[عيسى العرعري]

السلام عليكم

ومساء الخير جميعا

قبل لانطب بالموضوع الأسري

عندي تنويه هام

من كثر ماادخل قسم المشاكل اللي بالاسره ..لاحظت انه مافيه شي اسمه خصوصية عندنا .. يعني واحد من المواضيع احلف اني لو القى زوجها بمكان عام غير اعرفه .. ويمكن اقول له " ياخااااين ياغدااار طيب العيال وش ذنبهم "

.. ماشالله عليها ماخلت شي ماوضحته لنا .. عمره وظيفته اخر دروة التحق فيها اسم امه ووين يسهر واسماء اخوياه .. يعني باقي شوي وتحط كروكي البيت صورة مرفقة بالموضوع وتقول حياكم الله على قل الكلافه . فياليت نمسك اعصابنا شوي اذا حبينا نفضفض ونسوي متاهات بالسناريو اللي بتنزله لمشكلتك . بالعربي مانبي خراب بيووووت

ذاك اليوم بالدوام جاني واحد من اخوياي وواضح عليه الارتباك - الرجال متزوج ووضعه الاسري زين - " زعلان عندك شي؟؟؟" " ايه عندي بيض وجبن وفلافل .. اامر وش تبي " " ابيك بموضوع خاص شوي " طلعت مع الرجال لصومعتنا الخاصه الا هو يحط يده على راسه ويقول " افففف يازعلان خلاص ماعدت اقوى صراحه هالحياه " " صل على النبي يارجال شفيك؟؟ البانادول مايسبب سرطان كذب اللي تسمعه " يازعلان وش بانادوله الله يهديك .. انا عندي مشكله بالبيت وعجزت القى لها حل وقلت مالي الا الله ثم انت " ونعم بالله ثم فيني بس ياخي بصراحه انا مشغول ومنيب فاضي لك " << سعودي حس انه مهم

.. قال " زعلان مهوب لايق عليك الثقل اسمع وانت ساكت .. السالفه ومافيها ان زوجتي صايره تحلّم فيني حلوم شينه .. كل ماصحيت لقيتها منزله رابط صوتي بحلقها بس تشغله لي " انا حلمت فيك كذا وكذا وكذا " يازعلان حسيت اني كتاب تفسير احلام مو زوج يازعلان انا ابي اطلقهاااااااااا خلاص .. ماتصلح لي هالانسانه .. الواحد يصحا من النوم يلقى وحده تبتسم له وانا اصحا عشان اشوف وش صار لي بآخر حلقه من حلقاتها؟ " المهم ان الرجال كان جدا متنرفز ومصر على قضية الطلاق بشكل مو طبيعي .. انا هنا حسيت ان الموضوع كبير وبلوتوث مستقبل الانسانه صار بيدي يعني لابد من التتدخل السريع لاحتواء الموقف .

قمت سويت نفسي اضحك واقول له " يلعن ابليسسك ياشيخ من جدك مشت عليك هالحركه؟؟؟ وانا اقول انك ذيب النساء .. والله قدروا الحريم عليك .. ياسبيكه هذي زوجتك اكيد انت مزعلها بشي او انها كاشفتك تغازل وحده وقالت مالي الا اني اروع قلبه بهالحلوم عشان يقضب ارضه .. لا لا صراحه ماتخيلتك بهالسذاجه " شوي الرجال انشرح صدره قال " من جدك يازعلان؟؟" " ايييييه ياخوي واضحه والا المدام ولاطقت لك خبر بحلومها هي تلحق على كليبات الزواجات والا على امها وخواتها عشان تحلم فيك؟؟ السعوديه ماتحلم بزوجها ابد خذ مني .. هي كارهته على ارض الواقع تبيها تسوي له انفايت لحلومها؟؟ " " زعلان انا احبببببببببببببببببك " " ابعد ياخوووي يرحم ابوك لااحلم فيك انا مو هي "

موقف آخر ,<< يضبط البشت ويخلل لحيته بدهن عود

ولد عمي ..جاني مره ويقول زعلان انا يتكرر علي حلم ازعجني من جد.. صرت ياخي ماغير اهوجس فيه .. حتى اهلي لاحظوا علي اني اسرح كثير .. وبديت اتنرفز واعصب من لاشي .. " وشو الحلم طيب؟؟" " ياخي احلم ان شعر راسي يتساقط" " يابن الحلال عليك بشامبوو او فايف يمدحونه للتساقط .. صبه انت بس على المخده قبل تنام وافرك شعرك جيدا " " زعلان مالي شغل تشوف لي حل " " وش تبيني اسوي يعني؟؟ " " دبر لي رقم شيخ نساله عن تفسير هالحلم " ..المهم دبرنا رقم شيخ يقولون انه مشرف في تفسير الاحلام .. اتصلت عليه وولد عمي معي .. الا يرد الشيخ " السلام عليكم ياشيخ " " وعليكم السلام والرحمه نعم يا أخي " " ياشيخ انت تفسر احلام؟؟ " << بداية ضعيفه

