ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
قالت بدو للشاعر طلال السعيد
وقالت بدو
وصدت وقالتها بقرف بنت الأكابر والترف متكبره .. متعاليه يعني بدوي يقعد طرف !! قالت بدو والمعنى دون المستوى ماحنا وياها سوى احنّا بنظرها من نكون ؟ ريشة يطيرها الهوى مفهومهما حنّا عدد رقم ولا أكثر بعد يعني مجرد تكملة ولا فهي أصل البلد قالت بدو تعني صفر على الشمال هذا على أحسن احتمال تصدر حكم ، ما تلتفت تحكم ولا تترك مجال قالت بدو متصورتني باستحي وأترك مكاني وانتحي وتفاجئت ، تغيرت ، تلعثمت ما تدري أني بافتخر ولي الفخر !! حنّا بدو حنّا عمى عين العدو حنّا البداوة وضعنا وأهل الوفا هم ربعنا حنّا نتفاخر بأصلنا يا بنت هذا طبعنا ماهي بداوة تلفزيون ولا مسلسل أردني بس بدوي بالميكرفون ولا هد سيفه ينثني ولا بدو بيت السدو حنا البدو حنا بداوتنا الأصل بالقمة حنّا مو أقل حنّا بداوتنا تراث من جيل لي جيل انتقل حنا معاني ساميه نروي السيوف الضامية نرد المنايا ما نهاب لو هي سعاير حاميه حنّا بدو حنّا البداوة عيدنا ما ناكل إلا صيدنا ما نعيش عالة مجتمع نموت .. ما نمد أيدنا حنّا البدو حنّا البداوة بدمنّا ما نسمي أحدٍ عمنّا حتى ولو منهو يكون لو هو زعل ما همنّا حنّا بدو حنّا البداوة عمرنا ماحد بيصبر صبرنا لأنها مصنع للرجال نمشي وتمشي بأمرنا حنّا البدو حنّا البداوة أصلنا حنّا البداوة فصلنا حنّا بدو متماسكين وهذي نتيجة وصلنا يا بنت ياللي تضحكين قلتي : ابدوي تستهزئين؟ غرج لباسج الأجنبي والمشكلة ما تعرفين أن البدو أصل العرب تبغين هالكلمة طرب صارت نشب يا آنسة يا عانسة يا ضايعة ومستانسة يا تارسة وجهج صبغ يا تارسة عينج شدو حنّا البدو ولو كان قلتيها بقرف لنا الشرف أنّا بدو حنّا بدو حنّا بداوتنا شيم دين وقيّم معنى كبير ما أظن مثلك يعرفه لو تدعين المعرفه شي عسير ما أظن مثلك ياصله صعبه ولاهي حاصله كلمة بدو !! تعني التمسك بالجذور ماهو التخلف والجهل ولا بعد حب الظهور ولا التنكر للأهل كلمة بدو تعني الشمم فعل وكرم مبدأ حضارات الأمم حنّا القمم نارٍ على راس العلم يشهد لنا سيف وقلم وإن كان ما عندك خبر لنا الفخر لو عشنا ببيوتٍ شعر .. عيشة ألم .. عيشة فقر .. عيشة تعلمنا الصبر ما نقترض لجل السفر ونحسّب أيام السفر ما نفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنة رمل هي الدوا واهي العلاج عيشة رضا ماهي نكد !! ما فيها تعقيد أبد ساعات ما نلقى ذرا يكفي نتلحف بالنجوم وفراشنا رمل الثرى وسراجنا نور القمر لا من ظهر وننام من عقب العشا ونصحى قبل وقت الفجر نؤمن بقضانا والقدر ماهو كسل ولا نعيش بلا أمل نملك طموح علم وأمل ونرعى الإبل ونرعى الغنم ونعزف من الونه نغم ونتابع أخبار المطر وندوّر الروض الخَضَر ونسري ورا برقٍ سرى ولا نتراجع للورى ونبحث عن المرعى العشيب ومن شعيب إلى