[المر العذب]

يا ولي العاقبه عفوك وسترك=جل شانك يا عليم بكل خافي
مايمل القلب من حمدك وشكرك=ولايذل اللي زبنك ولا يخافي
يا زعيم جنود زايد سم وامرك=من غلا طاريك لبينا خفافي
وامسيه في دبي ابهى ضي وابرك=ما يخيب اللي لدار الجود لافي
دار ابن مكتوم بل الغيث صدرك=من رشايش ودقن ذر رعافي
شيخ يا اللي ساطع بالمجد ذكرك=بالقلوب وبالعيون وبالاشافي
باتنقى من علو الشعر واترك=كل معنى عن سمو النفس هافي
القصايد ريعت لظلال قصرك=وظل قصرك يا وريث الجاه ضافي
المدايح شيمتك والشعر شعرك=ماعلينا غير ترتيب القوافي
خط لا شلت يدك باليم سطرك=بيت شعر عن جميع الشعر كافي
من سمعهن في حروفه زين يدرك=فكرة المبدع وهو مات السنافي
زدت من شان القصايد زاد قدرك=عشت يا ستر العريبات العفافي
شامخ "برج العرب" من طول شبرك=ما يدنق للطمان الا الضعافي
واهب لدبي عمرك طول عمرك=وطول عمرك يا طويل العمر وافي

مساعد الرشيدي

الموضوع الأصلي: برج العرب.. | | الكاتب: المر العذب | | المصدر: شبكة بني عبس

[نــوآف الــعــويــمــري]

عاش الزعيم ابو فيصل الله يحفظه
ابداع مستمر جعله ذخر للامه العربيه
والاسلاميه

الزعيم وبس

[ابراهيم المدينه]

عاش الزعيم ابوفيصل
تسلم اخوي
تحيااااااااااااااتي

[المر العذب]

اقتباس من مشاركة أبوسارة عاش الزعيم ابو فيصل الله يحفظه ابداع مستمر جعله ذخر للامه العربيه والاسلاميه الزعيم وبس

طيب وبعدين..

واللي نقل؟وش صار عليه..؟

[المر العذب]

اقتباس من مشاركة ابراهيم المدينه عاش الزعيم ابوفيصل تسلم اخوي تحيااااااااااااااتي

وأنت تسلم يا أبراهيم

[مناورالعويمري]

عاش الزعيم ابو فيصل الله يحفظه
ابداع مستمر جعله ذخر للامه العربيه
والاسلاميه

الزعيم وبس

[المر العذب]

اقتباس من مشاركة مناورالعويمري عاش الزعيم ابو فيصل الله يحفظه ابداع مستمر جعله ذخر للامه العربيه والاسلاميه الزعيم وبس

طيب عبرو اللي نقل ياجماعة..

[العالم الفلكي]

صح السان شاعرها

وتسلم يدين ناقلها