.. " لا افسر انغام واصاله .. شتبي ياخوي " " ياشيخ حتى ظرافتكم ربي محليها .. المهم ياشيخ انا احلم لي حلم ويتكرر علي له اسبوع كامل فهل يجوز الخلع منه ؟؟ " << مسك خط بالفتوى
.. " يابُني اسمها رؤيا وليست حلما " " ياشيخ الاسامي هيه هيه والقلوب تغيرت .. اشوف ان شعري راسي يتساقط .. يتحتحت ياشيخ .. يتناثر اشلاءااااا .. " وش تفسيره ياشيخ " . الا الشيخ يقول " لاحول ولاقوة الا بالله" ويقفل الخط .. ناظرت ولد عمي الا هو يتنافض .. قلت شكلهم اقاموا الصلاه نتصل عليه عقب الصلاه ... وحالتنا حاله ليما لقينا شيخ وفسر له حلمه وطمن باله ..

مانبي نطول مواقف الاحلام ..

السؤال اليكم

اخي البالغ العاقل الذكر

هل احلامك المزعجه في احد افراد اسرتك تؤثر على وضعك الاسري؟؟ هل لما تحلم حلم مزعج في اختك مثلا انها بتسدد فاتورة جوالك.. من بكره وانت مصمخها وين الفلوس؟؟

اختي البالغه العاقله الذكره

هل تؤثر احلامك في زوجك على تصفيقك لبزرانك ؟؟ يوم تسمعين زوجك يحلم ويقول " ساررره وحشتيني " تحطينه عالميوت والا تقربين المسجل من فمه وتجيبين اثنين شهود عدول ..
واذا حلمتي بصديقتك انها تزوجت حبيبك؟؟ من بكره تحطين لها سم في الاكل؟؟

المحاور طويلة عريضه بهالموضوع.. انتشرووووا وخذوا مواقعكم

وأي احد يحلم فيني بعد الموضوع فالله لايبيحه اذا بيحلم فيني في مكان غير بيروت

الموضوع الأصلي: بـحـلـم بـيـك انـا بـحـلـم بـيـك | | الكاتب: عيسى العرعري | | المصدر: شبكة بني عبس

[خلهم ينفعونك]

احلاااام سعيدة للجميع



يعطيك العافية عيسى

تحيتي لك

[منصور غنيمان]

احلاااام سعيدة للجميع



يعطيك العافية عيسى

تحيتي لك

[سعد القلادي]

[عيسى العرعري]

اقتباس من مشاركة ♠O.vlden♠ احلاااام سعيدة للجميع يعطيك العافية عيسى تحيتي لك

يعافيك ربي//
//مشكوور على مروورك/
///تقبل تحياتي

[عيسى العرعري]

اقتباس من مشاركة منصور غنيمان احلاااام سعيدة للجميع يعطيك العافية عيسى تحيتي لك

منصور ::> شكلي بحلم فيك اليوم
///> فلم رعب
/// مشكور على مروورك خيوو
تقبل تحياتي

[عيسى العرعري]

اقتباس من مشاركة سعد القلادي

يعافيك ربي اخوي سعد//
سعد/// > احس ان شخصيتك قويه بين الاهل//
اهم شي الشخصيه// لا تسوي قوي على اخوانك الصغـأر
لأ اجيك في الحلم
// يمزح
سعد// وجودك هينـأ يسعدني كثيرا ونروت صفحتي
مشكوور على مروورك
تقبل تحياتي

[رواية]

وأي احد يحلم فيني بعد الموضوع فالله لايبيحه اذا بيحلم فيني في مكان غير بيروت

ههههههههههههههههههههههههه
عاد ما فكرت الا ببيروت (أخاف تصير حرب أهليه وأنت بينهم)

أخي الحلم خاصه اذا تكرر أكثر من مره نعم يؤثر على الشخص
وكثير من الاحلام تحمل بشرى أو انذار ..فلا بد من تفسيرها
وكان تفسير الاحلام من عهد النبي عليه الصلاة والسلام
هنالك أحلام لا تؤثر بالشخص(وهي ما تسمى بالاحداث اليوميه)
وهنالك أحلام تجعلك تفكر بها طوال أشهر (وأنت حاط يدك على قلبك)
دمت بود تقبل مروري