـك

مدري انا وإلا الصبر مـل فرقـاك
ولا الجميـع أثـر عليـهم غيابـك

للشاعر محمد الفوير .

الموضوع الأصلي: قبل الرحيل للشاعر محمد الفوير .. | | الكاتب: المشعل | | المصدر: شبكة بني عبس

[العووضي]

قصيده رائعه تستحق القراءه اكثر من مره اشكرك اخي المشعل علي علو ذوقك واختيارك

[المشعل]

اقتباس من مشاركة العووضي قصيده رائعه تستحق القراءه اكثر من مره اشكرك اخي المشعل علي علو ذوقك واختيارك

هلا وغلا شاعرنا العوضي

الله لايهينك على المرور الرائع والجميل

تحياتي لك

[المميز]

قصيده رائعه
ومو غريبه من الشاعر محمد الفوير
وشكرآآآآ على نقلك اخوي المشعل انت قمه الذوق

[ناصر الخياري]

صح لسان ابو جهاااد روعه ..
محمد شاعر بحر بس مايحب الاعلام .
لاهنت تسلم يالمشعل...

[• طہَإلً انتہَظہَ‘ـٍَ_ـاريَ•]

قصيده رائعه تستحق القراءه

اكثر من مره اشكرك اخي المشعل
تقبل مروري