شعيب ما نستقر عنواننا كل الديار تجوالنا ليل ونهار نعيش عيشه هاديه وهذي حياة الباديه سنة الربيع ، سنة دهر ورغم الفقر نخاف من قولة أفا ونتعب على قولة نِعِم ونعيش عاليين الهمم من فضل ربي ما نخون نرعى الذمم ونركض ونتعب ما نمل ماحنا مثلك لا شغل ولا عمل ما غير بس أكلٍ ونوم ومن الشحم ضاقت عباتج والهدوم يا أسمن أنواع الحريم يا عايشه على الريجيم يا آنسة يا عانسة يا ضايعة ومستانسة يا تارسة وجهك صبغ يا تارسة عينج شدو حنّا البدو ولو كان قلتيها بقرف لنا الشرف أنّا بدو ياللي تقولين ابدوي أنا ابدوي ولي الفخر أني ابدوي عزمي قوي ما أخون ما أبوق الخوي يبدأ نهاري بالصلاة وأصارع أمواج الحياة ما ضاقت الدنيا أبد ولاني من أصحاب الحسد أرفع ايديني للسما وأطلب من الله واستخير ما اقول يمكن ربما ولا يصير .. أو ما يصير محافظ على الخمس الفروض واضح ولا أحب الغموض ولا أتلون والتوي لاني ابدوي متمسك بأصالتي ولا أغير لهجتي أنا ابدوي في فزعتي وفي قومتي وبقعدتي وفي مشيتي وفجلستي وفي كلمتي وبنخوتي وحتى عقالي ولبستي ولو قلتي عني فوضوي ما ضرني بالحيل يا بنت ابدوي ويسرني أعرف .. من أنتي ؟ ومن أنا ؟ والفرق واضح بيننا تدرين وأدري من أكون ؟ ويكفينا نعرف بعضنا أنتي مثل عمر الزهور مالك عمر مالك سنين شهرين ويجيك الجفاف وتذبلين وتصبح ألوانج باهتة وأنا جذوري ثابته ماخذ من الصحرا الهدو وإن كان هذا يسعدج حطي على راسك يدج هالمرة لا قلتي بدو يا تارسه وجهك صبغ يا آنسة يا عانسة يا ضايعة ومستانسة يا تارسة وجهك صبغ يا تارسة عينك شدو حنّا البدو ولو كان قلتيها بقرف لنا الشرف أنّا بدو طلال السعيد مما راق لي
|
|
مشكووووووووووووورة ريووووووووووم عالنقــــــــل
وهاذا الرابــــــــــــــــــــــــــــط للقصيــــــــــدهـ |
|
|
|
|
|
|
مشكووور اختي الغريبه على مرورك العطر ويعطيكي العافيه على الفديو
مشكور اخوي العريض واوي مروان الرشيدي على المرور الي نور صفحتي اخوي عذب المشاعر شاكره لك رايك و نقدك على واسفه كان وجودي يسبب مشكله واسعدني تواجدكم |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الشاعر الكبير : طلال السعيد قصيده في قبيلة الرشايده | الاسطوره | منتدى الشـــعــــر | 4 | 15-05-2014 10:24 PM |
| قالت افراق وقلت وش جاب طاريه.....قالت ظروفي وقلت اصعب ظروفي | رسام | منتدى الشـــعــــر | 15 | 23-05-2011 09:27 AM |
| الشاعر طلال عثمان السعيد | هديان الرشيدي | منتدى الشـــعــــر | 8 | 03-07-2009 03:33 PM |
| للشاعر /المرحوم سعيد السعدي | الاجهر | منتدى الشـــعــــر | 3 | 13-04-2009 09:55 PM |
| حال حريمنا فى السياسه قصيده جميله للمبدع طلال السعيد | فتى عبس المصرى | منتدى الشـــعــــر | 2 | 30-10-2008 03:26 PM |
الساعة الآن +4: 03:04 AM.
جميع الحقوق محفوظة شبكة بني عبس
