[مرشدالمظيبري]

السلاام عليكم

نقلت لكم هالمحااورة من القاف الثقيل

اتمنى تعجبكم

جرت هذه المحاورة يوم الثلاثاء
الموافق 23/6/1425هـ بقصر الروابي بجدة

حبيب العازمي

سلامي سلام مسيرٍ يطرق الباب=على ساير العربان ماهو بغادي
أنا ياكبار سليم للحق طلاب=أنادي ولا ادري من يجيب المنادي

عبدالله بن عتقان

هلا مرحبا ياضيف مليون ترحاب= على سنة الأسلام والجو هادي
تنادي يأبو فيصل بدون أية أسباب= تراها مواقف بالسيوف الحدادي

حبيب العازمي

نعد الليالي مالها عد وحساب=وبين البحر والضلع تسعين وادي
تشوف النجوم وتحسب إن القمر غاب= وأنا أعرف هبوبك حر وألا برادي

عبدالله بن عتقان

ليا سلمت اللحيه وسلمن الأشناب=لا تسمع لنشره عابره فالروادي
يجوز إن به ناسٍ يثيرون الأرهاب= يبون النصر يقضي على الإتحادي

حبيب العازمي

يازين المروه لو على قطع الأرقاب=وراع المطيه محتفظ بالشدادي
أنا مارتفع ضغطي على حرق الأعصاب= أعرف المنافق والكذوب الربادي

عبدالله بن عتقان

وأنا مأعتبرت الرجل مخطي ولا صاب=ياليت أعتقادك يتفق بعتقادي
تعجلت يالروقي بتاريخ الأنساب= وأنا حاسب إنك بالحياة أقتصادي

حبيب العازمي

باديمزال القلوب إنظاف والنور جذاب= أبمزح معك واللي حصل شي عادي
يقولون قلع الضرس يثر على الناب=وأنا أقول قلع الضرس مفروض

عبدالله بن عتقان

أنا معك فالوقفه بسيفٍ ومشعاب=ولا أمزح معك لو كنت غاية مرادي
قلعنا الضروس وهونت كل الأحزاب= وهالحين مافيها عناد وجهادي

حبيب العازمي

على طاري المشعاب والرمح وذياب=مشاعيبكم كثرت سواة الجرادي
إذا ماهداك الله ترى فيك مضراب=وهات الفتيله عند خشم الزنادي

عبدالله بن عتقان

مشاعيبنا فالروس سوت لها أعجاب= وخلتك تهرب من عشيرة وغادي
وياكم من هرجة عطت كل مجناب= ولا دنست قوم الثياب الجدادي

وسلااامتكم

الموضوع الأصلي: حبيب العازمي وعبدالله عتقان وقاف من الوزن الثقيل | | الكاتب: مرشدالمظيبري | | المصدر: شبكة بني عبس

[يوسف الصامل]

مشكوراخوي على النقل

[الساري العجلان]

مشكور مرشد المظيبري على هالمحاوره الرايعه

[مرشدالمظيبري]

يعطيكم العافية على المرور

[هاوي شعر]

مشكور على نقل المحاوره

[مرشدالمظيبري]

يعطيك العافية على المرور