[سعد الشقل]

الزلزال

يالربع أنا جاملتكم بالحيل في شهر رمضان=جاملتكم لين رمضان أقفا هلاله و شهـره
واليوم جيت آبا تنقا في ضحاياي السمـان=وأول ضحية ناصر خنيفر كبير الخنفـره

العمده

مانته مجامل مار خايف من طويلين اليمان=يلهبك الك شاعر بيتن فوق راسك يسمره
وان جيت تلقامالقيت العام في تال الزمان=لكن تعوذ من بليس اللي بصدرك ودحـره

الزلزال

اللي يخاف من الكديش يموت ماذاق الأمان=مع إنها ماهـي بعيد..الثـور روُع عنتـرة
لقيت عود يقول أنا فارس وهو رعُاي ضان=نويت قتله..مير قلت العفو عنـد المقـدرة

العمده

لاتشبه اهل الخيل واللي بالقا ترو اسنـان=كديش كاننك تخاف الله وتبـي المغفـرة
العود جعل ابوه ويا ابوك في خضرالجنان=شاعر كبير ولايحب العنجهه والمصخـرة

الزلزال

الخيل أهلها مايحطون الحمار مع الحصان=لن الحمار حمار مهما كان بطنه وظهـره
الأوله يازينهـا زينـاه كـان الحـظ زان=والثانية لاوالله ألاٌ سرج في ظهـر بقـرة

العمده

كلٍ بدوره له عمل والخيـل تعـرف بالعنـان=واما الجحش عليك منه اوصاف جسمه وشعره
جتني رساله من عميللك سكن بجبـال ابـان=يقول زلـزال الجحـش لـو الاسـام مغيـره

الزلزال

ياللي تعرف أوصاف جسم..وشعر..ومجسم..وأذان=هذا دليل إنك مع أصحاب الحصن.. حـق اعيـره
انا آدمي وأما الجحش يبقـا جحـش وأمـه يتـان=يازين من جاب الك صورة..منخرك فـي منخـره

العمده

حنا نترفع مانمشيهـا علـى درب الطمـان=والي نزل يم الطمان يموت وانـا مشكـره
توه طلع بعد المسافه يوم خانبـك السـان=اكيد مانته بالجحش بيت الجحش تقل صخره

الزلزال

ماسرعك تنقض سحرك المفتول ياساحر عمان=سبحان من خلا رع الخنجر يموت بخنجـره
واليوم ماعاد الك هيبة بنت والمحصول بـان=بعيركم ياعبـس صنفرتـه وطيـرت وبـره

العمده

نقضت رايي ماهو سحـرالله يلهمـك الامـان=شفت الحروف المايله ماهي بخـط المسطـره
هيباتنا ماتـزول دام الارض يمشيهـا انسـان=وبعير عبس ان جاك جاك الموت وسط الحنجره

الزلزال

توه طلع بعد المسافة وارتخى عزمه ولان=عزالله إن اللي مدح شعر الضعيف دهوره
سرا وضرا كلها من فعل مس الخيزران=الله يعز الخيزران اللي يصير اله ثمـرة

الموضوع الأصلي: الزلزال × ناصر خنيفر | | الكاتب: سعد الشقل | | المصدر: شبكة بني عبس

[مساعد عواض]

طاروق رايع من اجمل طواريق المحاورات واقدر اقول انها من اجمل محاورات المنتدا
عن وجهة نظر خاصه ولكم تحياتي

[ناصر خنيفر]

شكرا ياسعد الشقل على التنسيق وبيض الله وجهك

[JljJjJl]

شكراً ياسعد على التنسيق

مع اني تمنيت ان المحاورة استمرت أكثر من ذلك

[وضاح اليمن]

مشكور سعد تمنيت لو اني حضرت هذه المحاوره القويه

[م س الرشيدي]

الله الله محاورة قوية
جحش وبقره وصنفره وعيره
هذي المعاني عزالله ان اللي جابها عن الشعر بعد الثرى عن الثريا

[الجحش]

ياللي تعرف أوصاف جسم..وشعر..ومجسم..وأذان
هذا دليل إنك مع أصحاب الحصن.. حـق اعيـره




واليوم ماعاد الك هيبة بنت والمحصول بـان
بعيركم ياعبـس صنفرتـه وطيـرت وبـره




توه طلع بعد المسافه يـوم خانبـك السـان
اكيد مانته بالجحش بيت الجحش تقل صخره -- ماعليك زود يابو تركي

حنا نترفع مانمشيهـا علـى درب الطمـان
والي نزل يم الطمان يموت وانـا مشكـره

محاورة <> جميله من شعرائ غنيين عن التعريف

[الشاامخ]

محاوره رائعه بين شاعرين عمالقه

ومشكووووووووور سعد